Tɔlɔ Mɔ 19:13 - WE NU GALE 1995

¹³ Wele kɛ a 'be tɛ wɔlɔ, kɔ wa kpa lì fɔlɔ wi tɛ̃ a gɔ, nɛ nde a faka tɔa Tande 'da mi Gale faka, nɛ wa fo sɛ a sanga obe Israɛlɛ do'do.

Tɔlɔ Mɔ 19:13 Iomraidhean Croise

Kulu Tɔa 30:33

Fala kɛ wele dɛ tɛlɛ tɛ nɛ, kɔ a fɛlɛ do tɛ gele wele iko, nɛ wa ndaka wi dɛ nɔɛ ni kɔ owinɔ 'da mi do'do.”

GBA WENƆ 14:32

Ngamɔ ma kpa 'dã wi, nɛ zu a vĩ do'do. Nɛ nde wi bɔlɔ zu fe do gɛ̃ sila.

EZEKIƐLƐ 44:26

Fala kɛ a hɔ wi ndi nde, nɛ a dɛ sɛ mɔ fo ndi tɛ̃ a we hɔ sa wi li mi mbé nɛ. Nɛ 'do nɛ, nɛ a 'bɔ sɛ 'do tũ sambo, sɛ nɛ a ĩ ti ndo toe 'da a de.

Levitɛnɔ 15:31

“Nɛ mbese sɛ obe Israɛlɛ na, fala kɛ wa hɔ wi ndi ia, nɛ wa nyɛ́lɛ́ do tɔa Tande. Wa dɛ sɛ na mɛ ni na, da dɛ kɔ wa fáká tɔa Tande mi ɔ kɔ nɛ dɛ gbogbo wa ni, kɔ wa fe gɔ.”

Levitɛnɔ 20:3

Mi NWA ngboo ni, mi ba sɛ li mi ngɔ a, nɛ mi fo a sanga owinɔ 'da mi, tua kɛ a gbɛa mbe kpo sanga obenɔ 'da a we dɔnggɔ do Mɔlɛkɛ, nɛ a faka fala dɔnggɔ do mi, nɛ a hã sape hã zu li mi, kɛ ma santo ni.

Levitɛnɔ 22:3

Fala kɛ wi nu fɛlɛ nganga, a hɔ wi ndi, kɔ a kɔlɔ do dɔnggamɛnɔ kɛ obe Israɛlɛ wa tɛa do ma hã mi ni, nɛ ma wia na, wa fo nganga ni tɛ dɛa toe 'da a do'do. Mi a NWA. Nɛ mbulanɔ ni, ma sɛ 'bɔ na mɛ ni we onganganɔ 'do gɛ fai.

Levitɛnɔ 22:4

Nganga wele kɛ a ba zɛlɛ ngbɛlɛ, tabi a ba zɛlɛ tɛ wuko, nɛ ma wè na, a nyɔngɔ dɔnggamɔ santo dati kɛ na, a hɔ sa wi ni gɔ. Ma 'bɔ na mɛ ni, we duzu nganga wele kɛ a 'be tɛ wi kɛ a 'bia tɛ wɔlɔ, nɛ a hɔa wi ndi, tabi a 'bia tɛ mɔ kɛ ma ndɔa tɛ wɔlɔ, nɛ ma hɔa mɔ ndi ni. Ma 'bɔ na mɛ ni, we duzu nganga wele kɛ lì tɛ̃ a ma hɔa iko,

Levitɛnɔ 5:17

“Fala kɛ wele gbini mbe kpo sanga mbulanɔ 'da NWA, hã gɛnɛ kɔ a dɛ̃ do mbana gɔ, nɛ nde a dɛa 'dã mɔ, nɛ a tia do ngbangga dati NWA, nɛ ma wia na, a futa olo nɛ.

Levitɛnɔ 5:3

“Tabi fala kɛ wele 'be 'bɔ tɛ wi kɛ a a wi ndi, nɛ ndi ni wia we te tɛ gele wi ni. Nɛ nde gɛnɛ kɔ a ĩ̀ fala nɛ do 'da fala ni gɔ, kɔ a ĩ fala nɛ do 'do, nɛ a te sɛ do ngbangga dati Gale.

Levitɛnɔ 5:6

nɛ a tɛ do be naa bata, tabi naa dua we dɔnggɔ do NWA, takɔ ma si olo ku'da 'dã mɛ zu a. Nɛ nganga a hã sɛ dɔnggamɛ ni hã NWA, nɛ ma dɛ sɛ na, NWA fo ku'da 'dã mɛ zu wi ni.

Levitɛnɔ 7:20

Hã fala kɛ wele ɔ do wi ndi li NWA Gale, kɔ a nyɔngɔ mulu sa'de dɔnggamɔ kɛ wa hã ma hã a na, ma be dɛa na ni, nɛ wa fo a sanga wa obe Israɛlɛ do'do.

Levitɛnɔ 7:21

Ma ɔ sɛ 'bɔ kpasaa na mɛ ni, we duzu wi kɛ a 'be tɛ wi ndi, tabi sa'de ndi, tabi mɔ kɛ vɛ̃ ma a mɔ ndi li Gale, nɛ 'do nɛ, nɛ a nyɔngɔ mulu sa'de dɔnggamɛ ni.”

