Tɔlɔ Mɔ 18:8 - WE NU GALE 1995

⁸ NWA tɔ̃a hã Aroni na: “Mɔ zɔ́, odɔnggamɔ santonɔ, kɛ obe Israɛlɛ wa tɛ do ma hã mi, nɛ wa dɔ̀ dɔa gɔ ni, mi hã ma vɛ̃ hã mɔ do obe zã mɔ. Wele mɛnɔ ni sɛ a mɔ́ nɛ fai.

Tɔlɔ Mɔ 18:8 Iomraidhean Croise

2 Onwanɔ 12:16

Kɔ wa hã ma hã wa do'do, nɛ nde wa áká 'bɔ wa ngɔ tala mbili kɛ wa futa do Owi dɛa tonɔ ni gɔ, we kɛ owinɔ ni wa a Owi bɔlɔ zu.

2 Sakonɔ 31:4

Nɛ a ba nu a hã owi Yeruzalɛmɛ vɛ̃ na, wa hã dɔnggamɔ hã Gale, nɛ wa hã tɛ mɛ 'bɔ kɛ ma yɔlɔ onganganɔ do olevitɛnɔ ni hã wa, takɔ wa hã tɛ wa vɛ̃ we dɛ toe 'da wa, ɔ nɛ kɛ ma kɔ 'buku mbula 'da NWA ni.

2 Sakonɔ 31:5

Obe Israɛlɛ wa nɛa we zele we kɛ nwa Ezekiasi tɔ̃a ni, nɛ wa kala kuti okpalɛ li fɔnɔ 'da wa ɔ nɛ ble, mbé dɔ̃, nɔ, nɔ gɔlɔ do gele dɔnggamɔ, nɛ wa kala 'bɔ kpo mbe 'bu kɔ kpalɛnɔ 'da wa, nɛ wa tɛ do ma.

Kulu Tɔa 28:43

Aroni do obulu benɔ 'da a wa nɛ le kɔ tɔa Tande kpa ngba wi do mi Gale, tabi wa nɛ nɛ fala dɔ do sa'de we dɔnggɔ do mi, nɛ ma wia na, wa he'de tuli ni, sɛ nɛ wa dɛ do to nganga 'da wa de. Wa he'de ma, nɛ nde wele zɔ́ sɛ kũlĩ tɛ wa gɔ, na mɛ ni, wa hɔ́ sɛ fɛna fio gɔ. Nɛ ma wia na, Aroni do obe zã a vɛ̃ wa dɛ sɛ mbula gɛ 'da fala fai, wa tɛ kpòlò sɛ ma gɔ.”

Kulu Tɔa 29:21

Nɛ mɔ so sɛ mbe tɔkɛ kɛ ngɔ gbagala, do nɔɛ kɛ ma santoe ni, nɛ mɔ kpã tɛ Aroni, do tɛ obulu benɔ 'da a, do tɛ tulunɔ 'da wa. Na mɛ ni, Aroni do obulu benɔ 'da a, wa hɔ sɛ owinɔ 'da mi, nɛ tulunɔ 'da wa ma sɛ santo.

Kulu Tɔa 29:28

We duzu ma, 'da fala fai, fala kɛ obe Israɛlɛ wa gbɛ sa'de we be dɛa na, nɛ wa fo sɛ gbãlã ngu'du nɛ do ku nɛ, nɛ wa hã ma hã Aroni do obe zã a.

Kulu Tɔa 29:29

“Aroni fe do'do, nɛ wa kala sɛ tulunɔ 'da a kɛ ma santoe ni, nɛ wa hã ma hã obe zã a, nɛ wa he'de ma do tũi kɛ wa e sɛ wa na, wa ndo dɛ to nganga hã mi Gale ni.

Kulu Tɔa 40:13

'Do nɛ, nɛ mɔ kala otulu santonɔ, nɛ mɔ he'de ma hã Aroni, nɛ mɔ a nɔ zu a, nɛ mɔ e a na, a dɛ to nganga hã mi.

Kulu Tɔa 40:15

nɛ mɔ a nɔɛ zu wa ɔ nɛ kɛ 'da baa wa ni, nɛ mɔ e wa na, wa dɛ to nganga hã mi. Na mɛ ni, nɛ wa do obe zã wa, wa sɛ a onganganɔ 'da mi fai.”

