Tɔlɔ Mɔ 16:5 - WE NU GALE 1995

⁵ 'Do nɛ, nɛ a tɔ̃ hã Kore do owinɔ 'da a na: “Bindɛ do titole, nɛ NWA a dɛ sɛ na, lɛ ĩ ti wi kɛ a a mɔ́ a ni. A be sɛ wele kɛ a saka a na, a kɔlɔ do ɛ ni. Nɛ a hã sɛ wala hã wi ni na, a tɛ dati ɛ.

Tɔlɔ Mɔ 16:5 Iomraidhean Croise

Zumanɔ 105:26

Nɛ a sa mɔ hã Mɔizɛ, wi dɛa toe 'da a, do Aroni kɛ a saka a ni, nɛ a tombo wa ngɔ nù Ezipeto.

Zumanɔ 115:10

Aa nɛ, onganganɔ, obe zã Aroni, nɛ gbíní zã nɛ do NWA. Wi gbaka nɛ do wi amba bolo zu nɛ, wi a a.

Zumanɔ 65:4

Dĩ tole 'dã mɛnɔ 'da lɛ nɛa ngɔ lɛ do'do, nɛ nde mɔ fua ma zu lɛ, nɛ mɔ gbɛa ma vɛ̃.

Kulu Tɔa 28:1

“Mɔizɛ, mɔ sá mɔ hã nya mɔ Aroni do obulu benɔ 'da a: Nadabɛ, Abihu, Elazarɛ do Itamarɛ, nɛ mɔ fo wa kɔ tala obe Israɛlɛ do'do, nɛ mɔ e wa na, wa dɛ to nganga hã mi.

Kulu Tɔa 28:41

“Mɔ Mɔizɛ, mɔ he'de sɛ tulunɔ ni hã nya mɔ Aroni do obulu benɔ 'da a, nɛ mɔ á nɔ zu wa, nɛ mɔ kɛ̃ tonɔ 'da wa hã wa. Tɛlɛ tɛ kɛ mɔ e sɛ wa na, wa dɛ́ to nganga hã mi Gale gɛ a ni.

Kulu Tɔa 28:43

Aroni do obulu benɔ 'da a wa nɛ le kɔ tɔa Tande kpa ngba wi do mi Gale, tabi wa nɛ nɛ fala dɔ do sa'de we dɔnggɔ do mi, nɛ ma wia na, wa he'de tuli ni, sɛ nɛ wa dɛ do to nganga 'da wa de. Wa he'de ma, nɛ nde wele zɔ́ sɛ kũlĩ tɛ wa gɔ, na mɛ ni, wa hɔ́ sɛ fɛna fio gɔ. Nɛ ma wia na, Aroni do obe zã a vɛ̃ wa dɛ sɛ mbula gɛ 'da fala fai, wa tɛ kpòlò sɛ ma gɔ.”

Yeremi 30:21

Mbe nya nɛ ngboo dɛ sanga nɛ ni, a hɔ a sɛ nwa ngɔ nɛ. Mi hã sɛ wala hã a, nɛ a kɔlɔ sɛ do mi. Mba gɔ, wi kɛ mi hã wala hã a gɔ, kɔ a kɔlɔ do mi, nɛ nde a fa fio. Nɛ sɛ a owinɔ 'da mi, nɛ mi sɛ a Gale 'da nɛ. Mi nwa, mi tɔ́a ni.”

Yeremi 49:19

Mi ɔ sɛ nɛ gbɔgbɔ, kɛ a yula zamɛ nu lì Yɔrdanɛ, kɔ a hɔa nza, hã a nɛ tɛ fala wa dala do osa'denɔ ni. Mi hɔ sɛ hiaa, nɛ mi ndaka Oedɔmɛ ngɔ nùi 'da wa, nɛ wa yu vɛ̃. Nɛ mi e sɛ nwa kɛ mi saka a ni ngɔ Oedɔmɛ. Mba gɔ, wi wia kɔ̃ do mi a wio nde? Wi wia do aka mi na, mi tɔ̃ gulu we dati ɛ ni a wio nde? Nɛ nwa kɛ a wia we yolo dati mi ni a wio nde?

Yeremi 50:44

NWA tɔ́a na: “Mi ɔ sɛ nɛ gbɔgbɔ kɛ a yula tɛ zamɛ nu lì Yɔrdanɛ, kɔ a hɔa nza, hã a nɛ tɛ fala wa dala do osa'denɔ ni. Mi hɔ sɛ hiaa, nɛ mi ndaka sɛ owi Babilonia ngɔ nùi 'da wa, nɛ wa yu vɛ̃. Nɛ mi e sɛ nwa kɛ mi saka a ni kɔ le Babilɔnɛ. Mba gɔ, wi wia kɔ̃ do mi a wio nde? Wi wia we aka mi na, mi tɔ̃ gulu we dati ɛ ni a wio nde? Nɛ nwa kɛ a wia we yolo dati mi ni a wio nde?

