Tɔlɔ Mɔ 20:1 - WE NU GALE 1995

¹ Obe Israɛlɛ vɛ̃ wa hɔa tɛ li gba zɔ̃ Sinɛ do kuti zɛkɛ kɔ sabɛlɛ, nɛ wa 'dafa fala ɔi 'da wa tɛ Kadɛsɛ. 'Da fala wa hɔa di ni ni, nɛ Miriamɛ fe, nɛ wa mi a.

Tɔlɔ Mɔ 20:1 Iomraidhean Croise

Ndo Nyanga Dɛ Mɔ 14:7

Wa ia wa i mɔ do'do, nɛ wa kpolo tɛ wa dɛ tɛ le Ɛnɛ-Mikɛpatɛ, kɛ sɔɛ gɛ wa sa li nɛ na Kadɛsɛ, nɛ wa ba nùi 'da Oamalɛkɛ vɛ̃, nɛ wa bi 'bɔ Oamori kɛ wa ɔ tɛ kɔ le Hasasoni-Tamarɛ.

Zumanɔ 29:8

NWA wele we, nɛ li gba zɔ̃nɔ ma yaka, nɛ li gba zɔ̃ Kadɛsɛ ma tana.

Kulu Tɔa 15:20

'Do nɛ, nɛ Miriamɛ, wuke kɛ a gba olo nu Gale, nɛ a a boko nya Aroni ni, a ba dawaya 'da a, nɛ a yaka ma. Nɛ owuko Israɛlɛ vɛ̃ wa yɔa yɔla do 'da kɛ dawaya wele ni, nɛ wa nɛa 'do Miriamɛ.

Kulu Tɔa 2:4

Nɛ boko nya be ni, a yolo dɛ 'biti fala wa usu do nya a ni, takɔ a zɔ mɛ kɛ ma nɛ hɔ sɛ hã a ni.

Kulu Tɔa 2:7

Boko nya be ni nɛa we zɔ ni, nɛ a tɛ, nɛ a aka boko be 'da nwa na: “Mɔ kɔ̃a na mi nɛ, hã mi fa wuko Hebre kpo, hã a ama be gɛ hã mɔ nde?”

EZEKIƐLƐ 47:19

Nɛ li ngbala kɛ si ba gɔtɔ, ma yolo sɛ Tamarɛ, gbaa we hɔ tɛ lì Mɛriba, kɔ le Kadɛsɛ. Nɛ ma ba 'da fua lì gbaa we hɔ nu gba lì Meditɛrane.

Mike 6:4

Mi fua zi oyaa nɛ kɔ ngbá tɛ Ezipeto i, nɛ mi si do wa, nɛ mi tumba zi Mɔizɛ, Aroni do Miriamɛ we kpe dati wa. Kɛ mi dɛa ni, ma dè gɔ nde?

Tɔlɔ Mɔ 12:1

Mɔizɛ ba zi mbe gele wuko nu kpala Kusanɛ. Nɛ Miriamɛ do Aroni onya Mɔizɛ, wa ma ngɔ tɔ̃ tɛ̃ a we duzu ba koe ni

Tɔlɔ Mɔ 12:10

'Da fala zɛ̃ we kũ dɛ zu tɔa Tande i ni, nɛ tɛ Miriamɛ kutu do ngbɛlɛ. Aroni nɛa we zɔ na, Miriamɛ do ngbɛlɛ ni,

Tɔlɔ Mɔ 12:15

Wa fua Miriamɛ tɛ fala ɔi do'do we tũ sambo, nɛ obe Israɛlɛ wa lè wala gɔ we 'bɔ 'da a.

Tɔlɔ Mɔ 13:21

Owinɔ ni wa nɛa, nɛ wa hɔ tɛ li gba zɔ̃ Tisinɛ. Nɛ wa yolo di ni, nɛ wa nɛ, nɛ wa yɛnggɛ we zɔ nù Kanana gbaa, nɛ wa hɔ Rɛhɔbɛ, dɔ̃ɔ do Lɛbo-Hamatɛ.

