Tɔlɔ Mɔ 20:22 - WE NU GALE 1995

²² Obe Israɛlɛ vɛ̃ wa kulu ngɔ Kadɛsɛ, nɛ wa la dɛ ngɔ kala Hɔrɛ,

Tɔlɔ Mɔ 20:22 Iomraidhean Croise

EZEKIƐLƐ 47:19

Nɛ li ngbala kɛ si ba gɔtɔ, ma yolo sɛ Tamarɛ, gbaa we hɔ tɛ lì Mɛriba, kɔ le Kadɛsɛ. Nɛ ma ba 'da fua lì gbaa we hɔ nu gba lì Meditɛrane.

EZEKIƐLƐ 48:28

Nɛ li ngbala 'bili tɛ nùi 'da Gadɛ si ba gɔtɔ sɛ a li ngbala nùi vɛ̃. Ma yolo sɛ Tamarɛ, si 'biti gba wese, we hɔ tɛ lì Mɛriba tɛ Kadɛsɛ. Nɛ ma ba 'da fua lì gbaa we hɔ nu gba lì Meditɛrane.

Tɔlɔ Mɔ 13:26

Nɛ wa kpolo tɛ wa dɛ Kadɛsɛ, tɛ li gba zɔ́ Paranɛ, dɛ 'da Mɔizɛ, Aroni do obe Israɛlɛ. Nɛ wa tɔ̃ we mɛnɔ vɛ̃ wa zɔa i mɔ ni, nɛ wa be 'bɔ wala tenɔ ngɔ nùi ni hã wa.

Tɔlɔ Mɔ 20:1

Obe Israɛlɛ vɛ̃ wa hɔa tɛ li gba zɔ̃ Sinɛ do kuti zɛkɛ kɔ sabɛlɛ, nɛ wa 'dafa fala ɔi 'da wa tɛ Kadɛsɛ. 'Da fala wa hɔa di ni ni, nɛ Miriamɛ fe, nɛ wa mi a.

Tɔlɔ Mɔ 20:14

Tɛ Kadɛsɛ i, nɛ Mɔizɛ tombo Owele hã nwa ngɔ nù Edɔmɛ na: “Mɔ zélé toe 'da onya mɔ, obe Israɛlɛ. Mɔ ĩ ti ngamɛnɔ vɛ̃ lɛ kpa ma ni.

Tɔlɔ Mɔ 20:16

Nɛ lɛ sa mɔ hã NWA na, a gbaka lɛ. Nɛ a zila hiamɛ 'da lɛ, nɛ a tombo anzɛ 'da a na, a fo lɛ ngɔ nù Ezipeto dɛ nza. Ma kɛ lɛ hɔa dɔ̃ɔ do 'do le Kadɛsɛ, kɛ ma a li ngbala nùi 'da mɔ ni.

Tɔlɔ Mɔ 21:4

Obe Israɛlɛ wa kulu ngɔ tɛ ngɔ kala Hɔrɛ, nɛ wa sa'ba do 'do le Edɔmɛ, nɛ wa ba li wala gba lì Sala Tɔ̃, we kɛ wa kɔ̃̀ we le ngɔ nù Edɔmɛ gɔ. Nɛ nde wa 'bana dɛ li wala gɛ iko, nɛ sila wa ma ngɔ zɛlɛ nɛ,

Tɔlɔ Mɔ 34:7

“Li ngbala kɛ si gbãlã ngɔ, ma la sɛ do sanga gba lì Meditɛrane do kala Hɔrɛ.

Mbulanɔ 1:46

Ma kɛ lɛ 'bana zi dɛ Kadɛsɛ-Barnea, nɛ 'do lɛ nyɛlɛ zi dɛ di ni wena.