Tɔlɔ Mɔ 20:5 - WE NU GALE 1995

⁵ Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ fala zɛlɛ tɛ gɛ ni we ge nde? Mɛ a fala kɛ wa mí kpalɛ tɛ nɛ gɔ, nɛ fo owala te nyɔ nyɔnga, tabi mbamba lì nɔ nɔa 'bɔ bina.”

Tɔlɔ Mɔ 20:5 Iomraidhean Croise

NEHEMIE 9:21

Mɔ zɔa mɔ tɛ wa 'do 'bu sabɛlɛ nalɛ tɛ li gba zɔ̃ i, nɛ wa zɔ̀lɔ̀ mɔ kpo gɔ. Tulu tɛ wa ɛ̃̀ gɔ, nɛ nyanga wa hɛ̃̀ 'bɔ gɔ.

Yeremi 2:2

mi nɛ́, hã mi tɔ̃ to olo nu ɛ hã Owi kɔ le Yeruzalɛmɛ na: “Mi NWA, ta zu mi 'bana ngɔ tɛlɛ tɛ kɛ nɛ dɛ zi olo nu mi fai do 'da fala nɛ 'bana zi do be ni! Ta zu mi gba ngɔ tɛlɛ tɛ kɛ nɛ nda'ba zi tɛ nɛ do mi ni. Nɛ nɛ kɔ̃a zi mi ɔ nɛ kɛ wuko kɔ̃ do wili ɛ, kɛ a ba a 'da kala gɔ ni. Nɛ nɛ zi 'do mi tɛ li gba zɔ̃ i, tɛ ngɔ nùi kɛ kpalɛ kpo hɔ̀ tɛ nɛ gɔ ni.

Yeremi 2:6

Wa lènggè do mi nwa gɔ, nɛ wa áká mbe we mi gɔ. Ĩ na, mi a mi fua zi wa ngɔ nù Ezipeto dɛ nza, nɛ mi kpia ti wa tɛ li gba zɔ̃ i. Mi kpia ti wa tɛ li gba zɔ̃, tɛ ngɔ nùi kɛ gili butu kɛnzɛ kpia li wala nɛ. Mɛ a nù wɔ lì, do nù ngamɔ: Wele lá di ni gɔ, nɛ wele ɔ́ 'bɔ se'de gɔ.

EZEKIƐLƐ 20:36

Mi hã sɛ etumbu hã nɛ, ɔ nɛ kɛ mi hã zi hã oyaa nɛ tɛ li gba zɔ̃ Ezipeto i ni. Mi NWA Gale, mi tɔ̃a ni.

Tɔlɔ Mɔ 16:14

Ma wè gɔ. Mɔ nɛ do lɛ dɛ ngɔ nù kɛ nyɔngɔmɔ la li ngele tɛ nɛ ni gɔ, nɛ mɔ hã̀ 'bɔ ofɔ vinɔ hã lɛ do mɔ́ lɛ gɔ. Mɔ zɔ lɛ ɔ nɛ owi tandu kɛ wa wè tɛ zɔ mɛnɔ mɔ dɛ ni gɔ nde? Lɛ bɛ̃a, lɛ nɛ́ sɛ i mɔ gɔ.”

Tɔlɔ Mɔ 20:24

“Aroni lé sɛ ngɔ nùi mi kpua mbulu hã ma hã obe Israɛlɛ ni gɔ. A nɛ fe di ni fia. Mba gɔ, nɛ bɛ̃a zi we dɛ mbulanɔ 'da mi tɛ nu 'de Mɛriba i.

Tɔlɔ Mɔ 27:14

Mba gɔ, nɛ bɛ̃a zi nu mi tɛ li gba zɔ̀ Tisinɛ i, do 'da fala kɛ obe Israɛlɛ wa fa zi we hã mi ni. 'Da fala wa gɔa zi lì ni, nɛ nɛ bà wala hã mi na, mi be ngawi santo 'da mi hã wa gɔ.” (A tɔ̃ we mɛnɔ kɛ ma la zi tɛ nu lì Mɛriba, lì Kpa We tɛ Kadɛsɛ, tɛ li gba zɔ̀ Tisinɛ.)

Mbulanɔ 8:15

Nɛ a kã nɛ do li gba zɔ̃ɛ kɛ ma gã wena, nɛ Owele wa dɛ kili nɛ dɛa ni. Mɛ a li gba zɔ̃ kɛ odã gɔ̃, do ogbatɔalanga wa dɔ tɛ nɛ wena, nɛ fo lì kpo di ni bina. Nɛ nde NWA dɛa zi na, lì go'do kɔ ta kɛ ma nganda wena, nɛ nɛ nɔ ma.