Tɔlɔ Mɔ 19:21 - WE NU GALE 1995

²¹ Obe Israɛlɛ wa dɛ sɛ mbula gɛ kɔ sabɛlɛ do sabɛlɛ. Wele kɛ wa kpã lì fɔlɔ wi tɛ̃ a ni, a wia we fɔlɔ tulu tɛ̃ a. Nɛ wi kɛ a ndɔ kɔ̃ a tɛ lì ni, nɛ a hɔ sɛ wi ndi gbaa we hɔ gɛ̃a wese.

Tɔlɔ Mɔ 19:21 Iomraidhean Croise

Kulu Tɔa 27:21

Nɛ Aroni do obenɔ 'da a, wa e sɛ mɔ a do mwindanɔ dɛ kɔ tɔa Tande kpa ngba wi do mi Gale ni. Wa e sɛ ma dɛ dati ku'bi kɛ ma kele Sanduku Gba Tɔkɛ ni. Nɛ wa tũ sɛ mwindanɔ ni do gɛ̃a wese, nɛ ma nyɛ dɛ dati mi gbaa we hɔ titole. Ma wia na, obe Israɛlɛ wa dɛ mbula gɛ fai kɔ sabɛlɛ do sabɛlɛ.

Levitɛnɔ 11:40

Nɛ fala kɛ wele nyɔngɔ mbe mulu fia sa'de ni, nɛ ma wia na, a fɔlɔ tulu tɛ̃ a. Nɛ nde a 'bana sɛ wi ndi li Gale gbaa we hɔ gɛ̃a wese. Ma 'bɔ na mɛ ni, we wele kɛ a ba tole fia sa'de ni, nɛ ma wia na, a fɔlɔ tulu tɛ̃ a. Nɛ a 'bana sɛ wi ndi li Gale gbaa we hɔ gɛ̃a wese.

Tɔlɔ Mɔ 18:23

Tati a olevitɛnɔ hã wa dɛ sɛ toe kɔ tɔa Tande, kɔ fala kɛ wa dɛ 'dã mɔ i mɔ nde, nɛ ma sɛ dɛ zu wa. Nɛ dɛ sɛ mbula gɛ 'da fala fai. Olevitɛnɔ wa kpá sɛ 'bili tɛ nù ɔ nɛ gele nu kpala obe Israɛlɛ gɔ.

Tɔlɔ Mɔ 19:10

Ma wia na, wi nɛ so sɛ bũi ni, a fɔlɔ tɛ mɛ 'bɔ tulu tɛ̃ a. Nɛ nde a 'bana sɛ 'bɔ wi ndi gbaa we hɔ gɛ̃a wese. Obe Israɛlɛ do ogɛnɛnɔ wa ɔ sanga wa ni, wa dɛ sɛ mbula gɛ 'da fala fai.

Tɔlɔ Mɔ 19:7

'Do nɛ, nɛ a fɔlɔ sɛ tulu tɛ̃ a, nɛ a fɔlɔ tɛ mɛ 'bɔ tɛ̃ a dati kɛ na, a kpolo tɛ̃ a dɛ fala ɔi i ni. Nɛ nde a 'bana sɛ wi ndi li Gale gbaa we hɔ gɛ̃a wese.

Tɔlɔ Mɔ 19:8

Wele kɛ a dɔ sɛ ngɔmbɛ ni, a fɔlɔ sɛ 'bɔ tulu tɛ̃ a, nɛ a fɔlɔ tɛ̃ a. Nɛ nde a 'bana sɛ 'bɔ wi ndi gbaa we hɔ gɛ̃a wese.

OHEBRE 10:4

Mba gɔ, tɔkɔ tɛ wili ngɔmbɛnɔ, do tɔkɔ tɛ wili duanɔ, ma wè tɛ fo ku'da 'dã mɔ fala kpo gɔ.

OHEBRE 7:19

Mba gɔ, mbula kɛ Mɔizɛ kɔma zɛ́ ni, ma wè zi tɛ 'dafa mɔ na, ma we ngboo gɔ. Nɛ nde Gale 'dafa mbé gele mɔ kɛ lɛ wia we gbini zã lɛ do ma, nɛ ma dia nɛa ngɔ ã mbulanɔ zi ni hã lɛ. Nɛ ma hã wala hã lɛ we kɔlɔ do Gale.

OHEBRE 9:10

Mɛnɔ ni, mɛ a ombula ngɔ onyɔngɔmɛnɔ, do dɔ̃nɔ, do tɛlɛ tɛ fɔlɔ tɛ mɛnɔ 'da wa na, ma ɔ sa li Gale ni iko. Mɛ a ombula mɔ́ Owele, nɛ ma sɛ do ngawi gbaa we sɔkpɔ do 'da fala kɛ Gale a kpolo sɛ do mɛnɔ vɛ ni.