Tɔlɔ Mɔ 18:3 - WE NU GALE 1995

³ Wa dɛ sɛ to kɔ tɔa Tande, nɛ nde ma wè na, wa kɔlɔ do gbagala tabi do omɛnɔ kɛ ma santo ni gɔ. Wa dɛ ní, nɛ nde nɛ do wa, nɛ hɔ́ sɛ fɛna fio gɔ.

Tɔlɔ Mɔ 18:3 Iomraidhean Croise

EZEKIƐLƐ 44:13

Wa wé sɛ 'bɔ we yolo dati mi, takɔ wa dɛ to nganga 'da wa gɔ. Nɛ ma wè 'bɔ na, wa kɔlɔ do mɛnɔ kɛ wa ia ma hã mi kɔ Tɛmpɛloe ni gɔ. Nɛ wa kɔ́lɔ́ sɛ 'bɔ do Fala kɛ ma santo wena ni gɔ. Na mɛ ni, nɛ wa kpa sɛ si olo 'dã mɔ sapenɔ wa dɛa ni.

Tɔlɔ Mɔ 1:51

“'Da fala nɛ kulu ngɔ we la nɛ ni, nɛ wa sɛ a wa nɛ yala tɔa Tande. Kɔ nɛ hɔ tɛ mbé fala ɔi, nɛ wa a wa nɛ zĩ sɛ 'bɔ ma dɛ olo nɛ. Hã fala kɛ mbe gele wele kɔlɔ do tɔa Tande, nɛ wa gbɛ sɛ a.

Tɔlɔ Mɔ 1:53

Nɛ nde tati a obe zã Levi hã wa ɔ sɛ zĩ do tɔa Tande takpa, nɛ wa dɛ sɛ toe 'da wa dɛ di ni. Na mɛ ni, nɛ wa amba sɛ zu obe Israɛlɛ na, wa tɛ kɔ́lɔ́ do tɔa ni, kɔ dã ba mi dɛ tɛ wa gɔ.”

Tɔlɔ Mɔ 18:4

Wa gala sɛ nɛ kɔ otonɔ vɛ̃ kɛ ma dɛ tɛ̃ ɛ kɔ tɔa Tande i ni. Gele wele iko kɔ́lɔ́ sɛ do nɛ gɔ.

Tɔlɔ Mɔ 18:7

Nɛ nde mɔ Aroni, do obe zã mɔ, nɛ dɛ sɛ to nganga 'da nɛ tɛ fala gbagala, do Fala kɛ ma santo wena, nɛ ma do 'do ku'bi kɛ ma gɔnɔ sanga tɔa ni. Wi a mi a mi hã toe gɛ hã nɛ. Nɛ nde fala kɛ gele wele kɔlɔ do mi, nɛ wa gbɛ sɛ a.”

Tɔlɔ Mɔ 3:25

Ogɛrsoni wa zɔ zi mɔ tɛ omɛnɔ gɛ: tulu Tande kɛ kɔ tɔa i, do kɛ ma kele 'do tɔa nza nga ni, do tulu kele do ma, ku'bi nu tɔa Tande,

Tɔlɔ Mɔ 3:31

Okehatɛ wa zɔ zi mɔ tɛ mɛnɔ gɛ: Sanduku Gba Tɔkɛ, mɛsa kɛ ma santo, mɔ a mwindanɔ ngɔ nɛ, gbagalanɔ we dɔ do sa'de, saninɔ wa dɛ do to kɔ tɔa Tande ni, do ku'bu gɔnɔ sanga kɔ tɔa Tande. Wa zi a wa zɔ mɔ tɛ omɛnɔ ni.

Tɔlɔ Mɔ 3:36

Omɛrari zi a wa zɔ mɔ tɛ ma'baya tɔa Tande, obɛlɛdumanɔ, omɔ bolonɔ hole kɔ nɛ ni, do osi'bili mɔ tɛ tɔa Tande.

Tɔlɔ Mɔ 31:30

Nɛ ngɔ omɛnɔ kɛ tala obe Israɛlɛ wa kpa ni, mɔ fo sɛ wele kpo kɔ Owele 'bu wa mɔlɔ, nɛ sa'de kpo kɔ osa'de 'bu wa mɔlɔ. Mɛ sɛ a osa'denɔ gɛ: ongɔmbɔ, opunda, obata, odua do ogele sa'denɔ. Nɛ wele wa vɛ̃ sɛ a mɔ́ mi. Nɛ mɔ hã sɛ wa hã olevitɛnɔ, kɛ wa dɛ toe kɔ tɔa Tande 'da mi ni.”

Tɔlɔ Mɔ 4:15

Kɔ wa nɛ la ma, nɛ Aroni do obenɔ 'da a wa lɔmbɔ sɛ 'do omɛnɔ ma santo ni, do osi'bili mɔ to nɛ vɛ̃ do'do, sɛ nɛ obe zã Kehatɛ wa tɛ we ba tole nɛ de. Na mɛ ni, nɛ kɔ Okehatɛ ndɔ́ sɛ tɛ mɔ santoe, kɔ wa hɔ fɛna fio gɔ. Obe zã Kehatɛ wa dɛ sɛ to kala omɔ tole santonɔ kɔ tɔa Tande ni.