Tɔlɔ Mɔ 19:19 - WE NU GALE 1995

¹⁹ Wi kɛ a a sa wi ni, a kpã sɛ lì tɛ wi ndi ni, do tũi kɛ talɛ do tũi kɛ sambo. Do sambo tũi ni, nɛ wi ndi ni a fɔlɔ sɛ tulu tɛ̃ a, nɛ a fɔlɔ 'bɔ tɛ̃ a. Nɛ do gɛ̃a wese ni, nɛ a hɔ sɛ sa wi li mi Gale.

Tɔlɔ Mɔ 19:19 Iomraidhean Croise

Ndo Nyanga Dɛ Mɔ 2:2

Nɛ ma nɛa we hɔ tɛ sambo tũi, nɛ nde Gale dɛa mɛnɔ vɛ ia, nɛ a kpe tɛ a olo dɛa toe 'da a.

Kulu Tɔa 19:10

Nɛ NWA tɔ̃ 'bɔ hã Mɔizɛ na: “Mɔ kpóló tɛ mɔ, nɛ mɔ tɔ̃ hã obe Israɛlɛ na, sɔɛ gɛ do bindɛ, wa fɔlɔ tɛ wa, takɔ wa hɔ sa wi li mi Gale. Nɛ wa fɔ́lɔ́ 'bɔ tulunɔ 'da wa.

EZEKIƐLƐ 36:25

Mi sulu sɛ gɛ̃lɛ̃ li lì dɛ ngɔ nɛ, nɛ ma fɔlɔ ndi kpikimanɔ do gele ndinɔ tɛ nɛ do'do.

Levitɛnɔ 14:7

nɛ a kpã ma dɛ tɛ wi kɛ a kpasa olo zɛlɛ ngbɛlɛ ni fala sambo. Nɛ a tɔ̃ sɛ hã wi ni na, a hɔa sa wi li Gale, 'Do nɛ, nɛ a da sɛ kɔ̃ a tɛ nɔɛ kɛ a 'bana do tunu li a ni, nɛ a bũlũ, nɛ a le zamɔ.

Levitɛnɔ 14:9

Ma hɔ tɛ tũi kɛ sambo, nɛ a kɛlɛ sɛ 'bɔ zu a, do nzɛlɛ a, do sala ngɔ li a, do gele tala salanɔ tɛ̃ a ni vɛ̃. Nɛ a fɔlɔ tulu tɛ̃ a, nɛ a fɔlɔ 'bɔ tɛ̃ a, nɛ a hɔ sa wi li Gale.

Tɔlɔ Mɔ 19:12

Nɛ tũ kɛ talɛ do tũ kɛ sambo, nɛ wa kpã sɛ lì fɔlɔ wi tɛ̃ a na, a hɔ sa wi. Nɛ nde do tũi talɛ do sambo ni, kɔ fala wa kpã̀ tɛ̃ a gɔ, nɛ a 'bana sɛ wi ndi.

Tɔlɔ Mɔ 19:13

Wele kɛ a 'be tɛ wɔlɔ, kɔ wa kpa lì fɔlɔ wi tɛ̃ a gɔ, nɛ nde a faka tɔa Tande 'da mi Gale faka, nɛ wa fo sɛ a sanga obe Israɛlɛ do'do.

Tɔlɔ Mɔ 19:18

Nɛ wi kɛ a a sa wi ni, a ba te nyama, nɛ a yulu 'dɔ lì kɔ kpana ni, nɛ a kpã ma tɛ tande, do omɛnɔ vɛ̃, do owinɔ wa kɔ nɛ ni. Tabi a kpã tɛ wi kɛ a 'bia tɛ gbãlã wele, wɔlɔ, tabi zunu ni.

Tɔlɔ Mɔ 31:19

Winɔ vɛ̃ kɔ nɛ gɛ, kɛ wa gbɛa wele tabi wa 'bia tɛ wɔlɔ ni, wa ɔ sɛ tũ sambo dɛ 'do ngbo ɔi gɛ. Nɛ ma wia na tũi kɛ talɛ do tũi kɛ sambo, onganganɔ wa fɔlɔ wa na, wa hɔ sa wi li Gale. Mbula ni, ma sɛ 'bɔ we wukonɔ nɛ kala wa si do wa ni.

Tɔlɔ Mɔ 31:24

Do tũ kɛ sambo, nɛ nɛ fɔlɔ sɛ otulu tɛ nɛ, nɛ nɛ hɔ sɛ sa wi li Gale. 'Do nɛ, nɛ nɛ kpolo sɛ tɛ nɛ dɛ kɔ ngbo ɔi i.”

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 10:22

We duzu ma, lɛ é sila lɛ vɛ̃ ngɔ Gale, nɛ lɛ nɛ́, nɛ lɛ kɔ́lɔ́ do a do sila lɛ kpo, we duzu kɛ Yezu fua ndi 'dã mɔ kɔ sila lɛ, nɛ lɛ fɔla tɛ lɛ do lì kɛ ma a sa li Gale ni.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

YUDA 1:23

Wa ɔ nɛ kɛ wa tia li we ni, kɔ nɛ fó wa li we do'do. Nɛ nde ombe nɛ, nɛ ĩ́ 'bɔ 'bako hã wa, nɛ li nɛ sɔ̃, nɛ nɛ sɛnɛ mɛnɔ wa dɛ ni. Nɛ nɛ tɛ 'bè tɛ tulunɔ 'da wa kɛ ma ba ndi tɛ 'dã mɛnɔ ni gɔ.