Tɔlɔ Mɔ 17:12 - WE NU GALE 1995

¹² Aroni dɛa olo nu Mɔizɛ, nɛ a ba mɔ u do we 'da a, nɛ a wɛlɛ do tɛ̃ a dɛ 'da owinɔ kɛ 'dã zɛlɛ ndua ba wa ni. Nɛ a dɔ fũ yɔmbɛ, takɔ ma fɔlɔ obe Israɛlɛ, kɔ wa hɔ sa wi li NWA.

Tɔlɔ Mɔ 17:12 Iomraidhean Croise

Zumanɔ 90:7

Nɔ̃lɔ̃ zã 'da mɔ ma hã gba kifi hã lɛ, dã 'da mɔ ma kumu lɛ.

GBA WENƆ 19:3

Wele kpa ngamɔ we yɔndɔ dɛa mɔ tɛ̃ a, nɛ zã a nɔ̃lɔ̃ dɛ tɛ NWA Gale.

Ezai 57:16

Mba gɔ, zã mi nɔ̃́lɔ̃́ sɛ dɛ tɛ owinɔ 'da mi kɛ mi dɛa wa ni fai gɔ. Mi la sɛ fala kpa we do wa do'do, da dɛ kɔ wa kúmú gɔ.

Ezai 6:5

Mi nɛa we zɔ ni, nɛ mi tɔ̃ na: “'Bako do mi! Mi kpásá sɛ gɔ, we kɛ lɛnggɛ kɔ nu mi ba ndi wena, nɛ mi ɔ kɔ owinɔ kɛ lɛnggɛ nu wa ba 'bɔ ndi wena. Nɛ nde gbali mi zɔa NWA Gale ngɔ mɔ nyanga nza vɛ̃.”

Tɔlɔ Mɔ 17:11

Nɛ Mɔizɛ ba nu a hã Aroni na: “Mɔ ba mɔ u do we 'da mɔ, kɔ mɔ u we ngɔ gbagala ni dɛ kɔ nɛ, nɛ mɔ dɔ fũ yɔmbɛ ngɔ nɛ. Nɛ mɔ wɛlɛ do tɛ mɔ 'da obe Israɛlɛ i na, ma fɔlɔ wa, takɔ wa hɔ sa wi li NWA. Mba gɔ, zã NWA nɔ̃lɔ̃ dɛ tɛ wa, kɔ a tumba 'dã zɛlɛ, kɔ ma ndua gbɛ wa ia.”

Tɔlɔ Mɔ 25:13

Nɛ ma sɛ we duzu a do obe zã a. Mbuli ni ma kɛ: A, do obe zã a, wa sɛ fai a onganga. Mba gɔ, a bia na, ɛ dɔnggɔ tati a mi Gale iko. Nɛ a dɛa na, mi fo ku'da 'dã mɔ zu obe Israɛlɛ.”

Tɔlɔ Mɔ 26:11

Nɛ we ma bɛlɛ tala wi wilinɔ kama bɔa do 'bu wa mɔlɔ ni. Nɛ mɛ ni ma dɛa zi tɛ̃ ɛ, takɔ ma be mɔ hã tala ogele winɔ. Nɛ nde obenɔ 'da Kore, wa fè zi do 'da fala ni gɔ.)

OHEBRE 12:5

Ta zu nɛ ila ngɔ mbulanɔ kɛ Gale tɔ̃a zɛ́ hã nɛ we nganda sila nɛ, ɔ nɛ kɛ baa be tɔ̃ hã obenɔ 'da a ni nde? Gale tɔ̃a na: “Bulu be 'daa, fala kɛ mi Nwa, mi hã etumbu hã mɔ, nɛ mɔ tɛ zɔ̀ ma li mɔ yala gɔ. Tabi mi kɔ'dɔ mɔ nde, nɛ mɔ tɛ mbɔ̀kɔ̀ gɔ.