Tɔlɔ Mɔ 19:18 - WE NU GALE 1995

¹⁸ Nɛ wi kɛ a a sa wi ni, a ba te nyama, nɛ a yulu 'dɔ lì kɔ kpana ni, nɛ a kpã ma tɛ tande, do omɛnɔ vɛ̃, do owinɔ wa kɔ nɛ ni. Tabi a kpã tɛ wi kɛ a 'bia tɛ gbãlã wele, wɔlɔ, tabi zunu ni.

Tɔlɔ Mɔ 19:18 Iomraidhean Croise

Zumanɔ 51:7

Naa mi ba zi zã mi, nɛ a kua mi dɛ kɔ lì 'dã mɔ, nɛ mi a wi dɛ 'dã mɔ.

Zumanɔ 51:9

Mɔ fó 'dã mɛ 'da mi do'do, hã mi hɔ sa wi. Mɔ fɔ́lɔ́ ma vɛ̃, hã mi fɛngɛ nde nde nde.

Ezai 52:15

Nɛ nde ngangga ni, ogele nu kɔnggɔnɔ wa tɛ ɔngbɔ we 'da a, nɛ we 'da a ma ba we nu 'Onwanɔ vɛ̃. Mba gɔ, wa zèlè mbe kuti wenɔ kɛ wa tɔ̃ ma hã wa gɛ gɔ, nɛ wa zɔ̀ mbe kuti mɔ ɔ ni gɔ.”

Tɔlɔ Mɔ 19:17

“We fɔlɔ wi ndi ni na, a hɔ sa wi, nɛ wa so bũ ngɔmbɛ wa dɔa ma we fo ku'da 'dã mɛ ni, nɛ wa a ma dɛ kɔ kpana, nɛ wa a lì 'de ngɔ nɛ.

Tɔlɔ Mɔ 19:19

Wi kɛ a a sa wi ni, a kpã sɛ lì tɛ wi ndi ni, do tũi kɛ talɛ do tũi kɛ sambo. Do sambo tũi ni, nɛ wi ndi ni a fɔlɔ sɛ tulu tɛ̃ a, nɛ a fɔlɔ 'bɔ tɛ̃ a. Nɛ do gɛ̃a wese ni, nɛ a hɔ sɛ sa wi li mi Gale.

Tɔlɔ Mɔ 19:9

Wele kɛ a a sa wi ni, a holo sɛ bũ ngɔmbɛ, nɛ a hɔ do ma fala ɔi dɛ nza, nɛ a e ma tɛ fala kɛ ma a sa li mi ni. Nɛ obe Israɛlɛ wa a sɛ ma 'dɔ lì fɔlɔ wi we hɔ sa wi li mi Gale. (Ma wia kɔ̃ do dɔnggamɔ we fo ku'da 'dã mɔ.)

YOANƐ 17:17

Mɔ dɛ na, wa hɔ owinɔ 'da mɔ ngboo do wala 'da we nu mɔ. Mba gɔ, we nu mɔ a gbãlã we.

YOANƐ 17:19

Kɔ mi ba tɛ mi vɛ̃ hã mɔ we wa, takɔ wa hɔ owinɔ 'da mɔ ngboo.

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

OHEBRE 9:14

Ní a tɔkɔ tɛ Kristo nɛ̀ ngɔ ki ni do ngawi gɔ nde? Do wala 'da Hi Wi Santo kɛ a fai boe ni, Kristo hã zi kili tɛ̃ ɛ ngboo we dɔnggɔ do Gale, ɔ nɛ dɔnggamɔ kɛ fo ndi tɛ nɛ bina ni. Nɛ tɔkɔ tɛ̃ a ma fɔlɔ lɛ, nɛ ma fua sila lɛ ngɔ yia dɛa mɛnɔ lɛ dɛ zi ni, takɔ lɛ dɛ to hã Gale, wele kpasi.

OHEBRE 9:19

Dati ngboo, Mɔizɛ tɔla zɛ́ mbulanɔ vɛ ɔ nɛ kɛ wa kɔma kɔ 'Buku Mbula ni. Nɛ 'do nɛ, nɛ a ba tɔkɔ be ngɔmbɛ, do tɔkɔ dua, nɛ a a lì tɛ nɛ, nɛ a fi nwá nyama do fila sala bata 'dɔ nɛ, nɛ a kpã ma ngɔ 'Buku Mbula do tɛ winɔ vɛ.