Tɔlɔ Mɔ 18:16 - WE NU GALE 1995

¹⁶ Wa gɔnɔ sɛ zu obulu benɔ 'da fala wa ɔ zɛkɛ kpo ni. Nɛ wa gɔnɔ sɛ zu wa do mbili kɛ wa dɛa do fɛ̃a mɔ bolo ni mɔlɔ. Nɛ wa we sɛ dĩ nɛ do mɔ we do mbili kɔ tɔa Tande na, ma hɔ gramɛ 'bu.

Tɔlɔ Mɔ 18:16 Iomraidhean Croise

Kulu Tɔa 30:13

Wi wili kpo kpo kɛ mɔ tɔlɔ sɛ a ni, a futa sɛ mbili kpo kɛ dĩ nɛ gramɛ mɔlɔ, nɛ wa dɛa do fɛ̃a mɔ bolo ni. Wa kala mbilinɔ ni bɔa, sɛ nɛ dĩ nɛ we kɔ̃ do dĩ kilo kɛ wa we do mɛnɔ kɔ tɔa Tande 'di ni de. Wa ngɛmɛ sɛ mbili ni hã mi.

Kulu Tɔa 38:24

Mɔ mbalinɔ kɛ obe Israɛlɛ wa mba ma, nɛ wa dɛ do tɔa Tande ni, dĩ nɛ zi kilo 877 do gramɛ 300. Wa wia zi dĩ nɛ do mɔ we mɛnɔ kɔ tɔa Tande i ni.

EZEKIƐLƐ 45:12

Fɛ̃a mɔ bolo Siklɛ kpo, mɛ a Gera 'bu nɛ bɔa. Nɛ Minɛ kpo, mɛ a Siklɛ 'bu nɛ gazɛlɛ.

Levitɛnɔ 27:25

“Wa we sɛ golenɔ vɛ̃ do 'da mɛ kɛ wa we do mbili kɔ tɔa Tande 'da NWA ni.

Tɔlɔ Mɔ 18:15

“Kuti bulu benɔ tabi kuti be wili sa'denɔ kɛ obe Israɛlɛ wa tɛ do wa hã mi ni, wele wa 'bɔ a mɔ́ nɛ. Nɛ nde ma wia na, nɛ gɔnɔ zu kuti bulu benɔ vɛ̃, do kuti be wili sa'de kɛ a a sa li mi gɔ ni.

Tɔlɔ Mɔ 18:17

Wa gɔ́nɔ́ sɛ zu kuti be wili ngɔmbɔ, be bata, tabi be dua gɔ. Wa la sɛ sa'denɔ ni hã mi fai. Mɔ gbɛ sɛ wa, nɛ mɔ kpã tɔkɔ tɛ wa ngɔ gbagala, nɛ mɔ dɔ fala kɛndɔnɔ na, zɛ̃ we nɛ unu mi, nɛ ma de tɛ mi.

Tɔlɔ Mɔ 3:46

Nɛ nde ɔ nɛ kɛ kuti bulu benɔ 'da obe Israɛlɛ wa dɛlɛ nɛa ngɔ olevitɛnɔ do 273 ni, ma wia na, wa gɔnɔ zu otala wanɔ ni.

Tɔlɔ Mɔ 3:47

We duzu wa, wele kpo kpo a hã sɛ mbili mɔlɔ kɛ wa dɛa do fɛ̃a mɔ bolo, nɛ wa ba ma do 'da mɔ we do mbili kɔ tɔa Tande.