Biblia Todo Logo
Bìoball air-loidhne

- Sanasan -




Tɔlɔ Mɔ 18:21 - WE NU GALE 1995

21 NWA tɔ́a na: “Kɛ gɛ a si olo toe 'da olevitɛnɔ kɛ wa dɛ toe kɔ tɔa Tande 'da mi ni. Mi hã sɛ kpo mbee 'bu kɔ mɛnɔ kɛ ma ngɔ nù Israɛlɛ gɛ ni hã wa.

Faic an caibideil Dèan lethbhreac




Tɔlɔ Mɔ 18:21
26 Iomraidhean Croise  

Lɛ dɔ́nggɔ́ Gale kɛ a nɛa ngɔ mɔ vɛ̃, kɛ a ia owi sɛnɛ mɔ dɛ kɔ̃ mɔ, nɛ mɔ nɛa ngɔ wa ni.” Nɛ Abrama kala kpo mbee 'bu kɔ mɛnɔ vɛ̃ kɛ a kala ma li bole ni, nɛ a hã ma hã a.


Kɔ ma hɔ ngba soe kala kpalɛnɔ nde, nɛ nɛ hã sɛ kpo mbee mɔlɔ kɔ kpalɛnɔ ni hã nwa. Nɛ tala ki ni, nɛ mi sɛ ma li fɔnɔ 'da nɛ dɛ dati, sɛ a nɛ kpa nyɔngɔmɔ we duzu nɛ, do obenɔ 'da nɛ, do owinɔ vɛ̃ kɛ wa ɔ kɔ tɔa 'da nɛ ni de.”


Yolo dɛ di ni, nɛ Yozɛfu ia zi mbula ngɔ nù Ezipeto na, kpo mbee mɔlɔ kɔ kpalɛnɔ vɛ̃ a mɔ́ nwa, nɛ mbula ni 'bana fai tia do sɔɛ gɛ. Nɛ nùnɔ ma 'bana zi, nɛ ma hɔ kɛ 'da nwa gɔ, tati a nùnɔ 'da onganganɔ 'da Oezipeto.


nɛ wa kala dɔnggamɛnɔ kɛ winɔ wa kala kɔ kpalɛnɔ 'da wa, do ombe gele dɔnggamɛnɔ kɛ ma santo ni, nɛ wa a kɔ usu tɔa ni. Nɛ wa saka levitɛ kpo li a a Konania na, a zɔ mɔ tɛ mɛnɔ ni. Nɛ wa saka 'bɔ nya a Simei dɛ 'do a na a gala a.


Lɛ, ogele be Israɛlɛ, do onganganɔ, do olevitɛnɔ, do Owi zɔ mɔ nu ngbonɔ, do Owi ga Zumanɔ, do Owi gala olevitɛnɔ, lɛ mba kpo do ogã winɔ 'da lɛ we kpo mbulu hã Gale, mba do owinɔ kɛ wa 'bana zi ngɔ nù Yuda nga do 'da fala 'duli, nɛ wa bɛ̃a gɛnɛ dɛa mɛ 'da opaganɔnɔ we dɛ mbula 'da Gale ni. Wi a lɛ, mba do okɛnɛ lɛ, do obenɔ 'da lɛ, owuko nɛ do Owi wili nɛ, kɛ wa wia sabɛlɛ zele gulu mbula ni.


Nɛ lɛ nɛ sɛ 'bɔ do Okuti bulu benɔ kɛ lɛ kua wa ni, do Okuti be nadalamɛnɔ 'da lɛ, nɛ lɛ e sɛ wa hã Gale, ɔ nɛ kɛ mbula tɔ̃a ni. Lɛ nɛ sɛ do Okuti be ngɔmbɔ, do bata, do dua, nɛ lɛ kala wa hã onganganɔ kɛ wa de toe kɔ Tɛmpɛlo 'da Gale 'da lɛ ni.


Lɛ hã sɛ 'bɔ odia fũ, do owala te, do mbé dɔ̃, do nɔ hã wa. Nɛ wa a sɛ ma kɔ tɔa usu do mɛnɔ kɔ ngbo Tɛmpɛloe i. Lɛ hã sɛ kpo mbee 'bu 'da kpamɛnɔ 'da lɛ vɛ̃ do dimɛ hã olevitɛnɔ. Nɛ olevitɛnɔ wa nɛ sɛ kɔ lenɔ lɛ dɛ do toe ni, we kala dimɛnɔ ni.