EZEKIƐLƐ 40:46

Nɛ gã 'bili tɔa kɛ ma siki li ɛ si gbãlã ngɔ ni, mɛ a kɛ wa ia ma hã onganganɔ wa dɛ toe tɛ fala gbagala dɔ do sa'denɔ ni. Onganganɔ ni vɛ̃ wa a obe zã Sadɔkɛ. Nɛ kɔ nu kpala Levi, tati a obe zã Sadɔkɛ hã wa wia we kɔlɔ do NWA we dɛ to hã a.

EZEKIƐLƐ 43:19

'Do nɛ, nɛ mɔ sa sɛ mɔ hã onganganɔ kɛ wa a obe zã Sadɔkɛ ni, we dɛ to dɔnggamɛnɔ. We kɛ tati a wa hã mi ba nu mi hã wa na, wa kɔlɔ do mi we dɛ to hã mi. Nɛ mɔ hã sɛ be wili ngɔmbɔ hã wa, takɔ wa hã do dɔnggamɔ we si olo ku'da 'dã mɔ.

EZEKIƐLƐ 45:4

Nɛ wa e tala nɛ hã onganganɔ kɛ wa dɛ toe 'da nwa kɔ Tɛmpɛloe 'da a ni, nɛ wa dɛ tɔanɔ 'da wa dɛ di ni.

Levitɛnɔ 10:3

Nɛ Mɔizɛ tɔ̃ hã Aroni na: “Ma dɛa ngboo nɛ́ kɛ NWA mbisa zi mɔ ni. Mba gɔ a tɔ̃a zi na, ɛ kɔa na, winɔ wa kɔlɔ do ɛ ni, wa dɔnggɔ ɛ, kɛ ɛ santo ni, nɛ wa hã dɔ̃lɔ̃ li hã ɛ dɛ li owinɔ vɛ̃.” Aroni zila ní, nɛ ma kolo a, nɛ a wèlè we gɔ.

Levitɛnɔ 8:2

“Mɔ sá mɔ hã Aroni do obenɔ 'da a dɛ nu tɔa Tande kpa ngba wi do mi NWA. 'Do nɛ, nɛ mɔ tɛ do mɛnɔ gɛ: tulu santonɔ, nɔ a zu wi, wili ngɔmbɔ we gbɛ do dɔnggamɔ we fo ku'da 'dã mɔ, owili bata bɔa, do yele mapa kɛ wa à ina hana mapa tɛ nɛ gɔ ni.

MALAKI 3:18

Do ngba soe ni, nɛ nɛ zɔ sɛ na, ode winɔ do o'dã winɔ wa wè kɔ̃ gɔ. Nɛ nɛ zɔ sɛ 'bɔ na, winɔ kɛ wa dɛ mbula 'da mi Gale, do wanɔ kɛ wa dɛ́ mbulanɔ 'da mi gɔ ni, wa wè kɔ̃ gɔ.

Tɔlɔ Mɔ 16:3

Wa ngɛmɛ ngba wa vɛ̃, nɛ wa nɛ dɛ dati Mɔizɛ do Aroni, nɛ wa tɔ̃ hã wa na: “Nɛ la li ngele toe 'da nɛ do'do. Wele obe Israɛlɛ vɛ̃ a mɔ́ NWA, nɛ NWA 'bɔ do lɛ boe. Kɔ gulu kɛ nɛ lengge na, nɛ nɛa ngɔ tala owinɔ 'da NWA ni we ge nde?”

Tɔlɔ Mɔ 16:6

Kɔ bindɛ do titole, nɛ mɔ Kore do owinɔ 'da mɔ, nɛ ba sɛ mɔ u do we, nɛ nɛ a we kɔ nɛ. Nɛ nɛ a fũ yɔmbɔ ngɔ nɛ, nɛ nɛ tɛ do ma dɛ dati NWA. Nɛ lɛ zɔ sɛ wi ngboo kɛ NWA nɛ saka a na, a kɔlɔ do ɛ ni. Wi a nɛ, olevitɛnɔ hã nɛ la li ngele toe 'da nɛ do'do!”

Tɔlɔ Mɔ 17:5

Wa gu ma ngɔ nɛ, takɔ obe Israɛlɛ wa zɔ, nɛ ma gba ta zu wa na, tati a obe zã Aroni hã wa wia we dɔ fũ yɔmbɛ dati NWA. Gele wele iko dɔ ma, nɛ kpo mɛ ma dɛa Kore do owinɔ 'da a ni, ma dɛ sɛ 'bɔ a, ɔ nɛ kɛ nwa tɔ̃a hã Aroni do wala 'da Mɔizɛ ni.

