Tɔlɔ Mɔ 20:8 - WE NU GALE 1995

⁸ “Mɔ bá dɔndɔlɛ 'da mɔ, nɛ mɔ do Aroni, nɛ mbá li obe Israɛlɛ, nɛ mɔ bá nu mɔ hã ta gɛ dɛ li wa ni, nɛ lì ma hɔ sɛ kɔ nɛ dɛ nza. Na mɛ ni, nɛ mɔ dɛ sɛ na, lì sulu kɔ ta dɛ nza, nɛ obe Israɛlɛ do onadalamɛnɔ 'da wa, wa kpa lì nɔ nɔa.”

Tɔlɔ Mɔ 20:8 Iomraidhean Croise

Ndo Nyanga Dɛ Mɔ 18:14

Mɔ kɛ ma gana Gale ni, ma bina. Nɛ nde 'da fala mi kpolo sɛ tɛ mi 'da mɔ nga kɔ sabɛlɛ 'do gɛ, nɛ nde Sara kua bulu be ia.”

NEHEMIE 9:15

“Wɔ ba zi wa, nɛ mɔ hã zi mapa kɛ ma yula li nza i ni hã wa na, wa nyɔngɔ. Wɔ lì ba wa, nɛ mɔ fua zi lì kɔ ta dɛ nza na wa nɔ. Nɛ mɔ tumba wa we bi lenɔ, kɛ mɔ kana zi tɛ mɔ we ba ma hã wa ni.

Zumanɔ 105:41

Nɛ a fi sanga ta, nɛ lì yula kɔ nɛ, nɛ ma fo do li goe, nɛ ma la ɔ nɛ gba lì ni.

Zumanɔ 114:8

A dɛa zi na lì go'do kɔ ta, nɛ fua lì sulu do ngɔ kpangba ta ni.

Zumanɔ 33:9

Fala kɛ a tɔ̃ we, nɛ ma dɛ tɛ̃ ɛ. Fala kɛ a ba nu a, nɛ mɔ olo nɛ ma hɔ.

Kulu Tɔa 14:16

Nɛ mɔ bá dɔndɔlɛ 'da mɔ dɛ kɔ̃ mɔ, nɛ mɔ be dɛ ngɔ gba lì. Nɛ ma gɔnɔ sɛ sanga tɛ ngbɛ ɛ, nɛ li wala ma la sɛ do kɔ nɛ, nɛ obe Israɛlɛ wa kũ sɛ lì ni gbaa dɛ kulu nɛ i do kula nyanga wa.

Kulu Tɔa 17:9

Mɔizɛ nɛa we zɔ ní, nɛ a tɔ̃ hã Yozue na: “Mɔ sáká onga wi wili, takɔ bindɛ, nɛ nɛ bi do Oamalɛkɛ. Nɛ mi yolo sɛ dɛ zu kala, do dɔndɔlɛ 'da Gale dɛ kɔ̃ mi.”

Kulu Tɔa 4:17

Mɔ 'be sɛ dɔndɔlɛ dɛ kɔ̃ mɔ, takɔ mɔ dɛ oɔngbamɛnɔ do ma.”

Kulu Tɔa 4:2

Nɛ NWA aka a na: “Mɛ mɔ 'bia dɛ kɔ̃ mɔ gɛ a ge nde?” Nɛ a gese na: “Mɛ a dɔndɔlɔ.”

Kulu Tɔa 4:20

Nɛ Mɔizɛ kala obenɔ 'dɛ ɛ do wuke 'dɛ ɛ dɛ ngɔ punda, nɛ wa si dɛ Ezipeto i. A ba dɔndɔlɛ dɛ kɔ̃ a, ɔ nɛ kɛ NWA Gale ba do nu ɛ hã a ni.

Kulu Tɔa 7:20

Mɔizɛ do Aroni wa nɛa, nɛ wa kpa nwa ngɔ nù Ezipeto fala nɛ kpo do owi olo li a, nɛ wa dɛ kpasaa ɔ nɛ kɛ NWA ba do nu ɛ hã wa ni. Aroni ba dɔndɔlɛ, nɛ a zɛ do lì Nilɛ, nɛ lì ni vɛ̃ kifi tɔkɔ.

Ezai 43:20

Osa'de zamɛnɔ, do o'banggonɔ, do ogba nɔɛnɔ, wa zɔ sɛ gba lì kɛ mi dɛa na, ma fo do li goe, do ngɔ nga nùnɔ ni, nɛ wa dɔnggɔ sɛ mi. Mba gɔ, mi kɔ̃a na, mi hã lì nɔ nɔa hã owinɔ kɛ mi saka wa ni.

