Tɔlɔ Mɔ 18:6 - WE NU GALE 1995

⁶ Nɛ zɔ́, mi saka onya nɛ olevitɛnɔ kɔ tala gele obe Israɛlɛ na, wele wa a mɔ́ mi. Nɛ mi hã wa hã nɛ na, wa dɛ tonɔ kɔ tɔa Tande.

Tɔlɔ Mɔ 18:6 Iomraidhean Croise

Ndo Nyanga Dɛ Mɔ 6:17

We kɛ mi dɛ sɛ na gba lì hɛ̃, nɛ ma kpa do ngɔ nù gɛ vɛ, nɛ ma gbɛ sɛ mɛnɔ vɛ̃ kɛ ma do tunu li ɛ ni do'do. Gbãlã tunu li mɔ kpo 'báná sɛ ngɔ nù gɛ gɔ. Mɛnɔ vɛ ma 'danga nɛ.

Ndo Nyanga Dɛ Mɔ 9:9

“Mi nɛ gba tɔkɔ do nɛ, do obe zã nɛ.

Kulu Tɔa 14:17

Nɛ mi dɛ sɛ na, Oezipeto wa dɛ nga zu. Nɛ wa le sɛ 'do nɛ tɛ olo wakala lì. 'Da fala ni, nɛ mi bi sɛ do wa, nɛ mi nɛ sɛ ngɔ nwa ngɔ nù Ezipeto, do osodanɔ, do ongilingilinɔ, do owi kũ ngɔ mbalatanɔ 'da a. Na mɛ ni, nɛ li mi ma dɔ̃lɔ̃ sɛ dɛ dati,

Kulu Tɔa 31:6

Mi saka 'bɔ Oholiabɛ, be 'da Ahisamakɛ, wi nu kpala Danɛ, nɛ mi ia a na, wa dɛ tonɔ do Bɛsalɛlɛ. Mi hã 'bɔ gã gbãlã zã hã tala owi dɛ si'bili to kɔ winɔ na, wa mba do wa, hã wa dɛ to mɛnɔ vɛ̃ kɛ mi bia hã mɔ ni.

Ezai 48:15

Mi zu mi kpo a mi tɔ̃a we nɛ. Mi sa mɔ hã wi ni na a tɛ, nɛ mi hã sɛ ngawi hã a, nɛ mi kpe dati a kɔ mɛnɔ vɛ̃ kɛ a dɛ sɛ ma ni.

Ezai 51:12

NWA tɔ̃a na: “Aa nɛ, owinɔ 'da mi, mi a mi hã ngawi hã nɛ. Kɔ gulu kɛ nɛ dɛ kili wele, kɛ a fe sɛ, nɛ a mbulu ɔ nɛ wɔkɔsɔ iko ni we ge nde?

EZEKIƐLƐ 34:11

“Mi NWA Gale, mi tɔ̃a hã nɛ na, yolo do sɔɛ gɛ, mi do tɛ mi, mi zɔ sɛ mɔ tɛ nadalamɛnɔ 'da mi, nɛ mi fɔmɔ sɛ wa.

EZEKIƐLƐ 34:20

“Ma kɛ mi NWA Gale, mi tɔ̃ hã nɛ na: Mi nɛ gɔnɔ we ngbala sa'denɔ kɛ wa ɔkɔ wena, do wanɔ kɛ wa dɛ nɔ wena ni.

Tɔlɔ Mɔ 3:12

“Wi a mi hã mi saka levitɛnɔ kɔ tala gele obe Israɛlɛ vɛ̃. Wa dɛ sɛ to hã mi olo li kuti benɔ 'da obe Israɛlɛ.

Tɔlɔ Mɔ 3:13

Mba gɔ, ngba soe mi gbɛa zi do kuti bulu benɔ 'da Oezipeto ni, nɛ mi la zi kuti bulu benɔ 'da obe Israɛlɛ, do kuti be wili nadalamɛnɔ 'da wa. Na mɛ ni, wele wa a mɔ́ mi. Mi a NWA!”

Tɔlɔ Mɔ 3:45

“Mɔ é olevitɛnɔ na, wa dɛ to hã mi, olo li kuti bulu benɔ 'da obe Israɛlɛ. Nɛ mɔ hã 'bɔ be wili nadalamɛnɔ 'da wa hã mi, olo li kuti be wili nadalamɛnɔ 'da obe Israɛlɛ.

Tɔlɔ Mɔ 3:6

“Mɔ sá mɔ hã obe zã Levi, nɛ mɔ a nɔ zu wa na, wa gala nganga Aroni.

Tɔlɔ Mɔ 3:9

Dɛa toe 'da levitɛnɔ tati a gala Aroni do benɔ 'da a tɛ to nganga 'da wa. Wa dɛ sɛ ma olo li tala obe Israɛlɛ vɛ̃.