Tɔlɔ Mɔ 19:16 - WE NU GALE 1995

¹⁶ Fala kɛ wele yɛnggɛ zamɔ, kɔ a kpa wɔlɔ wele kɛ wa gbɛ a gbɛa, tabi a fia gele fio iko, kɔ a 'be tɛ nɛ, nɛ a hɔ sɛ wi ndi 'do tũ sambo. Fala kɛ wele 'be tɛ gbãlã wele, tabi zunu nde, nɛ a hɔ sɛ 'bɔ wi ndi 'do tũ sambo.

Tɔlɔ Mɔ 19:16 Iomraidhean Croise

Ezai 52:11

Aa nɛ, owinɔ kɛ nɛ ba tole mɛnɔ kɛ wa dɛ do to hã NWA kɔ Tɛmpɛlo 'da a ni, nɛ kúlú ngɔ kɔ le Babilɔnɛ hã nɛ si. Hã fala kɛ nɛ kulu ngɔ we si ma nde, nɛ nɛ tɛ 'bè tɛ mɔ kpo, kɛ mɛ a mɔ ndi li NWA Gale ni gɔ. Nɛ fá na, nɛ 'báná sa li a.

EZEKIƐLƐ 44:26

Fala kɛ a hɔ wi ndi nde, nɛ a dɛ sɛ mɔ fo ndi tɛ̃ a we hɔ sa wi li mi mbé nɛ. Nɛ 'do nɛ, nɛ a 'bɔ sɛ 'do tũ sambo, sɛ nɛ a ĩ ti ndo toe 'da a de.

Levitɛnɔ 21:1

NWA tɔ́a hã Mɔizɛ na, a e mbulanɔ gɛ hã onganganɔ kɛ wa a obe zã Aroni ni na: “Ma wè na, nganga 'be tɛ wɔlɔ wi na mɔ́ a, kɔ a hɔ wi ndi li mi NWA gɔ.

Tɔlɔ Mɔ 19:11

“Wele kɛ a 'be tɛ wɔlɔ ni, nɛ a hɔ sɛ wi ndi 'do tũ sambo.

Tɔlɔ Mɔ 19:15

Fala kɛ kpana ɔ di ni, kɔ wa kpè nu nɛ do dia nɛ gɔ nde, nɛ mɛ kɔ nɛ ni ma hɔ sɛ ndi mɔ li mi Gale.

Tɔlɔ Mɔ 31:19

Winɔ vɛ̃ kɔ nɛ gɛ, kɛ wa gbɛa wele tabi wa 'bia tɛ wɔlɔ ni, wa ɔ sɛ tũ sambo dɛ 'do ngbo ɔi gɛ. Nɛ ma wia na tũi kɛ talɛ do tũi kɛ sambo, onganganɔ wa fɔlɔ wa na, wa hɔ sa wi li Gale. Mbula ni, ma sɛ 'bɔ we wukonɔ nɛ kala wa si do wa ni.

Tɔlɔ Mɔ 5:2

“Mɔ bá nu mɔ hã obe Israɛlɛ na, wa zɔ winɔ vɛ̃ kɛ wa do zɛlɛ ngbɛlɛ, tabi wa ba zɛlɛ kɛ wi wili tabi wuko kpa tɛ ngba a, tabi wanɔ kɛ wa 'bia tɛ wɔlɔ ni, nɛ wa fo wa tɛ fala ɔi do'do.

Tɔlɔ Mɔ 6:6

Nɛ do zɔlɔ mbuli ni 'bɔ vɛ̃, ma wè na, a kɔlɔ do wɔlɔ gɔ.

Tɔlɔ Mɔ 9:6

Nɛ nde ngba soe ni, ombe winɔ wa zi a wi ndi li Gale, we kɛ wa 'bia tɛ wɔlɔ. Nɛ we duzu ma, wa wè tɛ dungu ɛngga ni gɔ. Wa nɛa, nɛ wa kpa Mɔizɛ do Aroni,

MATIE 23:27

“'Bako do nɛ, owi be mbulanɔ do Ofariziɛnɔ! Nɛ a Owi ɔlɔ wi! Nɛ ɔ nɛ zunu kɛ wa zɛa mbu tɛ nɛ vɛ̃ ni. Mɔ zɔ ma, nɛ nde 'do nɛ de wena, ɔkɔ na, kɔ nɛ i dunu do ogbãlã fio, do ombulu mɔ kpi do kpi.

LUKA 11:44

'Bako do nɛ, we kɛ nɛ ɔ nɛ zunu, kɛ winɔ wa ĩ́ we nɛ gɔ, nɛ wa la do ngɔ nɛ, nɛ wa hɔ wi ndi li Gale ni!”