Tɔlɔ Mɔ 15:30

Kɔ fala kɛ mbe be Israɛlɛ kpo, tabi mbe gele wele dɛ 'dã mɔ do mbana, nɛ nde a dã zu li mi, nɛ wa fo sɛ a sanga owinɔ do'do.

Tɔlɔ Mɔ 19:14

“Mbe mbulanɔ 'bɔ a kɛ gɛ: Fala kɛ wele fe kɔ mbe tande ɔinɔ nde, nɛ winɔ wa lia i mɔ, tabi winɔ wa kɔ tande do 'da fala wɔlɛ boe ni, wa hɔ sɛ wi ndi 'do tũ sambo.

Tɔlɔ Mɔ 19:18

Nɛ wi kɛ a a sa wi ni, a ba te nyama, nɛ a yulu 'dɔ lì kɔ kpana ni, nɛ a kpã ma tɛ tande, do omɛnɔ vɛ̃, do owinɔ wa kɔ nɛ ni. Tabi a kpã tɛ wi kɛ a 'bia tɛ gbãlã wele, wɔlɔ, tabi zunu ni.

Tɔlɔ Mɔ 19:19

Wi kɛ a a sa wi ni, a kpã sɛ lì tɛ wi ndi ni, do tũi kɛ talɛ do tũi kɛ sambo. Do sambo tũi ni, nɛ wi ndi ni a fɔlɔ sɛ tulu tɛ̃ a, nɛ a fɔlɔ 'bɔ tɛ̃ a. Nɛ do gɛ̃a wese ni, nɛ a hɔ sɛ sa wi li mi Gale.

Tɔlɔ Mɔ 19:20

“Wele kɛ a 'be tɛ wɔlɔ ni, kɔ wa kpa li fɔlɔ wi tɛ̃ a gɔ, nɛ nde a faka tɔa Tande 'da mi NWA faka, nɛ wa fo sɛ a sanga obe Israɛlɛ do'do.

Tɔlɔ Mɔ 19:9

Wele kɛ a a sa wi ni, a holo sɛ bũ ngɔmbɛ, nɛ a hɔ do ma fala ɔi dɛ nza, nɛ a e ma tɛ fala kɛ ma a sa li mi ni. Nɛ obe Israɛlɛ wa a sɛ ma 'dɔ lì fɔlɔ wi we hɔ sa wi li mi Gale. (Ma wia kɔ̃ do dɔnggamɔ we fo ku'da 'dã mɔ.)

Tɔlɔ Mɔ 8:7

Fala fɔlɔ wa, nɛ mɔ dɛ sɛ na mɛ gɛ: Mɔ kpã sɛ lì fɔlɔ wi tɛ wa. 'Do nɛ, nɛ wa kɛlɛ sala tɛ wa vɛ̃, nɛ wa fɔlɔ tulu tɛ wa. Na mɛ ni, nɛ wa hɔ sɛ sa wi li mi.

Tɔlɔ Mɔ 9:13

Nɛ nde wi kɛ a hɔ́ wi ndi li mi gɔ, tabi a nɛ̀ gɛnɛ gɔ, kɔ a bɛ̃ we dungu ɛngga do kɔ tũi mi wia ni, nɛ wa fo sɛ a kɔ obe Israɛlɛ do'do. Wi kɛ a tɛ̀ do dɔnggamɛ 'da a do kɔ̃ tũi mi wia ni gɔ, nɛ nde a dɛa 'dã mɔ li mi Gale.

YOANƐ 8:24

Mi tɔ̃ hã nɛ na, fala kɛ nɛ kɔ̃̀ na, mi a wi kɛ mi boe fai gɔ, nɛ nɛ fe sɛ do 'dã mɔ dɛ zu nɛ.”

OHEBRE 10:29

Kɔ ma ɔ na mɛ ni, nɛ nɛ lengge na ge nde? Wi kɛ a zɔ Be 'da Gale li a yala iko, nɛ a faka gba tɔkɛ kɛ Gale fua do ku'da 'dã mɛnɔ zu a ni na, fo gulu nɛ bina, nɛ a dã 'bɔ zu li Hi Wi Santo kɛ a be dia zã 'da Gale hã lɛ ni, a kpá sɛ zɛlɛ tɛ 'danga nɛ ngɔ wele kɛ sɔ ni gɔ nde?

OHEBRE 9:10

Mɛnɔ ni, mɛ a ombula ngɔ onyɔngɔmɛnɔ, do dɔ̃nɔ, do tɛlɛ tɛ fɔlɔ tɛ mɛnɔ 'da wa na, ma ɔ sa li Gale ni iko. Mɛ a ombula mɔ́ Owele, nɛ ma sɛ do ngawi gbaa we sɔkpɔ do 'da fala kɛ Gale a kpolo sɛ do mɛnɔ vɛ ni.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:11

Nɛ é wi dɛ 'dã mɔ, hã a 'bana tɛ dɛ 'dã mɛnɔ 'da a. Nɛ wi ndi 'báná tɛ ɔ wi ndi. Nɛ wi bɔlɔ zu 'báná tɛ dɛ bɔlɔ zu dɛa mɔ. Nɛ wele kɛ a a wi 'da Gale ni, a 'báná wi 'da Gale fai.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.