Do kpo 'da fala ni, nɛ wa saka zi owele we zɔ mɔ tɛ 'bili tɔanɔ kɛ wa a do dɔnggamɛnɔ kɛ zã Tɛmpɛloe ni. Odɔnggamɛnɔ ni a okuti wala tenɔ, do kpo mbee 'bu kɔ okpalɛ li fɔnɔ. Toe 'da owinɔ ni a ngɛmɛ Okpalɛnɔ kɛ mbula tɔ̃a na, obe Israɛlɛ wa hã do dɔnggamɔ hã onganganɔ do olevitɛnɔ ni. Wa kala do'do, nɛ wa a kɔ tɔa. Nɛ dɔnggamɛnɔ ni, mɛ a kɛnɔ ma yolo kɔ fɔnɔ kɛ wa wa ma dɛ kɛ zã lenɔ ni. Owinɔ ngɔ nù Yuda vɛ̃ wa kɔ̃a zi gɛnɛ toe 'da onganganɔ do olevitɛnɔ.


Tũ kpo kpo, do 'da fala 'da Zorobabɛlɛ, tabi 'da Nehemi, obe Israɛlɛ wa tɛ zi do omɛnɔ kɛ ma wia we gala owi ga zumanɔ, do owi zɔ mɔ nu tɔa Tɛmpɛloe ni. Nɛ wa tɛ 'bɔ do dɔnggamɔ we gala olevitɛnɔ. Nɛ olevitɛnɔ wa kala kɛ 'da onganganɔ, nɛ wa hã ma hã wa.


Nɛ obe Israɛlɛ, wa ma 'bɔ ngɔ tɛ do dimɛ kpalɛnɔ, do mbé dɔ̃ɛ, do nɔnɔ, nɛ wa usu ma dɛ kɔ o'bili tɔanɔ kɛ wa a we nɛ ni.


ma kɛ a ba mbe gã 'bili kɔ tɔa kpo, nɛ a hã ma hã Tobia. 'Bili tɔa ni zi a fala kɛ wa usu do ofũ, do ofũ yɔmbɔ we dɔnggɔ do Gale, do okpana we dɛa to kɔ tɔa Tɛmpɛloe. Dɛ kpo kɔ 'bili tɔa ni, wa usu zi 'bɔ odɔnggamɛnɔ we onganganɔ, do dimɛ kpalɛnɔ, do mbé dɔ̃, do nɔnɔ kɛ wa hã hã olevitɛnɔ, do owi ga zumanɔ, do wi zɔ mɔ nu tɔa Tɛmpɛloe ni.


Mi dɛ ní, nɛ nɛ ĩ sɛ wá na, mi NWA Gale, mi mbisa nɛ do we gɛ, takɔ gba tɔkɛ kɛ mi gba zi ma do yaa nɛ Levi, do nɛ obe zã a ni, ma 'bana fai.


Kɔ nɛ tɛ́ do kpo mbe 'bui kɔ mɛnɔ 'da nɛ vɛ̃, hã nɛ a ma kɔ Tɛmpɛloe 'da mi, dɔ nyɔngɔmɛ 'da onganganɔ zɔ́lɔ́ kɔ tɔa 'da mi gɔ. Nɛ yámbá sila mi, NWA ngɔ mɔ nyanga nza vɛ̃ ɔ nɛ kɛ mi tɔ̃a ni, hã nɛ zɔ, fala kɛ mi wèlè nu mi tɛ nɛ, nɛ mi hũi nu li nza, nɛ mi sulu ode mɔ hã nɛ gɔ sɛ.


Nɛ zɔ́, mi saka onya nɛ olevitɛnɔ kɔ tala gele obe Israɛlɛ na, wele wa a mɔ́ mi. Nɛ mi hã wa hã nɛ na, wa dɛ tonɔ kɔ tɔa Tande.


“Mɔ sá mɔ hã obe zã Levi, nɛ mɔ a nɔ zu wa na, wa gala nganga Aroni.


Nɛ mɔ zɔ kɔ mɛnɔ kɛ osodanɔ wa kpa ni, nɛ mɔ fó wele kpo kɔ Owele kama mɔlɔ, nɛ sa'de kpo kɔ osa'de kama mɔlɔ. Mɛ a osa'denɔ gɛ: ongɔmbɔ, opunda, obata do odua. Nɛ wele owinɔ do osa'denɔ ni sɛ vɛ̃ a mɔ mi,


Ma wia na, wi kɛ wa be we nu Gale hã a ni, a kala mbe tɛ mɛnɔ 'da a vɛ, nɛ a gbaka do wi kɛ a be mɛ hã a ni.


A wia we kpa nyɔngɔmɔ we kɔ̃ do tala ogele nganganɔ ni. Nɛ a wia we 'bana do mɛnɔ kɛ onu fɛlɛ a wa tombo do a ni.


Mbula kɛ Mɔizɛ kɔma zi ni, ma hã zi wala hã onganganɔ, obe zã Levi na, wa kala kpo mbee 'bu kɔ mɛnɔ 'da obe Israɛlɛ vɛ. Ĩ na, Olevi do obe Israɛlɛ a nya wi, wa vɛ a obe zã Abrahama.


Lean sinn:

Sanasan


Sanasan