Tɔlɔ Mɔ 18:9 - WE NU GALE 1995

⁹ Odɔnggamɛnɔ kɛ nɛ we sɛ tɛ kala do mɔ́ nɛ ni, ma kɛ: fũ farini, dɔnggamɛnɔ we si olo ku'da 'dã mɔ, do dɔnggamɛnɔ we futa olo 'dã mɔ. Dɔnggamɛnɔ ni ma santo, ma sɛ we duzu mɔ, do obe zã mɔ.

Tɔlɔ Mɔ 18:9 Iomraidhean Croise

2 Onwanɔ 12:17

Nɛ we gele mbilinɔ kɛ winɔ wa hã zi ma olo li dɔnggamɛ kɛ ma wia na, wa hã sɔ ma hã Gale, takɔ a fo ku'da 'dã mɛ zu wa ni, wa á ma kɔ sanduki ni gɔ. Wele mbili ki ni zi a mɔ́ onganganɔ.

NEHEMIE 10:36

Nɛ sabɛlɛ kpo kpo, lɛ nɛ sɛ 'bɔ do kuti kpalɛ li fɔnɔ, do kuti wala tenɔ 'da lɛ we hã ma hã onganganɔ kɔ Tɛmpɛloe.

EZEKIƐLƐ 42:13

Nɛ wi ni tɔ̃a hã mi na: “Tɔanɔ si gbãlã ngɔ do kɛ si ba gɔtɔ, nɛ ma siki li ɛ dɛ li fanda Tɛmpɛloe ni, mɛ a otɔa kɛ ma santo. Onganganɔ kɛ wa wia we le tɛ fala dɔnggɔ do nwa ni, wa nyɔngɔ dɔnggamɛnɔ kɛ ma santo wena ni dɛ di ni. Mba gɔ, wa ia tɔanɔ ni hã NWA, nɛ wa a dɔnggamɛnɔ kɛ ma santo wena ni dɛ di ni. Mɛ a mɛnɔ kɛ wa 'dɔlɔ hã NWA, do sa'denɔ kpi do kpi kɛ wa gbɛ wa hã Gale, takɔ a fo ku'da 'dã mɔ zu owinɔ ni.

EZEKIƐLƐ 44:29

Wa nyɔngɔ sɛ dɔnggamɛnɔ, do sa'denɔ wa gbɛ do dɔnggamɔ hã mi we fo ku'da 'dã mɔ ni. Nɛ mɛnɔ vɛ̃ kɛ obe Israɛlɛ wa ia hã mi ni sɛ a mɔ́ wa.

Levitɛnɔ 10:17

“Gulu kɛ nɛ nyɔ̀ngɔ̀ tala mulu sa'de dɔnggamɛ ni tɛ fala kɛ ma santo ni gɔ we ge nde? Mɛ a nyɔngɔmɔ kɛ ma santo. NWA hã sa'de ni hã nɛ, takɔ nɛ yaka ma dati a na, ma fo ku'da 'dã mɛ zu obe Israɛlɛ.

Levitɛnɔ 14:13

Nɛ nganga a 'bili sɛ gɛlɛ bata dɛ fala wa 'bili do gɛlɛ osa'de dɔnggamɔ we fo ku'da 'dã mɛnɔ, tabi dɔnggamɔ kɛ wa dɔ hã NWA ni. Fala ni ma santo, nɛ a 'bili sɛ gɛlɛ bata dɛ di ni, we kɛ sa'de kɛ wa gbɛ a we gbɛlɛ ti nyanga wi olo zɛlɛ ni, mɛ a dɔnggamɔ kɛ ma santo, ɔ nɛ dɔnggamɔ kɛ we fo ku'da 'dã mɛnɔ ni. Nɛ wele nɛ a mɔ́ nganga.

Levitɛnɔ 2:10

Nɛ tala dɔnggamɛ ni sɛ a mɔ́ Aroni do obenɔ 'da a. Mɛ a nyɔngɔmɔ kɛ ma santo wena, we kɛ ma yula kɔ dɔnggamɛ kɛ wa hã ma hã NWA ni.

