Tɔlɔ Mɔ 18:12 - WE NU GALE 1995

¹² Mi 'dɔlɔ 'bɔ kuti nyɔngɔmɛnɔ, kɛ obe Israɛlɛ wa tɛ nɛ hã mi sabɛlɛ kpo kpo ni hã nɛ. Mɛ a: nɔ, do dɔ, do Okpalɛnɔ.

Tɔlɔ Mɔ 18:12 Iomraidhean Croise

Ndo Nyanga Dɛ Mɔ 27:28

E kɔ Gale tombo mbɔɛ li nza dɛ nù, kɔ ma ko dɔa kpalɛ hã mɔ.

2 Onwanɔ 4:42

Do kpo 'da fala ni, nɛ mbe wele kpo yula tɛ Bala-Salisa, nɛ a tɛ do mapa 'bu nɛ bɔa, kɛ wa dɛa ma do kuti farini ɔrzɛ ni, nɛ a hã ma hã Elize. A tɛa 'bɔ do gbãlã mɔ kɛ a kala ma li fɔnɔ i ngangga gɛ iko ni kɔ saki kpo. Nɛ Elize tɔ̃ hã wi toe 'da a na, a kala nyɔngɔmɛ ni, kɔ a kɛ̃ hã winɔ vɛ̃.

2 Sakonɔ 31:5

Obe Israɛlɛ wa nɛa we zele we kɛ nwa Ezekiasi tɔ̃a ni, nɛ wa kala kuti okpalɛ li fɔnɔ 'da wa ɔ nɛ ble, mbé dɔ̃, nɔ, nɔ gɔlɔ do gele dɔnggamɔ, nɛ wa kala 'bɔ kpo mbe 'bu kɔ kpalɛnɔ 'da wa, nɛ wa tɛ do ma.

Zumanɔ 147:14

A ia dungu fio ngɔ nùi 'da nɛ, nɛ a hã dia nyɔngɔmɔ hã nɛ ɔ nɛ kɛ ma wia ni.

Zumanɔ 81:16

Nɛ owinɔ wa bɛ̃a gɛnɛ mi NWA ni, wa bili sɔ zu wa nù dati mi, nɛ mi hã sɔ etumbu hã wa fai.

Kulu Tɔa 22:29

Nɛ kutu be wili ngɔmbɔ, tabi be wili bata tabi dua, nɛ e sɛ a dɛ 'do naa a 'do tũ sambo, kɔ ma hɔ tɛ tũi kɛ ngbɛ'dɛ'dɛ, nɛ nɛ gbɛ sɛ a we dɔnggɔ do mi.

Kulu Tɔa 23:19

“Nɛ tɛ sɛ do Okuti kpalɛ li fɔnɔ 'da nɛ tɛ fala nɛ dɔnggɔ do mi ni, nɛ nɛ dɔnggɔ sɛ ma do mi, tua kɛ mi a NWA Gale 'da nɛ. Nɛ mi kɔ̃̀ na, nɛ gi be dua do li bele naa a gɔ.”

Kulu Tɔa 34:26

Nɛ tɛ sɛ do Okuti kpalɛ li fɔnɔ 'da nɛ nu tɔa 'da mi, nɛ nɛ dɔnggɔ ma do mi, tua kɛ mi a NWA Gale 'da nɛ Nɛ mi kɔ̃̀ na, nɛ gi be dua do li bele naa a gɔ.”

EZEKIƐLƐ 44:30

Wa kpa sɛ kuti kpalɛnɔ do mɛnɔ kɛ obe Israɛlɛ wa fo kɔ kpalɛnɔ 'da wa hã mi ni. Owinɔ wa tɛ sɛ do fũi 'da wa kɛ ma dia nɛ ge nde ni hã wa, takɔ mi wele nu mi tɛ nu fɛlɛ wa.

Levitɛnɔ 2:12

Wa wia we tɛ do dɔnggamɔ fũ 'da fala hã kuti kpalɛ li fɔnɔ hã NWA. Nɛ nde wa tɛ mbà ma kpo do dɔnggamɛnɔ ngɔ gbagala we dɔ ma hã NWA gɔ.

Levitɛnɔ 2:14

Fala kɛ nɛ kɔ̃ we tɛ do dɔnggamɔ kuti kpalɛ li fɔnɔ 'da nɛ hã NWA, nɛ ma wia na, nɛ ndo do hana kpalɛ ni. Nɛ nɛ to ma dati kɛ na, nɛ tɛ do ma ni,

Levitɛnɔ 23:17

Nɛ nu fɛlɛ kula kpo kpo, wa tɛ sɛ do mapa bɔa we hã do dɔnggamɔ hã mi. Wa dɛ sɛ mapa kpo kpo do kilo fũ talɛ, nɛ wa a ina hana mapa se'de. Mapanɔ kɛ nɛ nɛ hã sɛ do dɔnggamɛ hã mi ni, mɛ sɛ a kɛnɔ nɛ dɛa ma do fũ mbé kpalɛ li fɔnɔ 'da nɛ ni.

Levitɛnɔ 23:20

Nɛ nganga a kala sɛ kuti mapanɔ do batanɔ bɔa ni, nɛ a yaka ma dɛ dati mi, nɛ a hã ma do dɔnggamɔ hã mi. 'Do nɛ, nɛ a kala sɛ ma do mɔ a, we kɛ dɔnggamɛ ni ma santo.

Mbulanɔ 18:3

“Ma kɛ 'da fala obe Israɛlɛ wa gbɛ sɛ ongɔmbɔ, do obata we dɔnggɔ do Gale ni, nɛ wa hã sɛ 'baka nɛ, 'bangga nɛ do gba tɔa zã nɛ hã onganganɔ.

Mbulanɔ 18:4

Nɛ ma wia na, nɛ hã 'bɔ kuti kpalɛ li fɔnɔ 'da nɛ, ɔ nɛ ble, mbé dɔ́, nɔ, do kuti sala tɛ bata kɛ nɛ kɛlɛ sɛ ni hã wa.

Mbulanɔ 26:2

Nɛ 'da fala kɛ nùi ma ko sɛ kpalɛ hã nɛ, nɛ wele kpo kpo a kala sɛ mbe zu kuti kpalɛnɔ a kpa ngɔ nùi kɛ NWA hã ma hã nɛ ni, nɛ a a ma kɔ yele, nɛ a nɛ do ma dɛ fala kɛ NWA Gale 'da nɛ, a saka sɛ na, nɛ dɔnggɔ do ɛ ni.

Mbulanɔ 32:14

Wa nyɔnga mulu obata, do odua, do ongɔmbɔ, kɛ wa do nɔ wena ni. Nɛ wa nɔa lì bele sa'denɔ 'da wa. Fũ farini dɛ do mapa 'da wa dia zi la li, nɛ dɔ̃ vinɔ 'da wa ɛ̃fɛ̃ nu wa ndirr!