Tɔlɔ Mɔ 18:1 - WE NU GALE 1995

¹ Ma hã NWA tɔ̃a hã Aroni na: “Yolo do sɔɛ gɛ, fala kɛ wele dɛ 'dã mɔ, nɛ nde a faka tɔa Tande 'da mi, nɛ mi gese sɛ nu 'dã mɛ ni hã mɔ, do obe zã mɔ do onya mɔ, wi nu kpala Levi. Nɛ nde fala kɛ mɔ, do obe zã mɔ, nɛ dɛ 'dã mɔ kɔ toe 'da nɛ, nɛ tɛ nɛ ma zɛlɛ sɛ olo nɛ.

Tɔlɔ Mɔ 18:1 Iomraidhean Croise

Kulu Tɔa 28:38

Do 'da fala kɛ Aroni nɛ tɛ dati mi NWA, nɛ fulɛlɛ ni sɛ fai dɛ tɛ kitambala zu a ni, si do dati a. Mi zɔ ma ni, nɛ mi kɔ sɛ gɛnɛ omɛnɔ kɛ obe Israɛlɛ wa hã ma we dɔnggɔ do mi ni, hã gɛnɛ kɔ wa dɛ yɔa ti dɛa mɔ 'da fala wa tɛ do ma ni, nɛ nde mi lénggé sɛ nɛ gɔ.

Ezai 53:11

Wi dɛa toe 'da mi a kpa sɛ yangga olo ngamɛ kɛ a kpa zi ma ni. A ĩ sɛ na, a kpà zi zɛlɛ tɛ yala iko gɔ. Wi dɛa toe 'da mi ĩ ti mi, a a wi bɔlɔ zu, nɛ a kifi gba dɔa winɔ na, wa hɔ wi bɔlɔ zu, we kɛ a ba ku'da 'dã mɛ 'da wa dɛ zu a.

Ezai 53:6

Lɛ vɛ̃ lɛ yɛnggɛ zi mba mba ɔ nɛ odua kɔ ba'de kɛ wa kpè nu wa gɔ ni. Nɛ lɛ dɛ zi tati a mɛnɔ kɛ zã lɛ kɔ̃a gɛnɛ nɛ ni. Nɛ nde NWA kala 'dã mɛnɔ 'da lɛ, nɛ a a zu wi toe 'da a na, a si olo ku'da nɛ.

EZEKIƐLƐ 4:4

“Ma e do'do, nɛ mɔ ɔ́ nù dɛ ngɔ gale kɔ̃ mɔ. Kɔ mɔ ɔ nù ní, nɛ mi e sɛ dĩ tole 'dã mɛnɔ 'da obe Israɛlɛ dɛ ngɔ mɔ.

Levitɛnɔ 10:17

“Gulu kɛ nɛ nyɔ̀ngɔ̀ tala mulu sa'de dɔnggamɛ ni tɛ fala kɛ ma santo ni gɔ we ge nde? Mɛ a nyɔngɔmɔ kɛ ma santo. NWA hã sa'de ni hã nɛ, takɔ nɛ yaka ma dati a na, ma fo ku'da 'dã mɛ zu obe Israɛlɛ.

Levitɛnɔ 22:9

“Onganganɔ vɛ̃ wa dɛ sɛ mbulanɔ vɛ̃ kɛ mi hã ma gɛ. Ní gɔ, nɛ wa te sɛ do ngbangga, nɛ mi gbɛ sɛ wa, we kɛ wa faka dɔnggamɛnɔ 'da mi. Mi a NWA, nɛ mi ia wa na, wa dɛ to hã mi.

Tɔlɔ Mɔ 14:34

Ɔ nɛ kɛ nɛ yɛnggɛ zi we zɔ nùi 'do 'bu tũ nalɛ ni, ma hã tɛ nɛ ma zɛlɛ sɛ tɛ mɛ 'bɔ olo 'dã mɛ 'da nɛ we 'bu sabɛlɛ nalɛ. Tũ kpo sɛ a sabɛlɛ kpo. Na mɛ ni, nɛ nɛ ĩ sɛ na, bɛ̃ we nu mi ma 'danga wena.

