Tɔlɔ Mɔ 19:3 - WE NU GALE 1995

³ Nɛ nɛ ba sɛ a hã nganga Elazarɛ. Nɛ a hɔ do a fala ɔi dɛ nza, nɛ wa 'bili gɛlɛ ngɔmbɛ ni dɛ gbali a.

Tɔlɔ Mɔ 19:3 Iomraidhean Croise

Levitɛnɔ 16:27

Nɛ ma wia na, wa kala fia wili ngɔmbɛ, do wili dua kɛ wa hã sɔ do dɔnggamɔ fo ku'da 'dã mɔ, nɛ wa kpã sɔ 'bɔ tɔkɔ wa kɔ tɔa Tande ni, nɛ wa hɔ do ma dɛ 'do ngbo ɔi i, nɛ wa da ndala, do mulu do kala zã sa'denɔ ni li we dɛ di ni.

Levitɛnɔ 24:14

“Mɔ bá wi dã zu li mi gɛ hɔ do a dɛ 'do ngbo ɔi i. Mɔ hɔ do a do'do, nɛ owinɔ vɛ̃ kɛ wa zila a tɛ dã zu li mi ni, wa a sɛ kɔ̃ wa dɛ zu a. 'Do nɛ, nɛ obe Israɛlɛ vɛ̃ wa lo sɛ a do ta, nɛ wa gbɛ a.

Levitɛnɔ 4:11

'Do nɛ, nɛ a tombo sɛ na, wa kala tala sa'de, do ndala nɛ, do zu a, do ogbɔgɔlɔ nyanga a, do okala zã a, nɛ wa la do ma dɛ 'do ngbo i, tɛ fala kɛ ma sa li Gale, nɛ wa a do bũ olo we ngɔ gbagala ni. Nɛ wa dã sɛ we dɛ di ni, nɛ wa da tala 'bili sa'de vɛ̃ dɛ li nɛ, nɛ ma bɛlɛ dɛ di ni.

Levitɛnɔ 4:21

'Do nɛ, nɛ a tombo sɛ na, wa kala tala 'bili sa'de ni, nɛ wa hɔ do ma dɛ 'do ngbo i. Nɛ wa dɔ ma, ɔ nɛ kɛ wa dɔa do tala 'bili ngɔmbɛ kɛ a gbɛa we dɔnggɔ do Gale, we 'dã mɛ 'da a ni. Ki ni mɛ a dɔnggamɔ we fo ku'da 'dã mɔ zu obe Israɛlɛ.

Tɔlɔ Mɔ 15:36

Wa dɛa mbula 'da NWA, nɛ wa hɔa do wi ni fala ɔi dɛ gele fala, nɛ wa lo a do ta, nɛ a fe.

Tɔlɔ Mɔ 19:9

Wele kɛ a a sa wi ni, a holo sɛ bũ ngɔmbɛ, nɛ a hɔ do ma fala ɔi dɛ nza, nɛ a e ma tɛ fala kɛ ma a sa li mi ni. Nɛ obe Israɛlɛ wa a sɛ ma 'dɔ lì fɔlɔ wi we hɔ sa wi li mi Gale. (Ma wia kɔ̃ do dɔnggamɔ we fo ku'da 'dã mɔ.)

Tɔlɔ Mɔ 3:4

Nɛ nde Nadabɛ do Abihu wa fia zi tɛ li gba zɔ́ Sinai i, we kɛ wa hã zi yɔmbɔ kɛ ma santo gɔ ni do dɔnggamɔ hã Gale. Wa zi do be bina, ma kɛ tati a Elazarɛ do Itamarɛ wa dɛa to nganga fala nɛ kpo do baa wa Aroni.

Tɔlɔ Mɔ 5:2

“Mɔ bá nu mɔ hã obe Israɛlɛ na, wa zɔ winɔ vɛ̃ kɛ wa do zɛlɛ ngbɛlɛ, tabi wa ba zɛlɛ kɛ wi wili tabi wuko kpa tɛ ngba a, tabi wanɔ kɛ wa 'bia tɛ wɔlɔ ni, nɛ wa fo wa tɛ fala ɔi do'do.