Tɔlɔ Mɔ 21:16 - WE NU GALE 1995

¹⁶ Wa yula di ni, nɛ wa la dɛ tɛ nu kɔ̃ lì, tɛ fala nwa tɔ̃a zi hã Mɔizɛ na: “Mɔ ngɛmɛ li winɔ, nɛ mi hã sɛ lì hã wa” ni.

Tɔlɔ Mɔ 21:16 Iomraidhean Croise

Ndo Nyanga Dɛ Mɔ 21:19

Nɛ Gale fi li Agarɛ, nɛ a zɔ nu kɔ̃ lì, nɛ a nɛ, nɛ a so lì ni dɛ kɔ daka, nɛ a hã ma hã be 'da a na, a nɔ.

Kulu Tɔa 17:6

Nɛ mi, mi yolo sɛ dati mɔ ngɔ mbe ta di ni. Kɔ mɔ hɔ ngɔ kala mɔ, nɛ mɔ zɛ sɛ ta ni do dɔndɔlɛ. Nɛ lì ma hɔ sɛ kɔ nɛ, nɛ winɔ wa nɔ ma.” Okumunɔ wa kã Mɔizɛ, nɛ a dɛa olo nu NWA.

Ezai 12:3

NWA ɔ nɛ zu lì kɛ nɛ, obe Israɛlɛ nɛ nɔ ma, nɛ ma kpasa nɛ, nɛ nɛ dɛ yangga ni.

Ezai 15:8

Ngɔ nù Moabɛ vɛ̃, hiamɔ wele gboo. Nɛ hiamɔ ala nui ni, ma hɔa gbaa tɛ Eglaimɛ, do nu 'de Elimɛ.

Ezai 43:20

Osa'de zamɛnɔ, do o'banggonɔ, do ogba nɔɛnɔ, wa zɔ sɛ gba lì kɛ mi dɛa na, ma fo do li goe, do ngɔ nga nùnɔ ni, nɛ wa dɔnggɔ sɛ mi. Mba gɔ, mi kɔ̃a na, mi hã lì nɔ nɔa hã owinɔ kɛ mi saka wa ni.

Ezai 49:10

Wɔ nyɔngɔmɔ tabi wɔ lì ma bá sɛ 'bɔ wa gɔ. Nɛ tua wese tabi bawe bũ li go ma dɔ́ sɛ wa gɔ. Mi lengge sɛ wa de wena, nɛ mi kpe sɛ dati wa, nɛ mi kã sɛ wa dɛ nu 'de na, wa nɔ ma.

Tɔlɔ Mɔ 20:8

“Mɔ bá dɔndɔlɛ 'da mɔ, nɛ mɔ do Aroni, nɛ mbá li obe Israɛlɛ, nɛ mɔ bá nu mɔ hã ta gɛ dɛ li wa ni, nɛ lì ma hɔ sɛ kɔ nɛ dɛ nza. Na mɛ ni, nɛ mɔ dɛ sɛ na, lì sulu kɔ ta dɛ nza, nɛ obe Israɛlɛ do onadalamɛnɔ 'da wa, wa kpa lì nɔ nɔa.”

YOANƐ 4:10

Nɛ Yezu gese hã a na: “Ɔ do kɛ mɔ ĩ sɔ ti dia mɛ kɛ Gale hã ma ni ĩ, kɔ mɔ ĩ sɔ 'bɔ ti wele kɛ a gɔa lì kɔ̃ mɔ gɛ, nɛ mɔ a mɔ gɔ sɔ li kɔ a, nɛ a hã sɔ lì kɛ ma hã kpasi ni hã mɔ.”

YOANƐ 4:14

Nɛ nde fala kɛ mi hã lì kɛ mi tɔ̃ nɛ ni hã wele, kɔ a nɔ, nɛ mbé wɔ lì bá sɛ 'bɔ a gɔ. Mba gɔ, lì mi nɛ hã ma hã a ni, ma hɔ sɛ zu lì dɛ kɔ a, nɛ ma fo sɛ kɔ a fua fai, nɛ ma hã kpasi kɛ ma é sɛ gɔ ni hã a.”

USU MƐNƆ 21:6

Nɛ a tɔ̃ 'bɔ hã mi na: “Ma wia ia! Mi a Alfa do Omega, ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ̃ wi 'bɔ a mi. Wi kɛ wɔ lì ba a, nɛ mi so sɛ 'de kɛ ma hã kpasi ni hã a do dia sila iko.

USU MƐNƆ 22:1

Nɛ anzɛ bia 'bɔ gba fua lì, kɛ ma hã kpasi ni hã mi. Li lì ni gɛ̃lã ɔ nɛ kristalɛ ni, nɛ ma tɛ kũ dɛ ti kpongbo nwa 'da Gale do Be Bata.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.

Owi kpe dati 9:21

'Do kɛ Yotamɛ tɔa we ni do'do, nɛ a yu, nɛ a usu tɛ̃ a kɔ le Bɛera. Mba gɔ, a dɛa kili nya a Abimelɛkɛ.