Levitɛnɔ 22:11

Nɛ nde ngbánɔ kɛ nganga usa wa ni, tabi ngbánɔ kɛ wa kua wa dɛ kɔ tɔa 'da nganga ni, wa wia we nyɔngɔ dɔnggamɛ kɛ ma we nganga ni.

Levitɛnɔ 22:7

Kɔ wese le tũ, nɛ a hɔ sɛ sa wi, nɛ a wia we nyɔngɔ odɔnggamɔ santonɔ 'bɔ mbé nɛ, we kɛ mɛ a nyɔngɔmɔ kɛ nganga kpasa do ma.

Levitɛnɔ 4:22

“Fala kɛ wi a gã wi ngɔ obe Israɛlɛ, hã a dɛ 'dã mɔ, hã a gbini mbe kpo kɔ mbulanɔ 'da NWA Gale 'da a, kɔ a dɛ̃ do mbana gɔ, nɛ a dɛ sɛ na mɛ gɛ:

Levitɛnɔ 4:27

“Fala kɛ wi a wi 'da le iko, hã a dɛ 'dã mɔ, hã a gbini mbe kpo kɔ mbulanɔ 'da NWA, kɔ a dɛ̃ do mbana gɔ, nɛ a dɛ sɛ na mɛ gɛ:

Levitɛnɔ 5:1

“O'dã mɛnɔ kɛ ma wia do dɔnggamɔ we fo ku'da nɛ zu wi kɛ a dɛa ma ni ma kɛ: Fala kɛ wa sa mɔ hã wele we ɔ temɔɛ we mɔ kɛ ma la ni, kɔ a bɛ̃ we tɔ̃̀ we mɛ kɛ a zɔa, tabi we kɛ a zila ni, nɛ 'dã mɛ ni sɛ dɛ zu a.

Levitɛnɔ 5:6

nɛ a tɛ do be naa bata, tabi naa dua we dɔnggɔ do NWA, takɔ ma si olo ku'da 'dã mɛ zu a. Nɛ nganga a hã sɛ dɔnggamɛ ni hã NWA, nɛ ma dɛ sɛ na, NWA fo ku'da 'dã mɛ zu wi ni.

Levitɛnɔ 6:17

NWA tɔ́a hã Mɔizɛ na,

Levitɛnɔ 6:19

Nɛ nganga kɛ a dɔ ma ni wia we nyɔngɔ tala dɔnggamɛ ni dɛ li fanda tɔa Tande 'da NWA, kɛ mɛ a fala santo ni.

Levitɛnɔ 7:1

“Kɛ gɛ mɛ a mbula ngɔ dɔnggamɔ we si olo ku'da 'dã mɔ. Mɛ a dɔnggamɔ kɛ ma santo ngboo.

Levitɛnɔ 7:6

Tati a owi wilinɔ kɛ wa a nu fɛlɛ nganga ni, hã wa nyɔngɔ sɛ mulu sa'de ni. Wa nyɔngɔ sɛ ma dɛ li fanda tɔa Tande 'da NWA, kɛ mɛ a fala santo ni, we kɛ mulu sa'de ni ma santo.

Levitɛnɔ 7:7

Mbulanɔ gɛ ma 'bɔ kpasaa we duzu dɔnggamɔ fo ku'da 'dã mɔ. Nɛ nganga kɛ a dɔ sa'de we si olo ku'da 'dã mɛ ni, a wia sɛ we nyɔngɔ tala sa'de ni.

Tɔlɔ Mɔ 18:10

Ma wia na, nɛ nyɔngɔ mɛnɔ ni tɛ fala kɛ ma santo, nɛ tati a owi wili hã wa wia we nyɔngɔ ma. Nɛ nɛ ba ma na, ma santo.

Mbulanɔ 18:1

“Onganganɔ kɛ wa a nu kpala Levi ni, wa kpá sɛ 'bili tɛ nù mɔ́ wa ngɔ nù Israɛlɛ gɔ. Nɛ nde wa kpasa sɛ do dɔnggamɛnɔ do ogele mɛnɔ kɛ owinɔ wa tɛ do ma hã NWA ni.