Ezai 10:27

Do ngba soe ni, nɛ mi fo sɛ nɛ ti mbula 'da Oasiri. Nɛ mi fo sɛ dĩ tole kɛ wa ia zu 'baka nɛ ni do'do.”

Levitɛnɔ 21:10

“Wi ngɔ onganganɔ, wi a gã nwa nganga. Do ngba soe kɛ a nɛa zi we ndo toe ni, nɛ wa he'de otulu santo hã a, nɛ wa a nɔ santo zu a. Ma kɛ ma wè na, a fi kɔ a kɔ zu a, tabi a ɛ̃ tulu tɛ̃ a we dɛ 'bako gɔ.

Levitɛnɔ 23:20

Nɛ nganga a kala sɛ kuti mapanɔ do batanɔ bɔa ni, nɛ a yaka ma dɛ dati mi, nɛ a hã ma do dɔnggamɔ hã mi. 'Do nɛ, nɛ a kala sɛ ma do mɔ a, we kɛ dɔnggamɛ ni ma santo.

Levitɛnɔ 6:16

Mba gɔ, dɔnggamɔ fũi vɛ̃, kɛ nganga hã ma hã NWA ni, wa nyɔ́ngɔ́ ma gɔ. Ma wia na wa dɔ ma vɛ̃ hã NWA.”

Levitɛnɔ 6:18

a e mbulanɔ ngɔ dɔnggamɛ we fo ku'da 'dã mɛnɔ ni hã Aroni do obenɔ 'da a. Mbulanɔ ni ma kɛ: “Ma wia na, wa 'bili gɛlɛ sa'de dɛ dati tɔa Tande 'da NWA, dɛ fala wa 'bili do gɛlɛ sa'denɔ we dɔ hã a ni. Dɔnggamɛ ni, mɛ a dɔnggamɔ kɛ ma santo.

Levitɛnɔ 6:20

Mulu sa'de dɔnggamɛ ni, ma santo. We duzu ki ni, mbé gele wele iko 'be tɛ nɛ, nɛ ma dɛ sɛ a 'danga wena, we kɛ ma santo. Fala kɛ tɔkɔ sa'de dɔnggamɛ ni, ma zĩ tɛ tulu, nɛ wa fɔlɔ sɛ tɔkɛ ni tɛ fala kɛ ma santo ni.

Levitɛnɔ 7:14

Nɛ a fo sɛ zu dɔnggamɛnɔ ni kpo kpo hã NWA, nɛ a hã sɛ tala nɛ hã nganga kɛ a kpã tɔkɔ sa'de tɛ 'bolo zã gbagala ni.

Levitɛnɔ 7:28

NWA tɔ́a hã Mɔizɛ na,

Levitɛnɔ 7:6

Tati a owi wilinɔ kɛ wa a nu fɛlɛ nganga ni, hã wa nyɔngɔ sɛ mulu sa'de ni. Wa nyɔngɔ sɛ ma dɛ li fanda tɔa Tande 'da NWA, kɛ mɛ a fala santo ni, we kɛ mulu sa'de ni ma santo.

Levitɛnɔ 8:30

Nɛ Mɔizɛ sua mbe tɔkɛ kɛ ngo gbagala, do nɔɛ kɛ ma santoe ni, nɛ a kpã tɛ Aroni, do obenɔ 'da a, do te tulunɔ 'da wa. Na mɛ ni, Aroni do obulu benɔ 'da a, wa hɔa winɔ 'da NWA, nɛ tulunɔ 'da wa hɔa santo.

Tɔlɔ Mɔ 18:9

Odɔnggamɛnɔ kɛ nɛ we sɛ tɛ kala do mɔ́ nɛ ni, ma kɛ: fũ farini, dɔnggamɛnɔ we si olo ku'da 'dã mɔ, do dɔnggamɛnɔ we futa olo 'dã mɔ. Dɔnggamɛnɔ ni ma santo, ma sɛ we duzu mɔ, do obe zã mɔ.

Tɔlɔ Mɔ 5:9

Wa fo sɛ mbee tɛ dɔnggamɛnɔ vɛ̃ kɛ obe Israɛlɛ wa tɛ nɛ hã Gale ni, nɛ wa hã ma hã nganga kɛ a dɛ toe ni.