Tɔlɔ Mɔ 17:8

Nɛ Mɔizɛ do Aroni wa nɛa nu tɔa Tande i,

YOANƐ 15:16

Nɛ a nɛ sàkà zi mi gɔ, nɛ nde mi a mi saka nɛ. Nɛ mi hã to hã nɛ na, nɛ ɔ nɛ te kɛ ma wa wala ni, nɛ wala tenɔ ni 'bana fai. Na mɛ ni, fala kɛ nɛ gɔ mɔ kɔ̃ Baa mi do zu li mi, nɛ a hã sɛ ma hã nɛ.

Owi Nɛ Tonɔ 1:2

gbaa we hɔ tɛ ngba soe kɛ a kũ nɛ dɛ li nza i ni. Nɛ dati kɛ na, a kũ dɛ li nza i ni, nɛ a tɔ̃a zi mbulanɔ 'da a hã owi yambala mɛno, kɛ a saka zi wa ni. A tɔ̃a ma hã wa do ngawi 'da Hi Wi Santo.

Owi Nɛ Tonɔ 1:24

Nɛ wa vɛ̃ wa sambala Gale na: “Nwa, wi ĩ ti 'du kɔ sila wele vɛ̃, wi a mɔ. Kɔ mɔ bé kɔ̃ mɔ tɛ wi kɛ mɔ saka a sanga winɔ bɔa gɛ ni hã lɛ,

Owi Nɛ Tonɔ 13:2

Nɛ ngba soe kpo, nɛ wa bɛa nyɔngɔmɔ, nɛ wa tɛ dɔnggɔ Nwa Gale. Nɛ Hi Wi Santo tɔ̃ hã wa na: “Nɛ lá Barnabasi do Saulo do tɛ ɛ, takɔ wa dɛ toe kɛ mi sa zi mɔ hã wa we nɛ ni.”

Owi Nɛ Tonɔ 15:7

Nɛ wa tɔ̃ ni gbaa, 'do nɛ nyɛlɛ, nɛ Petro kulu ngɔ, nɛ a na: “Onyae, nɛ ĩ na, Gale saka zi mi sanga nɛ belee na, mi be Dia Sakoe hã winɔ kɛ wa a Oyuda gɔ ni, takɔ wa zele, nɛ wa kɔ̃ zu li Yezu.

Owi Nɛ Tonɔ 22:14

Nɛ a tɔ̃ hã mi na: ‘Gale 'da obaa lɛ, a saka mɔ na, mɔ ĩ ti mɛ kɛ zã a kɔ̃a ni, nɛ mɔ zɔ Wi bɔlɔ zu do li mɔ, nɛ mɔ zele wala gɛlɛ a ngboo.

EFƐZƐ 2:13

Nɛ nyɛla zi do Gale wena, nɛ nde ngangga gɛ, nɛ mba kpo do Yezu Kristo, nɛ nɛ kɔla do Gale we duzu fie 'da Kristo.

2 TIMOTE 2:19

Nɛ nde gbãlã we kɛ lɛ kɔ̃a gɛnɛ ma ni, ma ɔ nɛ nga tanɔ, kɛ Gale ia zɛ́ we dɛ tɔa dɛ ngɔ nɛ ni, nɛ ma 'bana nganda wena fai. Nɛ wa kɔma mbɛti dɛ ngɔ nɛ na: “Nwa ĩ ti winɔ 'da a.” Nɛ wa kɔma 'bɔ na: “Wi kɛ a tɔ̃ na ɛ a wi 'da Nwa, nɛ ma wia na a yu 'dã mɔ.”

OHEBRE 12:14

Nɛ dɛ́ nganda we dɛ na do owinɔ vɛ̃, nɛ nɛ 'dáfá dungi 'da nɛ ɔ nɛ kɛ ma wia do winɔ 'da Gale ni. Mba gɔ, wi kɛ a dɛ̀ ni gɔ, nɛ nde a wé sɛ tɛ zɔ Nwa gɔ.

USU MƐNƆ 1:6

Nɛ a ia lɛ do onganga kɔ le nwa 'da Baa a Gale, we dɛ to hã a. E kɔ Kristo ɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.

1 SAMUƐLƐ 2:28

Wi kɛ mi saka zi a kɔ nu kpala obe Israɛlɛ vɛ̃, we dɛ to nganga, wi a yaa mɔ Aroni. A zi a wi dɔ sa'de we dɔnggɔ do mi, nɛ a zi 'bɔ a wi dɔ nɔ yɔmbɛ hã mi. A he'de zi 'bɔ tuli li nɛ a efɔdɛ ni, we aka mi do we. Nɛ dɔnggamɛnɔ kɛ obe Israɛlɛ wa hã ma hã mi ni, mi hã mbee nɛ hã a do onu fɛlɛ a.