Tɔlɔ Mɔ 16:26 - WE NU GALE 1995

²⁶ Nɛ a tɔ̃ hã obe Israɛlɛ na: “Nɛ yú nyɛlɛ do tandenɔ 'da owi dɛ 'dã mɛnɔ gɛ. Nɛ tɛ 'bè tɛ mɔ mɔ́ wa kpo gɔ, da dɛ kɔ nɛ fé tɛ mɛ 'bɔ we 'dã mɛnɔ 'da wa gɔ.”

Tɔlɔ Mɔ 16:26 Iomraidhean Croise

Ndo Nyanga Dɛ Mɔ 19:17

Wa hɔa nza do'do, nɛ mbe kpo sanga anzɛnɔ ni tɔ̃ hã Lɔtɛ na: “Mɔ yú, da dɛ kɔ mɔ fé gɔ. Nɛ mɔ tɛ kà mɔ 'do mɔ gɔ, nɛ mɔ tɛ yòlò 'bɔ nù kɔ gbangɔlɛ̃ gɛ gɔ. Mɔ yú, hã mɔ usu tɛ mɔ ngɔ kalanɔ i. Ní gɔ, nɛ mɔ fe sɛ.”

Ezai 52:11

Aa nɛ, owinɔ kɛ nɛ ba tole mɛnɔ kɛ wa dɛ do to hã NWA kɔ Tɛmpɛlo 'da a ni, nɛ kúlú ngɔ kɔ le Babilɔnɛ hã nɛ si. Hã fala kɛ nɛ kulu ngɔ we si ma nde, nɛ nɛ tɛ 'bè tɛ mɔ kpo, kɛ mɛ a mɔ ndi li NWA Gale ni gɔ. Nɛ fá na, nɛ 'báná sa li a.

Yeremi 51:6

Nɛ hɔ́ nza kɔ le Babilɔnɛ! Nɛ wele do wele fa we kpasa kili tɛ̃ ɛ, da dɛ kɔ nɛ fe olo 'dã mɛ 'da wa gɔ. We kɛ mi nwa, mi nɛ bili nu gbã, nɛ mi gese olo 'dã mɛnɔ 'da owi kɔ le Babilɔnɛ hã wa.

Tɔlɔ Mɔ 16:25

Nɛ Mɔizɛ kulu ngɔ fala nɛ kpo do okumunɔ, nɛ wa nɛ we kpa Datanɛ do Abiramɛ.

MATIE 10:14

Kɔ nɛ hɔ kɔ mbe le tabi mbe tɔa kpo, kɔ wa kɔ̃̀ gɛnɛ nɛ gɔ, tabi wa kɔ̃̀ we zele we nu nɛ gɔ nde, nɛ nɛ lá fala ni, nɛ nɛ fɛ́lɛ́ nù tambala nyanga nɛ hã wa we be na, wa dɛ̀ de gɔ.

Owi Nɛ Tonɔ 13:51

Nɛ Polo do Barnabasi wa fɛla nù ti tambala nyanga wa hã winɔ ni, takɔ ma be na, wa dɛ̀ de gɔ, nɛ wa la dɛ Ikoniumɛ.

Owi Nɛ Tonɔ 8:20

Nɛ Petro gese hã a na: “E kɔ mbili 'da mɔ 'danga fala nɛ kpo do mɔ! We kɛ mɔ lingga na, wele wia we oso de mɔ kɔ̃ Gale do mbili.

2 KORINTƐ 6:17

We duzu ma, Nwa Gale tɔ̃a na: “Nɛ yú wa, nɛ nɛ fó tɛ nɛ sanga wa. Nɛ tɛ kɔ̀lɔ̀ do mɔ ndinɔ 'da wa gɔ. Nɛ dɛ́ na mɛ ni, nɛ mi kɔ̃ sɛ gɛnɛ nɛ.

Mbulanɔ 13:17

Nɛ ngɛmɛ li mɛnɔ 'da winɔ kɔ le ni vɛ̃, nɛ nɛ a ma dɛ li fanda dɛ gbogbo le, nɛ nɛ fi we tɛ nɛ do tɛ le vɛ̃. Nɛ ma ɔ nɛ dɔnggamɔ hã Gale 'da nɛ ni. Nɛ ma wia na, wa la olo le ni na mɛ ni, nɛ ma kulu, nɛ wele tɛ dɛ̃ 'bɔ tɔa di ni gɔ.

1 TIMOTE 5:22

Fala kɛ mɔ kɔ̃ we saka wele we dɛ to kɔ eklezia, nɛ mɔ tɛ à kɔ̃ mɔ zu a dɔ̃ iko gɔ. Mɔ tɛ mbà ngɔ 'dã mɔ mɔ́ wele do a gɔ. Mɔ dɛ́ na, sila mɔ 'bana do sa nɛ li Gale fai.

USU MƐNƆ 18:4

Nɛ 'do nɛ, nɛ mi zele 'bɔ mbé wala gɛlɛ wele ma yula li nza i tɛ tɔ̃ na: “Aa nɛ, winɔ 'da mi, nɛ hɔ́ nza kɔ le gɛ, dɔ nɛ lé kɔ 'dã mɛ 'da a, kɔ nɛ kpa ngamɛnɔ fala nɛ kpo do a gɔ.