Tɔlɔ Mɔ 20:21 - WE NU GALE 1995

²¹ Nɛ wa kele wala ti wa na, wa tɛ là do ngɔ nùi 'da lo gɔ. Ma kɛ obe Israɛlɛ wa la do gele wala.

Tɔlɔ Mɔ 20:21 Iomraidhean Croise

2 Sakonɔ 20:10

“Kɔ di dɔ̃ ni, mɔ zɔ́, Oamoni do Omoabɛ do Oedɔmɛ, wa tɛa hã wa tɛ bi lɛ. 'Da fala kɛ oyaa lɛ wa yula zi ngɔ nu Ezipeto tɛ si ma ni, nɛ mɔ kɔ̃̀ zi na, wa la do ngɔ nùnɔ 'da owinɔ gɛ gɔ. Nɛ oyaa lɛ wa sa'ba zi do gele wala, nɛ wa kùmù zi owinɔ ni gɔ.

Tɔlɔ Mɔ 21:23

Nɛ Sihoni kɔ̃̀ we hã wala hã wa gɔ. A ngbula li osodanɔ 'da a vɛ̃, nɛ a hɔ nza, nɛ a kpa ngba a do obe Israɛlɛ tɛ Yahasi, tɛ li gba zɔ̃ i, nɛ a bi wa.

Tɔlɔ Mɔ 21:4

Obe Israɛlɛ wa kulu ngɔ tɛ ngɔ kala Hɔrɛ, nɛ wa sa'ba do 'do le Edɔmɛ, nɛ wa ba li wala gba lì Sala Tɔ̃, we kɛ wa kɔ̃̀ we le ngɔ nù Edɔmɛ gɔ. Nɛ nde wa 'bana dɛ li wala gɛ iko, nɛ sila wa ma ngɔ zɛlɛ nɛ,

Mbulanɔ 2:27

‘Mɔ kɔ̃, nɛ mɔ hã wala hã lɛ, kɔ lɛ la do ngɔ nùi 'da mɔ. Lɛ là sɛ do li gba wala iko.

Mbulanɔ 2:29

Lɛ la sɛ do di ni gbaa na, lɛ kũ lì Yɔrdanɛ dɛ ngɔ nùi kɛ NWA Gale 'da lɛ hã ma hã lɛ ni. Obe zã Ezau, kɛ wa ɔ ngɔ nù Edɔmɛ, do Omoabɛ, kɛ wa ɔ ngɔ nù Arɛ, wa hã zi wala hã lɛ na mɛ ni, nɛ lɛ la do ngɔ nùi 'da wa.’

Mbulanɔ 23:7

Nɛ kɔ dungu nza 'da nɛ vɛ̃, da dɛ kɔ nɛ fá na, Oamoni do Omoabɛ wa kpa dia dungu do dia mɔ gɔ.

Owi kpe dati 11:17

Wa hɔa Kadɛsɛ, nɛ wa tombo Owele hã nwa ngɔ nù Edɔmɛ we aka a na, a kɔ, nɛ a ba wala hã lo na, lo gɔnɔ do ngɔ nùi 'da a. Nɛ nwa ngɔ nù Edɔmɛ bɛ̃. Nɛ obe Israɛlɛ wa aka 'bɔ kpo kpo we ni do nwa ngɔ nù Moabɛ, nɛ a bɛ̃ 'bɔ. Nɛ obe Israɛlɛ wa 'bana dɛ Kadɛsɛ ni.

Owi kpe dati 11:18

“'Do ki ni, nɛ wa si 'bɔ do kpo wala li gba zɔ̃ɛ ni, nɛ wa zĩ do 'do nù Edɔmɛ do Moabɛ. Wa hɔa dɔ̃ɔ do Moabɛ do si 'biti gba wese, nɛ wa 'dafa fala ɔi 'da wa dɛ mbee kulu lì Arnoni. Nɛ nde wa kṹ zi lì ni we le ngɔ nù Moabɛ gɔ, we duzu kɛ nùi 'da Omoabɛ Sɔkpɔ tɛ lì Arnoni.

Owi kpe dati 11:24

Mɔ do nù mɔ́ mɔ kɛ Kɛmɔsi, gale 'da mɔ a hã ma hã mɔ ni boe. Ma wia tɛ mɛ 'bɔ na, lɛ kpa nùi 'da lɛ kɛ NWA Gale 'da lɛ a hã ma hã lɛ ni.