Tɔlɔ Mɔ 19:9 - WE NU GALE 1995

⁹ Wele kɛ a a sa wi ni, a holo sɛ bũ ngɔmbɛ, nɛ a hɔ do ma fala ɔi dɛ nza, nɛ a e ma tɛ fala kɛ ma a sa li mi ni. Nɛ obe Israɛlɛ wa a sɛ ma 'dɔ lì fɔlɔ wi we hɔ sa wi li mi Gale. (Ma wia kɔ̃ do dɔnggamɔ we fo ku'da 'dã mɔ.)

Tɔlɔ Mɔ 19:9 Iomraidhean Croise

Levitɛnɔ 15:20

Nɛ mɔ ɔi vɛ̃ kɛ a ɔ ngɔ nɛ, tabi mɔ kɛ a dungu ngɔ nɛ do 'da fala a zɔa zɛkɛ ni, ma hɔ sɛ mɔ ndi li Gale.

ZAKARIA 13:1

NWA ngɔ mɔ nyanga nza vɛ̃ tɔ̃a na: “'Da fala ni ma we, nɛ fua lì ma go'do sɛ, nɛ mi fɔlɔ sɛ 'dã mɛnɔ 'da obe zã Davidi do tala winɔ kɔ le Yeruzalɛmɛ do lì ni.

Tɔlɔ Mɔ 19:13

Wele kɛ a 'be tɛ wɔlɔ, kɔ wa kpa lì fɔlɔ wi tɛ̃ a gɔ, nɛ nde a faka tɔa Tande 'da mi Gale faka, nɛ wa fo sɛ a sanga obe Israɛlɛ do'do.

Tɔlɔ Mɔ 19:17

“We fɔlɔ wi ndi ni na, a hɔ sa wi, nɛ wa so bũ ngɔmbɛ wa dɔa ma we fo ku'da 'dã mɛ ni, nɛ wa a ma dɛ kɔ kpana, nɛ wa a lì 'de ngɔ nɛ.

Tɔlɔ Mɔ 19:18

Nɛ wi kɛ a a sa wi ni, a ba te nyama, nɛ a yulu 'dɔ lì kɔ kpana ni, nɛ a kpã ma tɛ tande, do omɛnɔ vɛ̃, do owinɔ wa kɔ nɛ ni. Tabi a kpã tɛ wi kɛ a 'bia tɛ gbãlã wele, wɔlɔ, tabi zunu ni.

Tɔlɔ Mɔ 19:3

Nɛ nɛ ba sɛ a hã nganga Elazarɛ. Nɛ a hɔ do a fala ɔi dɛ nza, nɛ wa 'bili gɛlɛ ngɔmbɛ ni dɛ gbali a.

Tɔlɔ Mɔ 19:8

Wele kɛ a dɔ sɛ ngɔmbɛ ni, a fɔlɔ sɛ 'bɔ tulu tɛ̃ a, nɛ a fɔlɔ tɛ̃ a. Nɛ nde a 'bana sɛ 'bɔ wi ndi gbaa we hɔ gɛ̃a wese.

Tɔlɔ Mɔ 6:12

Nɛ nde ma wia na, wi ni a hã sɛ 'bɔ mbé tɛ̃ a hã mi NWA. A hã sɛ be bata kɛ a dɛa sabɛlɛ kpo ni do dɔnggamɔ, we si olo ku'da 'dã mɛ 'da a. Nɛ wa tɔ́lɔ́ sɛ 'bɔ kɔ̃ tũnɔ zi a hã do tɛ̃ a hã mi dati ni gɔ, we kɛ kɔ tũi ni, ma yula nù dɛ sanga gɛ iko.

Tɔlɔ Mɔ 8:7

Fala fɔlɔ wa, nɛ mɔ dɛ sɛ na mɛ gɛ: Mɔ kpã sɛ lì fɔlɔ wi tɛ wa. 'Do nɛ, nɛ wa kɛlɛ sala tɛ wa vɛ̃, nɛ wa fɔlɔ tulu tɛ wa. Na mɛ ni, nɛ wa hɔ sɛ sa wi li mi.

Tɔlɔ Mɔ 9:13

Nɛ nde wi kɛ a hɔ́ wi ndi li mi gɔ, tabi a nɛ̀ gɛnɛ gɔ, kɔ a bɛ̃ we dungu ɛngga do kɔ tũi mi wia ni, nɛ wa fo sɛ a kɔ obe Israɛlɛ do'do. Wi kɛ a tɛ̀ do dɔnggamɛ 'da a do kɔ̃ tũi mi wia ni gɔ, nɛ nde a dɛa 'dã mɔ li mi Gale.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

2 KORINTƐ 7:1

Aa oyali ngba mi, Gale kpua mbuli ni hã lɛ, kɔ ma wia na, lɛ bɛ̃ gɛnɛ 'dã mɛnɔ vɛ́, kɛ ma hã ndi kɔ kili tɛ wi, do hi wi ni. Lɛ dɛ́ kili Gale, nɛ lɛ 'dáfá dɛa mɔ tɛ lɛ, nɛ lɛ fá we dungu nɛ́ owinɔ 'da a ngboo.

OHEBRE 7:26

Na mɛ ni, Yezu a gã nwa nganga kɛ a wia do lɛ ngboo ni. A a santo, a dè 'dã mɔ gɔ, nɛ fo 'dã mɔ kɔ a bina. Gale fua zi a sanga o'dã winɔ, nɛ a ba a dɛ li nza ngɔ i.

OHEBRE 9:13

Zi dati, wa kpɔ zi tɔkɔ wili duanɔ do wili ngɔmbɛnɔ, nɛ wa so bũ be naa ngɔmbɛ kɛ wa dɔa a ni, nɛ wa kpã ma tɛ winɔ kɛ wa yɔa mbulanɔ ni, takɔ ma fɔlɔ ndi 'dã mɛnɔ tɛ wa, ɔ nɛ kɛ mbula bia ni.