Tɔlɔ Mɔ 13:26

Nɛ wa kpolo tɛ wa dɛ Kadɛsɛ, tɛ li gba zɔ́ Paranɛ, dɛ 'da Mɔizɛ, Aroni do obe Israɛlɛ. Nɛ wa tɔ̃ we mɛnɔ vɛ̃ wa zɔa i mɔ ni, nɛ wa be 'bɔ wala tenɔ ngɔ nùi ni hã wa.

Tɔlɔ Mɔ 20:16

Nɛ lɛ sa mɔ hã NWA na, a gbaka lɛ. Nɛ a zila hiamɛ 'da lɛ, nɛ a tombo anzɛ 'da a na, a fo lɛ ngɔ nù Ezipeto dɛ nza. Ma kɛ lɛ hɔa dɔ̃ɔ do 'do le Kadɛsɛ, kɛ ma a li ngbala nùi 'da mɔ ni.

Tɔlɔ Mɔ 20:22

Obe Israɛlɛ vɛ̃ wa kulu ngɔ Kadɛsɛ, nɛ wa la dɛ ngɔ kala Hɔrɛ,

Tɔlɔ Mɔ 20:28

Nɛ Mɔizɛ hɔlɔ tulunɔ 'da Aroni, nɛ a he'de hã Elazarɛ. Nɛ Aroni fe dɛ zu kala mɔ. 'Do nɛ, nɛ Mɔizɛ do Elazarɛ wa zĩlĩ kala.

Tɔlɔ Mɔ 26:59

Nɛ Amramɛ ba Yokebɛdɛ, boko be 'da Levi do kɛnɛ a. Wa kua zi Yokebɛdɛ tɛ Ezipeto. Nɛ Yokebɛdɛ kua obe talɛ do Amramɛ. Li wa a: Aroni, Mɔizɛ do Miriamɛ, boko nya wa.

Tɔlɔ Mɔ 27:14

Mba gɔ, nɛ bɛ̃a zi nu mi tɛ li gba zɔ̀ Tisinɛ i, do 'da fala kɛ obe Israɛlɛ wa fa zi we hã mi ni. 'Da fala wa gɔa zi lì ni, nɛ nɛ bà wala hã mi na, mi be ngawi santo 'da mi hã wa gɔ.” (A tɔ̃ we mɛnɔ kɛ ma la zi tɛ nu lì Mɛriba, lì Kpa We tɛ Kadɛsɛ, tɛ li gba zɔ̀ Tisinɛ.)

Mbulanɔ 1:46

Ma kɛ lɛ 'bana zi dɛ Kadɛsɛ-Barnea, nɛ 'do lɛ nyɛlɛ zi dɛ di ni wena.

Mbulanɔ 2:14

Ki ni, nɛ nde 'do kɛ lɛ kulu zi ngɔ Kadɛsɛ-Barnea ni, ma la 'bu sabɛlɛ talɛ ngɔ nɛ ngbɛ'dɛ'dɛ. Do 'da fala ni, nɛ nde owinɔ kɛ wa wia zi sabɛlɛ bi bolo ni, wa fia vɛ̃, ɔ nɛ kɛ nwa tɔ̃a zi ni.

Mbulanɔ 32:51

We kɛ nɛ bɔa nɛ, nɛ dɛa zi 'dã mɔ dɛ 'da mi dɛ li obe Israɛlɛ vɛ̃. Mba gɔ, 'da fala nɛ hɔa zi tɛ lì Mɛriba, dɔ̃ɔ do le Kadɛsɛ, tɛ li gba zɔ̃ Tisinɛ ni, nɛ nɛ gbìnì zi zã nɛ do mi gɔ. Nɛ nɛ bà wala hã mi na, mi be ngawi 'da mi kɛ ma santo ni hã obe Israɛlɛ gɔ.

Owi kpe dati 11:16

Nɛ nde 'da fala kɛ obe Israɛlɛ wa yula zi Ezipeto tɛ si ma ni, nɛ wa 'bili zi do kɛ li gba zɔ̃ gɛ gbaa we hɔ nu gba lì Sala Tɔ̃. Nɛ wa yolo di ni, nɛ wa la dɛ Kadɛsɛ.