Tɔlɔ Mɔ 16:3 - WE NU GALE 1995

³ Wa ngɛmɛ ngba wa vɛ̃, nɛ wa nɛ dɛ dati Mɔizɛ do Aroni, nɛ wa tɔ̃ hã wa na: “Nɛ la li ngele toe 'da nɛ do'do. Wele obe Israɛlɛ vɛ̃ a mɔ́ NWA, nɛ NWA 'bɔ do lɛ boe. Kɔ gulu kɛ nɛ lengge na, nɛ nɛa ngɔ tala owinɔ 'da NWA ni we ge nde?”

Tɔlɔ Mɔ 16:3 Iomraidhean Croise

Ɛsdrasi 9:2

Wa kala owuko gele nunɔ, nɛ wa kala 'bɔ ombe wukonɔ ni hã obulu benɔ 'da wa. Nɛ mɛ wa dɛa ni, ma hã wala hã owinɔ 'da Gale na, wa mba li ngba wa do ogele winɔ ngɔ nùi ni. Ĩ na, okpasa wi nu fɛlɛ kulanɔ, do okumunɔ hã wa kpe dati, we dɛ 'bɔ kpo 'dã mɛ ni.”

Zumanɔ 106:16

Nɛ tɛ fala ɔinɔ i, wa dɛa bɔnɛ hã Mɔizɛ, do Aroni, wi toe kɛ mɔ nwa, mɔ saka a ni.

Zumanɔ 68:17

Kɔ aa mɔ, kala kɛ 'bɛ̃lɛ̃ zu mɔ dɛlɛ wena gɛ, gulu kɛ mɔ dɛ bɔnɛ hã kala 'da Gale, kɛ a saka ma we ɔ ngɔ nɛ fai ni we ge nde?

Kulu Tɔa 19:6

nɛ nɛ sɛ a owinɔ 'da mi kɛ mi saka nɛ, nɛ nɛ dɛ sɛ to nganga hã mi. Wenɔ kɛ mɔ tɔ̃ sɛ hã obe Israɛlɛ gɛ a ni.”

Tɔlɔ Mɔ 14:14

Nɛ wa tɔ̃a we nɛ hã owinɔ ngɔ nùi gɛ, nɛ owinɔ ni wa zila na, mɔ nwa hã mɔ kã lɛ owinɔ 'da mɔ, nɛ mɔ be tɛ mɔ hã lɛ, nɛ lɛ zɔ mɔ zɔa. Nɛ wa zila 'bɔ na, mɔ a mɔ fɔmɔ lɛ owinɔ 'da mɔ, we kɛ do gba wese, nɛ mɔ kpe ti lɛ kɔ lɔnggɔ zɛ̃ we, nɛ do tũi, nɛ mɔ la do kɔ lɔnggɔ nyɛa we.

Tɔlɔ Mɔ 16:11

Mɔ do owinɔ 'da mɔ, nɛ bɛ̃a we nu Aroni. Nɛ nde ĩ na, wi kɛ nɛ bɛ̃a nu a ni, wi a NWA, nɛ nɛ dɛa nga zu dɛ tɛ̃ a.”

Tɔlɔ Mɔ 23:21

Mi zɔ̃ 'dã mɔ mɔ́ obe zã Yakɔbɔ kpo gɔ. Fo ngamɔ ngɔ nù Israɛlɛ bina, we kɛ NWA do wa boe.

Tɔlɔ Mɔ 35:34

Nɛ tɛ fàkà nùi 'da nɛ gɔ. Mba gɔ mi nwa, mi dungu dɛ sanga nɛ obe Israɛlɛ.”

Tɔlɔ Mɔ 5:3

Gɛnɛ kɔ wi wili tabi wuko, nɛ ma wia na, mɔ fo wa do'do, da dɛ kɔ wa 'dángá fala mi ɔ nɛ dɛ kɔ owinɔ ni gɔ.”

Owi Nɛ Tonɔ 7:39

“Nɛ nde oyaa lɛ wa kɔ̃̀ zi we zele a gɔ. Wa bɛ̃a gɛnɛ a, nɛ wa kɔ̃a zi we kpolo 'bɔ tɛ wa dɛ Ezipeto i.

Owi Nɛ Tonɔ 7:51

Nɛ Etiɛnɛ tɔ̃ 'bɔ na: “Aa nɛ, Owi nga zunɔ, kɛ sila nɛ nganda, nɛ zala nɛ la 'bɔ nɛ ge nde gɛ. Gale sa mɔ hã nɛ, nɛ nɛ bɛa gɛnɛ Hi Wi Santo fai ɔ nɛ kɛ oyaa nɛ wa bɛa zɛ́ 'bɔ a ni.