Ezai 48:21

NWA kpia dati owinɔ 'da a, nɛ wa la do li go kɛ ma kula kparr, nɛ nde wa àlà wɔ lì gɔ. A dɛa na, lì ma yolo kɔ ta hã ma tofo, nɛ ta ma fũ, nɛ lì yula kɔ nɛ, nɛ ma fo.

Tɔlɔ Mɔ 20:11

Ma kɛ Mɔizɛ ba dɔndɔlɛ 'da a dɛ ngɔ, nɛ a zɛ do ta fala bɔa, nɛ gã lì yula kɔ nɛ do ti, nɛ ma go'do dɛ nza. Nɛ obe Israɛlɛ wa nɔa lì fala nɛ kpo do onadalamɛnɔ 'da wa.

Tɔlɔ Mɔ 20:7

Nɛ NWA tɔ̃ hã Mɔizɛ na:

Tɔlɔ Mɔ 21:15

nɛ lì Arnoni do ogbakɔ̃ nɛ, ma yula kɔ le Arɛ, nɛ ma mba ngbɛ ɛ, nɛ ma fo do li ngbala nù Moabɛ.”

Tɔlɔ Mɔ 21:18

Wi zã zi kɔ̃ lì a owi dĩ do onwa ngɔ lenɔ. Wa zã zi ma do dɔndɔlɔ nwa 'da wa.” Wa yula li gba zɔ̃ɛ ni, nɛ wa la dɛ Matana.

MATIE 21:21

Nɛ Yezu gisa hã wa na: “Mi tɔ̃ hã nɛ do gbãlã we na, fala kɛ nɛ do kɔ̃a we dɛ 'da Gale, kɔ nɛ ɔ̀ do kafi kɔ sila nɛ gɔ, nɛ nɛ wia we dɛ mɛ mi dɛa ma do te gɛ. Nɛ nɛ dɛ́ sɛ tati a ki ni iko gɔ, nɛ nde nɛ wia we tɔ̃ 'bɔ hã kala gɛ na: ‘Mɔ fó tɛ mɔ dɛ do'do, kɔ mɔ té 'dɔ gba lì,’ nɛ ma dɛ sɛ tɛ̃ ɛ na mɛ ni.

LUKA 11:13

Nɛ a Owi dɛ 'dã mɔ, kɔ nɛ hã dia mɔ hã obenɔ 'da nɛ ni, ní a tɔlɔ wá do Baa nɛ Gale li nza i ni nde? Nɛ aka a we Hi Wi Santo, nɛ a hã sɛ a hã nɛ.”

YOANƐ 16:24

Gbaa tia do sɔɛ gɛ, nɛ tɛ gɔ̀ mɔ kɔ̃ Baa mi do zu li mi gɔ. Kɔ fala kɛ nɛ gɔ, nɛ nɛ kpa sɛ. Kɔ fala kɛ nɛ kpa ma, nɛ sila nɛ ma dunu sɛ do yangga.

Owi Nɛ Tonɔ 1:14

Winɔ ni wa mba ngba wa vɛ̃ kpo, nɛ wa do sila wa kpo, tɛ sambala Gale 'do ngbɛ ɛ do 'do ngbɛ ɛ. Nɛ ombe wuko zi kɔ wa boe, ɔ nɛ Mana naa Yezu. Nɛ obulu nya Yezu wa zi 'bɔ boe.

Yozue 6:20

Yozue tɔ̃a wenɔ ni vɛ̃ do'do, nɛ onganganɔ wa dama mɔtũlĩ, nɛ wa kpè hi wa gɔ. Owinɔ wa nɛa we zele ní, nɛ wa he gã hiamɔ bolo, nɛ ngboe gbini, nɛ wa le do ti, nɛ wa ba le Yeriko.

Yozue 6:5

'Da fala kɛ onganganɔ wa dámá mɔtũlĩ, kɔ wa kpè hi wa gɔ, kɔ nɛ zele ma, nɛ nɛ hé gã hiamɔ bolo. Nɛ ngbo nu le ma gbini sɛ, nɛ nɛ vɛ̃ nɛ lé. Wele do wele a le sɛ do fala a yula nɛ ni.”

USU MƐNƆ 22:1

Nɛ anzɛ bia 'bɔ gba fua lì, kɛ ma hã kpasi ni hã mi. Li lì ni gɛ̃lã ɔ nɛ kristalɛ ni, nɛ ma tɛ kũ dɛ ti kpongbo nwa 'da Gale do Be Bata.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.