Tɔlɔ Mɔ 2:18 - WE NU GALE 1995

^18-23 Nu kpala Efraimɛ do ongba a, wa zĩ sɛ bɛndɛlɛ 'da wa si 'biti gɛ̃a wese. Onu kpala be Israɛlɛ do ngɔ gili sodanɔ do nwa ngɔ wa, kɛ wa dɛ sɛ fala ɔi 'da wa dɛ ti bɛndɛlɛ ni, wa kɛ: Nu kpala Li nwa ngɔ sodanɔ Efraimɛ Elisama, be 'da Amihudɛ 40.500 Manase Gamliɛlɛ, be 'da Pɛdasurɛ 32.200 Bɛnzamɛ Abidanɛ, be 'da Gidoni 35.400

Tɔlɔ Mɔ 2:18 Iomraidhean Croise

Ndo Nyanga Dɛ Mɔ 48:5

Nɛ Yakɔbɔ tɔ̃ 'bɔ hã Yozɛfu na: “Obulu benɔ 'da mɔ bɔa gɛ, Manase do Efraimɛ, kɛ mɔ kua wa ngɔ nù Ezipeto nga dati kɛ na, mi tɛ we kpa ngba mi do mɔ ni, wa ɔ sɛ nɛ obenɔ 'da mi ni. Wa ɔ sɛ nɛ Rubɛnɛ do Simeoni.

Yeremi 31:9

Wa kpolo sɛ tɛ wa do mili kɔ̃a li wa, nɛ wa ala sɛ nu wa tɛ si nɛ. Nɛ mi be sɛ wala hã wa, nɛ mi kã wa dɛ nu be wayanɔ. Wa la sɛ do li dia wala, nɛ wa kpá sɛ ngamɔ gɔ. Mi sɛ a baa Oisraɛlɛ, nɛ Efraimɛ sɛ a kutu bulu be 'da mi.

Tɔlɔ Mɔ 10:22

Ngɔ gili nu kpala obe Israɛlɛ, kɛ wa ɔ zi ti bɛndɛlɛ 'da nu kpala Efraimɛ ni, wa kpia tɛ mɛ 'bɔ. Nɛ Elisama, be 'da Amihudɛ kpia ti osodanɔ 'da wa.

Mbulanɔ 33:17

E kɔ Yozɛfu kpa dɔ̃lɔ̃ li. A nganda ɔ nɛ wili ngɔmbɔ ni. A do ozamba a bɔa ɔ nɛ oza yele ni, nɛ a ndaka do ogele nu kɔnggɔnɔ, nɛ wa yu nyɛlɛ dɛ ndɔti nùi. Mbee za ni kpo, wi a ogba gili obe zã Efraimɛ, nɛ mbee nɛ kpo wi a owanɔ 'da Manase.”