Tɔlɔ Mɔ 18:10 - WE NU GALE 1995

¹⁰ Ma wia na, nɛ nyɔngɔ mɛnɔ ni tɛ fala kɛ ma santo, nɛ tati a owi wili hã wa wia we nyɔngɔ ma. Nɛ nɛ ba ma na, ma santo.

Tɔlɔ Mɔ 18:10 Iomraidhean Croise

EZEKIƐLƐ 42:13

Nɛ wi ni tɔ̃a hã mi na: “Tɔanɔ si gbãlã ngɔ do kɛ si ba gɔtɔ, nɛ ma siki li ɛ dɛ li fanda Tɛmpɛloe ni, mɛ a otɔa kɛ ma santo. Onganganɔ kɛ wa wia we le tɛ fala dɔnggɔ do nwa ni, wa nyɔngɔ dɔnggamɛnɔ kɛ ma santo wena ni dɛ di ni. Mba gɔ, wa ia tɔanɔ ni hã NWA, nɛ wa a dɔnggamɛnɔ kɛ ma santo wena ni dɛ di ni. Mɛ a mɛnɔ kɛ wa 'dɔlɔ hã NWA, do sa'denɔ kpi do kpi kɛ wa gbɛ wa hã Gale, takɔ a fo ku'da 'dã mɔ zu owinɔ ni.

Levitɛnɔ 10:13

Nɛ nyɔngɔ ma dɛ fala kɛ ma santo ni iko. Mbee dɔnggamɔ fũi kɛ wa hã ma hã NWA ni, ma a mɔ mɔ́ Aroni, do obenɔ 'da mɔ, ɔ nɛ kɛ mbulanɔ 'da NWA tɔ́a ni.

Levitɛnɔ 10:17

“Gulu kɛ nɛ nyɔ̀ngɔ̀ tala mulu sa'de dɔnggamɛ ni tɛ fala kɛ ma santo ni gɔ we ge nde? Mɛ a nyɔngɔmɔ kɛ ma santo. NWA hã sa'de ni hã nɛ, takɔ nɛ yaka ma dati a na, ma fo ku'da 'dã mɛ zu obe Israɛlɛ.

Levitɛnɔ 14:13

Nɛ nganga a 'bili sɛ gɛlɛ bata dɛ fala wa 'bili do gɛlɛ osa'de dɔnggamɔ we fo ku'da 'dã mɛnɔ, tabi dɔnggamɔ kɛ wa dɔ hã NWA ni. Fala ni ma santo, nɛ a 'bili sɛ gɛlɛ bata dɛ di ni, we kɛ sa'de kɛ wa gbɛ a we gbɛlɛ ti nyanga wi olo zɛlɛ ni, mɛ a dɔnggamɔ kɛ ma santo, ɔ nɛ dɔnggamɔ kɛ we fo ku'da 'dã mɛnɔ ni. Nɛ wele nɛ a mɔ́ nganga.

Levitɛnɔ 21:22

Nɛ nde a wia tɛ nyɔngɔ tala dɔnggamɛnɔ wa hã ma hã mi, do nyɔngɔmɛnɔ vɛ̃ kɛ ma santo, do dɔnggamɛnɔ kɛ ma santo wena ni.

Levitɛnɔ 6:16

Mba gɔ, dɔnggamɔ fũi vɛ̃, kɛ nganga hã ma hã NWA ni, wa nyɔ́ngɔ́ ma gɔ. Ma wia na wa dɔ ma vɛ̃ hã NWA.”

Levitɛnɔ 6:18

a e mbulanɔ ngɔ dɔnggamɛ we fo ku'da 'dã mɛnɔ ni hã Aroni do obenɔ 'da a. Mbulanɔ ni ma kɛ: “Ma wia na, wa 'bili gɛlɛ sa'de dɛ dati tɔa Tande 'da NWA, dɛ fala wa 'bili do gɛlɛ sa'denɔ we dɔ hã a ni. Dɔnggamɛ ni, mɛ a dɔnggamɔ kɛ ma santo.

Levitɛnɔ 7:6

Tati a owi wilinɔ kɛ wa a nu fɛlɛ nganga ni, hã wa nyɔngɔ sɛ mulu sa'de ni. Wa nyɔngɔ sɛ ma dɛ li fanda tɔa Tande 'da NWA, kɛ mɛ a fala santo ni, we kɛ mulu sa'de ni ma santo.

Tɔlɔ Mɔ 18:11

Dɛ ngɔ nɛ, ogele mɛnɔ kɛ obe Israɛlɛ wa 'dɔlɔ hã mi ni, wele nɛ sɛ 'bɔ a mɔ́ mɔ, do obe zã mɔ fai. Nɛ owinɔ vɛ̃ kɔ nu fɛlɛ mɔ, wi wili tabi wuko kɛ wa a sa wi li mi ni, wa wia sɛ we nyɔngɔ ma.

Tɔlɔ Mɔ 18:9

Odɔnggamɛnɔ kɛ nɛ we sɛ tɛ kala do mɔ́ nɛ ni, ma kɛ: fũ farini, dɔnggamɛnɔ we si olo ku'da 'dã mɔ, do dɔnggamɛnɔ we futa olo 'dã mɔ. Dɔnggamɛnɔ ni ma santo, ma sɛ we duzu mɔ, do obe zã mɔ.