Tɔlɔ Mɔ 21:34 - WE NU GALE 1995

³⁴ Nɛ NWA tɔ̃ hã Mɔizɛ na: “Mɔ tɛ dɛ kili a gɔ. Mi dɛ sɛ na, mɔ nɛ ngɔ a do osodanɔ 'da a vɛ̃, nɛ mɔ ba nùi 'da a. Mɔ dɛ sɛ do a ɔ nɛ kɛ mɔ dɛa do Sihoni, nwa 'da Oamori, kɛ a dungu nwa tɛ Hɛsɛboni ni.”

Tɔlɔ Mɔ 21:34 Iomraidhean Croise

2 SAMUƐLƐ 5:19

Davidi nɛa we zɔ ni, nɛ a aka nwa na: “Mi wia we bi Ofilisti nde? Mɔ dɛ sɛ na, mi nɛ ngɔ wa nde?” Nɛ nwa gese na: “Mɔ nɛ́, hã mɔ bi wa. Mi e sɛ wa dɛ kɔ̃ mɔ.”

1 Onwanɔ 20:13

Do 'da fala ni, nɛ mbe wi gba olo nu Gale kpo nɛa, nɛ a kpa Akabɛ, nwa ngɔ nù Israɛlɛ, nɛ a tɔ̃ hã a na: “nwa tombo toe gɛ hã mɔ na, mɔ zɔ gba gili osoda Siri gɛ! Ɛ tɔ̃ hã mɔ na, sɔɛ gɛ ɛ 'dɔlɔ sɛ wa hã mɔ, sɛ a mɔ ĩ na ɛ a NWA de.”

1 Onwanɔ 20:28

Nɛ wi gba olo nu Gale tɛa 'bɔ, nɛ a kpa nwa ngɔ nù Israɛlɛ, nɛ a tɔ̃ hã a na: “NWA tɔa na: Ɔ nɛ kɛ Osiri wa tɔ̃a na ɛ NWA, ɛ a Gale kɛ ɛ ɔ ngɔ kalanɔ iko, kɔ ɛ a Gale ngɔ mbɛ nù gɔɛ ni, nɛ nde ɛ 'dɔlɔ sɛ gba gili osodanɔ 'da wa hã mɔ. Nɛ wa ɔ sɛ ti mbula 'da mɔ, sɛ a mɔ ĩ na ɛ a NWA de.”

2 Onwanɔ 3:18

Nɛ Elize tɔ̃ 'bɔ na: “Ki ni mɛ a be mɔ sĩ iko we duzu NWA. A 'dɔlɔ sɛ 'bɔ nùi 'da Omoabɛ hã nɛ.

Ezai 41:13

Mi a NWA Gale 'da nɛ, mi tɛ yolo gba sala 'do nɛ, nɛ mi tɔ̃ hã nɛ fai na: ‘Nɛ tɛ dɛ̀ kili gɔ, we kɛ mi gala sɛ nɛ.’ ”

Tɔlɔ Mɔ 14:9

Kɔ nɛ tɛ dɛ̃ nga zu hã NWA gɔ, nɛ nɛ tɛ dɛ̃ 'bɔ kili winɔ ngɔ nùi ni gɔ. Lɛ bi wa, nɛ lɛ nɛ sɛ ngɔ wa da dɔ̃ iko. Mba gɔ, ogalenɔ 'da wa, wa gɛa tɛ wa 'do wa do'do. Nɛ nde NWA fala nɛ kpo do lɛ boe. Nɛ tɛ dɛ kili wa gɔ!”

Mbulanɔ 2:30

“Nɛ nde nwa Sihoni bɛ̃a zi na, lɛ tɛ là do ngɔ nùi 'da a gɔ. Mba gɔ, NWA Gale 'da nɛ, a nganda zi sila a, takɔ a e a dɛ kɔ̃ lɛ, sɛ a lɛ ba nùi 'da a de. Mɛ a nùi kɛ lɛ ngɔ ma sɔɛ gɛ.

Mbulanɔ 20:3

‘Aa nɛ osoda Israɛlɛ, nɛ zélé! Sɔɛ gɛ nɛ nɛ nɛ bolo, nɛ ma wè na, nɛ dɛ kili owi sɛnɛ nɛ gɔ. Nɛ ma wè 'bɔ na, ngawi 'da nɛ ma e, nɛ nɛ tana kili dati wa gɔ.

