Tɔlɔ Mɔ 21:5 - WE NU GALE 1995

⁵ nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

Tɔlɔ Mɔ 21:5 Iomraidhean Croise

Zumanɔ 68:6

Gale ɔ kɔ Tɛmpɛloe 'da a kɛ ma santo, a a wi dala be gulanɔ, nɛ a 'bɔ a wi tɔ̃ ngbangga ngɔ wi fio wilinɔ.

Zumanɔ 78:19

Nɛ wa wila 'dã we hã Gale, nɛ wa aka tɛ wa na: “Gale wia we hã nyɔngɔmɔ hã lɛ dɛ li gba zɔ̃ɛ gɛ nde?

Kulu Tɔa 14:11

Nɛ wa tɔ̃ hã Mɔizɛ na: “Fo wá wila nù tɛ Ezipeto na, wa mi do lɛ bina nde? Gulu kɛ mɔ tɛa do lɛ i nga, hã lɛ nɛ fe dɛ li gba zɔ̃ɛ gɛ na ge nde? Gulu kɛ mɔ fua lɛ ngɔ nù Ezipeto we ge nde?

Kulu Tɔa 15:24

Obe Israɛlɛ wa zɔa ni, nɛ wa ndua wele 'dã we hã Mɔizɛ. Wa na, mɛ lo nɛ nɔ ma, mɛ a ge nde?

Kulu Tɔa 16:15

Obe Israɛlɛ wa zɔa ma, nɛ nde wa ĩ̀ ti nɛ gɔ. Nɛ wa aka tɛ wa na: “Ki ni a ge nde?” Nɛ Mɔizɛ gisa na: “Mɛ a nyɔngɔmɛ kɛ NWA tombo hã nɛ na, nɛ nyɔngɔ gɛ a ni.

Kulu Tɔa 16:31

Obe Israɛlɛ wa ia li nyɔngɔmɛ wa kala ni na mana. Ma zi a fɛ̃a ɔ nɛ gbãlã mũlũ ni, nɛ ma ɛ̃fɛ̃ ɔ nɛ mukate kɛ wa mba do nɔ gɔlɔ ni.

GBA WENƆ 27:7

Wi kɛ zã a hɛ̃ wena ni, gɛnɛ kɔ a zɔ dia nyɔngɔmɔ, nɛ nde a 'bé sɛ tɛ nɛ gɔ. Nɛ wi kɛ a ala wɔ ni, gɛnɛ kɔ kpã nyɔngɔmɔ, nɛ ma ɛ̃lɛ̃ sɛ nu a iko.

EZEKIƐLƐ 20:21

Nɛ nde obenɔ ni wa dɛa tɛ mɛ 'bɔ nga zu dɛ tɛ mi, nɛ wa bɛ̃a we nu mi, nɛ wa 'danga mbulanɔ 'da mi. Ĩ na, mɛ a ombula kɛ ma kpasa wele kɛ a dɛ ma ni kpasa. Wa faka 'bɔ kɔ̃ tũ ɔmɔ tɛ wi. Ma a mi nɛa we zɔ ní, nɛ mi tɔ̃ na, mi kúnú sɛ 'bɔ sila mi gɔ, mi nɛ be nɔ̃lɔ̃ zã 'da mi hã wa dɛ li gba zɔ̃ɛ ni.

Tɔlɔ Mɔ 11:20

Nɛ nyɔngɔ sɛ mulu sa'de gbaa 'do zɛkɛ kpo, nɛ ma 'danga sɛ nu nɛ, nɛ ma gbala do kɔ zɔ́ nɛ sɛ nɛ de. Ki ni a etumbu kɛ nɛ kpa sɛ ma, we kɛ nɛ bɛ̃a gɛnɛ nwa, kɛ a ɔ dɛ sanga nɛ gɛ, nɛ nɛ bi tɛ nɛ dati a na, lo hɔa nza kɔ Ezipeto we ge nde ni.’ ”

Tɔlɔ Mɔ 17:12

Aroni dɛa olo nu Mɔizɛ, nɛ a ba mɔ u do we 'da a, nɛ a wɛlɛ do tɛ̃ a dɛ 'da owinɔ kɛ 'dã zɛlɛ ndua ba wa ni. Nɛ a dɔ fũ yɔmbɛ, takɔ ma fɔlɔ obe Israɛlɛ, kɔ wa hɔ sa wi li NWA.

1 KORINTƐ 10:9

Nɛ lɛ tɛ yàmbà sila Nwa, ɔ nɛ kɛ ombe sanga wa wa yamba zi sila a, nɛ Ogɔ̃nɔ wa gɔmɔ wa, nɛ wa fe ni gɔ.