Tɔlɔ Mɔ 18:2 - WE NU GALE 1995

² Mɔ sa sɛ mɔ hã onya mɔ levitɛnɔ, nɛ nɛ dɛ toe do wa. 'Da fala mɔ do obe zã mɔ, nɛ nɛ sɛ we dɛ to kɔ tɔa Tande ni, nɛ wa dɛ sɛ to ti nɛ, nɛ wa gala nɛ.

Tɔlɔ Mɔ 18:2 Iomraidhean Croise

Ndo Nyanga Dɛ Mɔ 29:34

'Do ki ni, nɛ a ba 'bɔ mbé zã, nɛ a ko talɛ bulu be. Nɛ a tɔ̃ na: “Di dɔ ni, wili mi a kɔ̃ sɛ gɛnɛ mi, nɛ a kala li a dɛ tɛ mi, we kɛ mi kua obulu be hã a talɛ.” Nɛ Yakɔbɔ e li be ni na Levi.

2 Sakonɔ 30:16

Nɛ wa nɛa dɛ fala tonɔ 'da wa ɔ nɛ kɛ Mɔizɛ, wi 'da NWA, tɔ̃a zi kɔ 'buku mbula 'da a ni. Nɛ olevitɛnɔ wa hã tɔkɔ sa'denɔ kɛ owinɔ wa hã wa do dɔnggamɛ hã Gale ni hã onganganɔ. Nɛ onganganɔ wa kpã ma tɛ gbagala kɛ wa dɔ sa'denɔ ngɔ nɛ ni.

EZEKIƐLƐ 44:11

Wa wia sɛ we dɛ to hã mi kɔ Tɛmpɛloe kpaa. Wa zɔ sɛ mɔ nu ngbonɔ, nɛ wa dɛ tonɔ kpi do kpi kɔ Tɛmpɛloe ni. Wa 'bili sɛ 'bɔ gɛlɛ sa'denɔ we dɔ ma hã mi, tabi we hã do ogele dɔnggamɛnɔ. Nɛ ma wia na, wa gala obe Israɛlɛ kɛ wa tɛ we dɔnggɔ mi ni.

EZEKIƐLƐ 44:15

“Gɛnɛ kɔ obe Israɛlɛ wa siki zi 'do wa hã mi nwa ni, nɛ nde onganga levitɛnɔ kɛ wa a obe zã Sadɔkɛ ni, wa 'bana zi kɛ 'da wa tɛ dɛ olo nu mi do wala olo nɛ ngboo. Kɔ we duzu ki ni, ma kɛ tati a wa hã wa wia sɛ we dɛ to hã mi, nɛ wa hã kɛndɔ do tɔkɔ sa'denɔ do dɔnggamɔ hã mi. Mi NWA Gale, mi tɔ́a ni.

MALAKI 2:4

Mi dɛ ní, nɛ nɛ ĩ sɛ wá na, mi NWA Gale, mi mbisa nɛ do we gɛ, takɔ gba tɔkɛ kɛ mi gba zi ma do yaa nɛ Levi, do nɛ obe zã a ni, ma 'bana fai.

Tɔlɔ Mɔ 1:53

Nɛ nde tati a obe zã Levi hã wa ɔ sɛ zĩ do tɔa Tande takpa, nɛ wa dɛ sɛ toe 'da wa dɛ di ni. Na mɛ ni, nɛ wa amba sɛ zu obe Israɛlɛ na, wa tɛ kɔ́lɔ́ do tɔa ni, kɔ dã ba mi dɛ tɛ wa gɔ.”

Tɔlɔ Mɔ 17:7

Ĩ na, 'da fala obe Israɛlɛ wa wele do 'dã we hã Mɔizɛ do Aroni ni, nɛ wa ka mɔ si ngɔ tɔa Tande 'da NWA i, nɛ wa zɔ zɛ̃ we gã dɔlɔ li 'da NWA, nɛ nde ma gulu ngɔ tɔa.

Tɔlɔ Mɔ 18:4

Wa gala sɛ nɛ kɔ otonɔ vɛ̃ kɛ ma dɛ tɛ̃ ɛ kɔ tɔa Tande i ni. Gele wele iko kɔ́lɔ́ sɛ do nɛ gɔ.

Tɔlɔ Mɔ 3:5

NWA tɔ́a hã Mɔizɛ na:

Tɔlɔ Mɔ 4:15

Kɔ wa nɛ la ma, nɛ Aroni do obenɔ 'da a wa lɔmbɔ sɛ 'do omɛnɔ ma santo ni, do osi'bili mɔ to nɛ vɛ̃ do'do, sɛ nɛ obe zã Kehatɛ wa tɛ we ba tole nɛ de. Na mɛ ni, nɛ kɔ Okehatɛ ndɔ́ sɛ tɛ mɔ santoe, kɔ wa hɔ fɛna fio gɔ. Obe zã Kehatɛ wa dɛ sɛ to kala omɔ tole santonɔ kɔ tɔa Tande ni.

Tɔlɔ Mɔ 8:19

Nɛ mi ia wa na, wa dɛ to kɔ tɔa Tande dɛ ti Aroni do benɔ 'da a olo li obe Israɛlɛ. Na mɛ ni, nɛ wa amba sɛ zu obe Israɛlɛ na, dɔ wa kɔ́lɔ́ do tɔa Tande, kɔ wa fe gɔ.”

Tɔlɔ Mɔ 8:22

'Do nɛ, nɛ olevitɛnɔ wa ndua dɛa toe 'da wa kɔ Tɔa Tande dɛ ti Aroni do obenɔ 'da a. Na mɛ ni, wa dɛa mbula ngɔ levitɛnɔ, kɛ nwa hã ma hã Mɔizɛ ni.

OHEBRE 9:6

Wa dɛa tɔa tande na mɛ ni, nɛ onganganɔ wa le kɔ kuti 'bili kɔ tɔa ni tũ kpo kpo, we dɛ to nganga 'da wa dɛ di ni.