Tɔlɔ Mɔ 16:10

NWA kɔa na, mɔ Kore, do onya mɔ levitɛnɔ vɛ̃, nɛ kɔlɔ do ɛ. Nɛ nɛ fa 'bɔ na, nɛ ba toe 'da onganganɔ dɛ ngɔ ki ni nde?

Tɔlɔ Mɔ 17:13

Nɛ a yolo dɛ sanga wanɔ wa fia ia, do wanɔ wa 'bana do tunu lì wa ni, nɛ 'dã zɛlɛ sɔkpa.

Tɔlɔ Mɔ 17:3

Mba gɔ, o'dã winɔ kɛ wa fia ni, wa tɛa nɛ hã mi, nɛ ma hɔa santo. Ma wia na, winɔ wa 'dɛnɛ ma, takɔ li nɛ pɛsɛ dɛ 'do, nɛ wa gu mbala mɔ bole ni ngɔ gbagala dɔ do sa'de. Nɛ ma ɔ sɛ dɛ di ni we mbese obe Israɛlɛ.”

Tɔlɔ Mɔ 17:7

Ĩ na, 'da fala obe Israɛlɛ wa wele do 'dã we hã Mɔizɛ do Aroni ni, nɛ wa ka mɔ si ngɔ tɔa Tande 'da NWA i, nɛ wa zɔ zɛ̃ we gã dɔlɔ li 'da NWA, nɛ nde ma gulu ngɔ tɔa.

Tɔlɔ Mɔ 18:11

Dɛ ngɔ nɛ, ogele mɛnɔ kɛ obe Israɛlɛ wa 'dɔlɔ hã mi ni, wele nɛ sɛ 'bɔ a mɔ́ mɔ, do obe zã mɔ fai. Nɛ owinɔ vɛ̃ kɔ nu fɛlɛ mɔ, wi wili tabi wuko kɛ wa a sa wi li mi ni, wa wia sɛ we nyɔngɔ ma.

Tɔlɔ Mɔ 3:6

“Mɔ sá mɔ hã obe zã Levi, nɛ mɔ a nɔ zu wa na, wa gala nganga Aroni.

Mbulanɔ 10:8

Do 'da fala ni, nɛ NWA hã zi to hã nu kpala Levi. Mɛ zi a to ba tole Sanduku Gba Tɔkɛ 'da NWA, do yolo dati NWA we dɛ to hã a, do wele nu wa tɛ winɔ do zu li a. Nɛ tonɔ ni, ma 'bana do mɔ́ wa fai tia do sɔɛ gɛ.

OHEBRE 13:17

Nɛ zélé nu owi kpe dati nɛ, nɛ nɛ dɛ́ mbulanɔ 'da wa. We kɛ wa a wi zɔ mɔ tɛ nɛ, nɛ Gale a aka sɛ wa na, wa tɔ̃ gulu dɛa tonɔ 'da wa hã ɛ. Kɔ fala kɛ nɛ zele nu wa, nɛ wa dɛ sɛ toe 'da wa do yangga. Kɔ ní gɔ, nɛ wa dɛ sɛ toe 'da wa do 'bako, nɛ ma gálá sɛ nɛ gɔ.

OHEBRE 4:15

A a gã nwa nganga, nɛ a wia we dɛ 'bako do lɛ 'da fala kɛ lɛ mbɔkɔ ni, we kɛ Satana ɔlɔ zi a do walanɔ kpi do kpi, ɔ nɛ kɛ a ɔlɔ do lɛ ni, nɛ nde Yezu tè kɔ 'dã mɔ gɔ.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

Owi kpe dati 17:12

Mika ia a do nganga 'da a, nɛ a hã 'bɔ fala ɔi hã a dɛ kɔ tɔa 'da a ni.