Tɔlɔ Mɔ 16:16 - WE NU GALE 1995

¹⁶ Mɔizɛ tɔ̃a hã Kore na: “Bindɛ, nɛ mɔ do owinɔ 'da mɔ, nɛ tɛ sɛ dati NWA. Nɛ Aroni sɛ 'bɔ boe.

Tɔlɔ Mɔ 16:16 Iomraidhean Croise

Kulu Tɔa 16:9

'Do nɛ, nɛ Mɔizɛ ba nu a hã Aroni na: “Mɔ tɔ̃ hã obe Israɛlɛ na, wa tɛ́ dɛ dati NWA, we kɛ a zila 'dã we kɛ wa lungu do a ni ia.”

Tɔlɔ Mɔ 12:4

Nɛ NWA sa mɔ hã Mɔizɛ, Aroni do Miriamɛ, nɛ a tɔ̃ hã wa na: “Nɛ do talɛ zu nɛ, nɛ nɛ́ dɛ nu tɔa Tande we kpa ngba wi do mi.” Wa hɔa i mɔ,

Tɔlɔ Mɔ 16:15

Mɔizɛ nɛa we zele we ni, nɛ zã a nɔ̃lɔ̃, nɛ a tɔ̃ hã NWA na: “Mi aka kɔ̃ mɔ na, mɔ tɛ kɔ̃̀ gɛnɛ dɔnggamɔ mɔ wa kpo gɔ. Mi dɛ̀ wele kpo sanga wa ni 'danga gɔ, nɛ mi bà 'bɔ mɔ kpo kɔ wa gɔ, gɛnɛ kɔ mbamba punda kpo iko ni gɔ.”

Tɔlɔ Mɔ 16:17

Wele do wele kɔ owinɔ 'da mɔ 250 ni, a ba sɛ mɔ u do we 'da a, nɛ a dɔ fũ yɔmbɛ dati NWA. Nɛ mɔ Kore do Aroni, nɛ dɛ sɛ 'bɔ kpasaa na mɛ ni.”

2 TIMOTE 2:14

Mɔ gbá tɛ zu winɔ ngɔ we mi tɔ̃a gɛ, nɛ mɔ dala nu mɔ hã wa li Gale na, wa tɛ mɔ̃̀lɔ̃̀ dɛ sanga ngba wa ngɔ olɛnggɛ iko gɔ, we kɛ ma do gulu nɛ bina, nɛ ma 'danga 'bɔ kɔ̃a we 'da winɔ kɛ wa zele wa ni 'danga.

1 SAMUƐLƐ 12:3

Ma kɛ mi yolo dati nɛ, nɛ mi aka nɛ na, nɛ tɔ̃ 'dã we tɛ mi dɛ li NWA Gale, do li nwa wele kɛ a saka a ni. Mi zũ mbe ngɔmbɔ tabi punda mɔ́ wele nde? Mi nyɔngɔ mbe mɔ kɔ̃ wele do mbana nde? Mi 'bili ngbangga mɔ́ wele do 'dã nɛ nde? Wele hã mbe mɔ hã mi na, mi umu li mi dɛ ngɔ 'dã mɛ 'da a nde? Fala kɛ mi dɛ mɔ ɔ ni, nɛ mi gese sɛ olo nɛ hã nɛ.”

1 SAMUƐLƐ 12:7

Kɔ mi kɔ̃a na, di dɔ́ ni nɛ yolo dɛ ti nɛ ni, mi nɛ da nɛ dati NWA. Mi nɛ gba ta zu nɛ ngɔ mɔ ngawinɔ kɛ a dɛa we kpasa nɛ do oyaa nɛ ni.