Mbulanɔ 3:1

“'Do nɛ, nɛ lɛ la zi si gbãlã ngɔ, si li wala nù Basanɛ. Nɛ Ɔgɛ, nwa 'da Obasanɛ do osodanɔ 'da a vɛ̃, wa hɔa zi nza we bi lɛ tɛ Edrei.

Mbulanɔ 3:11

(Nwa Ɔgɛ tɛ Basanɛ zi a tala ngɔ go'do Orɛfa kɛ a 'bana nza. Mɔ hɔ tɛ Raba, gã le 'da Oamoni, nɛ mɔ zɔ sanduki kɛ wa mi zi do a ni. Wa dɛa ma do ta, nɛ 'da du nɛ nɛa ngɔ mɛtrɛ nalɛ, nɛ 'da dɔ nɛ ma dɔ̃ɔ do mɛtrɛ bɔa.)

Mbulanɔ 31:6

Nɛ kpala sila nɛ, nɛ nɛ ɔ̃ do ngawi. Nɛ tɛ tànà kili dati wa gɔ, we kɛ NWA Gale 'da nɛ do tɛ̃ a ngboo sɛ do nɛ boe. A lá sɛ nɛ gɔ, nɛ a élé sɛ nɛ fala kpo gɔ.”

Mbulanɔ 7:17

“Nɛ tɛ tɔ̃̀ na, owinɔ ni wa nganda nɛa ngɔ lo, kɔ lo nɛ dɛ fala ndaka wa nɛ nde gɔ.

Mbulanɔ 7:18

Nɛ tɛ dɛ̀ kili wa gɔ, nɛ lénggé do mɛ kɛ NWA Gale 'da nɛ, a dɛa zi do nwa ngɔ nù Ezipeto do owinɔ 'da a vɛ̃ ni.

Mbulanɔ 7:21

We duzu ma, nɛ tɛ dɛ̃ kili ogele nu kɔnggɔnɔ ni gɔ. NWA Gale 'da nɛ do nɛ boe, nɛ a a Gale kɛ a gã wena, nɛ Owele wa wia we dɛ tati a kili a zu a kpo.

Mbulanɔ 7:24

A e sɛ 'bɔ Onwanɔ 'da wa dɛ kɔ̃ nɛ. Nɛ mbiti sɛ wa, nɛ nɛ 'danga mɛnɔ vɛ̃, kɛ ma wia tɛ gba ta zu wele ngɔ wa ni. Wele kpo kɔ wa yóló sɛ dati nɛ gɔ.

Yozue 10:25

Wa dɛa nɛ kɛ Yozue tɔ̃a ni, nɛ a tɔ̃ hã wa na: “Nɛ tɛ mbɔkɔ gɔ, nɛ nɛ tɛ dɛ̃ kili gɔ. Nɛ ɔ́ do ngawi, nɛ nɛ kpã́lã́ sila nɛ! We kɛ NWA a dɛ sɛ ní do owi sɛnɛ nɛ vɛ̃.”

Yozue 10:8

Nɛ nwa tɔ̃ hã a na: “Tɛ dɛ̃ kili wa gɔ! Mi 'dɔlɔ sɛ wa hã mɔ. Wele kpo kɔ wa yóló sɛ dati mɔ gɔ.”

Yozue 8:7

Do 'da fala ni, nɛ nɛ hɔ́ nza, nɛ nɛ ba le. We kɛ NWA Gale 'da lɛ hã le ni hã lɛ ia.

Owi kpe dati 11:30

Nɛ Yɛfte kpo mbulu hã Gale na: “Fala kɛ mɔ nwa, mɔ dɛ na, mi nɛ ngɔ Oamoni,

1 SAMUƐLƐ 23:4

Na mɛ ni, nɛ Davidi aka 'bɔ NWA mbé nɛ, nɛ a gese hã a na: “Mɔ kúlú ngɔ, kɔ mɔ nɛ kɔ le Keila i. Mi 'dɔlɔ sɛ Ofilisti hã mɔ.”