1 KORINTƐ 9:13

Nɛ ĩ vɛ na, winɔ kɛ wa dɛ to kɔ tɔa Tɛmpɛloe ni, wa kpasa do mbe dɔnggamɛnɔ. Nɛ wanɔ wa dɔ sa'denɔ ngɔ gbagala hã Gale ni, wa kpa tɛ mɛ 'bɔ mbe mulu sa'denɔ ni.

Mbulanɔ 12:11

Do 'da fala ni, nɛ NWA a saka sɛ le kɛ ma wia na, wa dɔnggɔ do a ni. Nɛ nɛ nɛ sɛ do mɛnɔ vɛ̃ kɛ mi ba nu mi na, nɛ dɔnggɔ do a ni dɛ di ni. Mɛ a osa'denɔ nɛ dɔ sɛ wa hã NWA ni, ogele dɔnggamɛnɔ, dɔnggamɔ kpo mbee 'bu kɔ kpalɛnɔ, do kɛnɔ nɛ kpo sɛ mbulu 'dɔlɔ ma hã NWA, do kɛnɔ nɛ tɛ sɛ do ma do kɔ sila nɛ iko ni.

Mbulanɔ 12:6

Nɛ nɛ dɔ sɛ sa'denɔ we dɔnggɔ do a, nɛ nɛ hã 'bɔ ogele dɔnggamɔ. Nɛ hã́ sɛ 'bɔ kpo mbee 'bu kɔ kpalɛnɔ 'da nɛ do dɔnggamɔ, mba do mɛnɔ kɛ nɛ tɛa do ma hã NWA do kɔ sila nɛ, tabi we dɛ olo mbulu ni. Nɛ nɛ hã sɛ 'bɔ Okuti be wili sa'denɔ 'da nɛ, ɔ nɛ ngɔmbɔ, bata, do dua hã a dɛ di ni.

Mbulanɔ 18:1

“Onganganɔ kɛ wa a nu kpala Levi ni, wa kpá sɛ 'bili tɛ nù mɔ́ wa ngɔ nù Israɛlɛ gɔ. Nɛ nde wa kpasa sɛ do dɔnggamɛnɔ do ogele mɛnɔ kɛ owinɔ wa tɛ do ma hã NWA ni.

Mbulanɔ 26:13

Nɛ dɛ ni do'do, nɛ nɛ tɔ̃ sɛ hã NWA Gale 'da nɛ na: ‘Aa NWA, mi kala kpo mbee 'bu kɔ kpalɛnɔ 'da mi vɛ̃, ma hã mi ia hã mɔ gɛ. Mi hã ma hã olevitɛnɔ, do ogɛnɛnɔ, do obe gulanɔ, do owi fio wilinɔ, ɔ nɛ kɛ mɔ ba do nu mɔ na lɛ dɛ ni. Mi bɛ mbula kɛ mɔ ia si ngɔ kpo mbee 'bu kɔ kpalɛnɔ ni gɔ. Nɛ mi èlè 'bɔ mbula ngɔ ma kpo gɔ.

OHEBRE 1:9

Mɔ kɔ̃a gɛnɛ mɔ kɛ ma a bɔlɔ, nɛ mɔ bɛa gɛnɛ 'dã mɔ. We duzu ma, ma kɛ mi Gale 'da mɔ, mi saka mɔ sanga ongba mɔ, nɛ mi hã yangga hã mɔ la li ngele.”

1 YOANƐ 2:20

Kɔ we duzu nɛ, Yezu hã Hi Wi Santo hã nɛ, nɛ nɛ vɛ̃, nɛ ĩ ti gbãlã we 'da Gale.

1 YOANƐ 2:27

Nɛ nde kɛ 'da nɛ, Yezu hã zi Hi Wi Santo 'da a hã nɛ. Kɔ nɛ́ kɛ Hi Wi Santo 'bana dɛ kɔ sila nɛ ni, ma wè na, nɛ fa 'bɔ gele wele we be we hã nɛ gɔ. Mba gɔ, wi be mɛnɔ vɛ hã nɛ, wi a Hi Wi Santo. Nɛ mɛnɔ kɛ a be hã nɛ ni, mɛ a gbãlã we ngboo, bɛlɛ kɔ nɛ bina. Nɛ 'báná dɛ kɔ Yezu fai, nɛ́ kɛ Hi Wi Santo bia hã nɛ ni.