Tɔlɔ Mɔ 20:16 - WE NU GALE 1995

¹⁶ Nɛ lɛ sa mɔ hã NWA na, a gbaka lɛ. Nɛ a zila hiamɛ 'da lɛ, nɛ a tombo anzɛ 'da a na, a fo lɛ ngɔ nù Ezipeto dɛ nza. Ma kɛ lɛ hɔa dɔ̃ɔ do 'do le Kadɛsɛ, kɛ ma a li ngbala nùi 'da mɔ ni.

Tɔlɔ Mɔ 20:16 Iomraidhean Croise

Kulu Tɔa 14:10

Obe Israɛlɛ wa nɛa we zɔ na, nwa ngɔ nù Ezipeto, do osodanɔ 'da a wa tɛ ndaka 'do lo ni, nɛ kili ba wa wena, nɛ wa zɛa nu wa do zu li Gale na, a gbaka lo.

Kulu Tɔa 14:19

'Da fala ni, nɛ anzɛ 'da Gale, kɛ a kpe zi dati obe Israɛlɛ ni, a kpia do 'do wa. Nɛ lɔnggɔ zɛ̃ we, kɛ ma la zi do dati wa ni, ma si dɛ 'do wa,

Kulu Tɔa 23:20

Gale na: “Mi tombo sɛ anzɛ kpo, nɛ a kpe sɛ dati nɛ, nɛ a zɔ mɔ tɛ nɛ li wala gɛnɛ 'da nɛ vɛ̃. A kã sɛ nɛ dɛ ngɔ nùi mi 'dafa hã nɛ ni.

Kulu Tɔa 33:2

Nɛ mi tombo sɛ anzɛ 'da mi na, a kpe dati nɛ. Nɛ mi ndaka sɛ Okanana, Oamori, Ohiti, Opɛrizi, Ohivi do Oyebuzi dati nɛ do'do.

Kulu Tɔa 6:5

Di ngangga ni, mi zila tɛlɛ tɛ kɛ obe Israɛlɛ wa ala nu wa kɔ ngbá tɛ ti kɔ̃ Oezipeto ni, nɛ ta zu mi gba ngɔ gba tɔkɛ kɛ mi gba zi do oyaa wa ni.

DANIƐLƐ 6:22

Nɛ Daniɛlɛ gese na: “Aa nwa, e kɔ mɔ 'bana tɛ to nwa 'da mɔ fai!

Tɔlɔ Mɔ 20:15

Oyaa lɛ wa nɛa zɛ́ Ezipeto, nɛ owinɔ 'da lɛ wa ɔa i mɔ wena. Oezipeto wa zɛlɛ zi tɛ oyaa lɛ, nɛ wa zɛlɛ zi 'bɔ tɛ lɛ.

Tɔlɔ Mɔ 21:22

“Mɔ kɔ̃, nɛ mɔ hã wala hã lɛ, kɔ lɛ la do ngɔ nùi 'da mɔ. Lɛ la sɛ do li gba wala iko, lɛ lé sɛ kɔ ofɔnɔ 'da nɛ gɔ. Lɛ nɔ́ sɛ 'bɔ lì kɔ kɔ̃nɔ 'da nɛ gɔ. Lɛ ɛ́lɛ́ sɛ wala gɔ gbaa na, lɛ hɔ nza ngɔ nùi 'da mɔ do'do sɛ nɛ de.”

Mbulanɔ 4:34

Tabi, mbé gele gale, kɛ a fua owinɔ 'da a ti mbula 'da ogele wele, nɛ a kala wa do winɔ 'da a ɔ nɛ wele kɛ 'da nɛ dɛa zi do nɛ tɛ Ezipeto i ni boe nde? A dɛa ogba sɔ mɔ do oɔngbamɔ, nɛ a bia ngawi 'da a dɛ li nɛ vɛ̃. Fo mbé gele gale ɔ nɛ a ni bina. Nɛ nde NWA Gale 'da nɛ a fua zi nɛ kɔ ngbá tɛ Ezipeto i, ɔ nɛ kɛ nɛ zɔa zi do li nɛ ni.

Mbulanɔ 4:37

Wi a a ngboo hã a fua zi nɛ ngɔ nù Ezipeto do ngawi 'da a, kɛ ma nɛa ngɔ mɛnɔ vɛ̃ ni, we duzu kɛ a kɔa gɛnɛ oyaa nɛ, nɛ a saka nɛ, obe zã wa.

Yozue 15:1

Nùi kɛ nu kpala Yuda kpa zi ma ni, ma ndua do li gba zɔ Tisinɛ tɛ li ngbala nù Edɔmɛ, do si ba gɔtɔ.