Tɔlɔ Mɔ 21:2 - WE NU GALE 1995

² Ma kɛ obe Israɛlɛ wa kpua mbulu hã NWA na: “Fala kɛ mɔ dɛ na, lɛ bi owinɔ gɛ kɔ lɛ nɛ ngɔ wa, nɛ lɛ kumu sɛ wa, nɛ lɛ 'danga sɛ olenɔ 'da wa vɛ̃.”

Tɔlɔ Mɔ 21:2 Iomraidhean Croise

Ndo Nyanga Dɛ Mɔ 28:20

Nɛ Yakɔbɔ kpua mbulu hã NWA na: “Aa Gale, fala kɛ mɔ 'bana do mi, hã mɔ zɔ mɔ tɛ mi li wala mi nɛ nɛ gɛ, kɔ mɔ hã nyɔngɔmɔ na mi nyɔngɔ, do tulu na mi he'de,

Zumanɔ 116:18

Mbuli mi kpua hã NWA ni, mi dɛ sɛ ma sanga mba li ngba wi 'da owinɔ 'da a,

Zumanɔ 132:2

Mɔ lénggé mbuli kɛ a kpua zi hã mɔ nwa Gale ngawi 'da Yakɔbɔ ni. A zonggo zi tɛ̃ a na:

1 KORINTƐ 16:22

Fala kɛ wele kɔ̃̀ gɛnɛ Nwa Yezu gɔ nde, nɛ Gale fɔmbɔ a! Marana ta! Gulu nɛ na: Aa Nwa 'da lɛ, mɔ tɛ́!

Mbulanɔ 13:15

Kɔ fala kɛ nɛ zele na mɛ ni, nɛ nɛ aka sɛ Owele we ĩ ti gulu nɛ do dia nɛ ngboo. Fala kɛ nɛ ĩ na, 'dã mɛ ni ma dɛa tɛ̃ ɛ do gbãlã we,

Mbulanɔ 13:16

nɛ nɛ gbɛ owinɔ le ni vɛ̃, nɛ nɛ kumu 'bɔ onadalamɛnɔ 'da wa vɛ̃. Nɛ dɛ ni do'do, nɛ nɛ 'danga le ni do omɛnɔ kɔ nɛ ni vɛ̃.

Mbulanɔ 20:16

“Nɛ nde 'da fala nɛ ba olenɔ tɛ ngɔ nùi kɛ NWA Gale 'da nɛ, a ba ma hã nɛ ni, nɛ nɛ gbɛ sɛ owinɔ kɔ nɛ ni vɛ̃.

Mbulanɔ 7:2

Gale 'da nɛ a e sɛ owinɔ ni dɛ kɔ̃ nɛ, nɛ nɛ nɛ sɛ ngɔ wa. Nɛ ma wia na, nɛ kumu wa vɛ̃. Nɛ tɛ dè na do wa gɔ, nɛ nɛ tɛ dɛ̃ 'bɔ 'bako hã wa gɔ.

Yozue 6:17

Nɛ 'dángá ma, do mɛnɔ kɔ nɛ ni vɛ̃. Nɛ dɛ ní, we be na, nɛ hã ma do dɔnggamɔ hã NWA. Nɛ nɛ tɛ gbɛ wuko ndumba li a a Rahabɛ, do winɔ vɛ̃ kɔ tɔa 'da a ni gɔ, we kɛ a usu zi zu wi miãnɔ 'da lɛ.

Yozue 6:26

'Do kɛ osoda Israɛlɛ wa 'danga le Yeriko ni, nɛ Yozue kana nu a tɛ nɛ na: “E kɔ NWA fɔmbɔ wi kɛ a yamba sɛ we dɛ 'bɔ le Yeriko dɛ olo nɛ ni. Wele kɛ a ndo zĩ ngbo nu le, nɛ kutu be 'da a a fe nɛ. Wele kɛ a ndo 'dafa ngbo nu le, nɛ tala be 'da a a fe nɛ.”

Owi kpe dati 11:30

Nɛ Yɛfte kpo mbulu hã Gale na: “Fala kɛ mɔ nwa, mɔ dɛ na, mi nɛ ngɔ Oamoni,

1 SAMUƐLƐ 1:11

“Aa NWA Gale 'da lɛ obe Israɛlɛ, mɔ zɔ̀ 'bakoe 'da mi wi toe 'da mɔ, nɛ mɔ tɛ èlè mi gɔ. Mɔ ĩ́ bako hã mi, kɔ mɔ hã be hã mi. Mi kpo mbulu hã mɔ na, fala kɛ mɔ hã a hã mi, nɛ mi ba sɛ a hã mɔ na, a dɛ toe 'da mɔ fai. Nɛ we be na, a dɛ sɛ toe 'da mɔ fai ni, wa kɛ́lɛ́ sɛ zu a gɔ.”