Tɔlɔ Mɔ 16:15 - WE NU GALE 1995

¹⁵ Mɔizɛ nɛa we zele we ni, nɛ zã a nɔ̃lɔ̃, nɛ a tɔ̃ hã NWA na: “Mi aka kɔ̃ mɔ na, mɔ tɛ kɔ̃̀ gɛnɛ dɔnggamɔ mɔ wa kpo gɔ. Mi dɛ̀ wele kpo sanga wa ni 'danga gɔ, nɛ mi bà 'bɔ mɔ kpo kɔ wa gɔ, gɛnɛ kɔ mbamba punda kpo iko ni gɔ.”

Tɔlɔ Mɔ 16:15 Iomraidhean Croise

2 SAMUƐLƐ 22:22

Mi dɛ mbulanɔ 'da NWA Gale 'da mi, nɛ mi bɛ̃ we nu a gɔ.

Kulu Tɔa 32:19

Wa nɛa we kɔlɔ do fala ɔi, nɛ Mɔizɛ zɔa kpikima be ngɔmbɔ mɔ mbali, do owinɔ tɛ yɔ yɔla. Nɛ dã ba a nganda wena, nɛ a lo tanɔ kɔ̃ a ni do nù dɛ nyanga kala ni, nɛ ma o.

GBA WENƆ 21:27

NWA Gale sɛnɛ dɔnggamɔ kɛ 'dã wi hã ma hã a ni. We kɛ a hã ma do 'dã kɔ sila.

Tɔlɔ Mɔ 12:3

Nɛ nde Mɔizɛ wèlè we kpo gɔ. Mba gɔ, a zi a wi kɛ a ba tɛ̃ a dɛ nù nɛa ngɔ winɔ ngɔ nù gɛ vɛ̃.

Tɔlɔ Mɔ 16:16

Mɔizɛ tɔ̃a hã Kore na: “Bindɛ, nɛ mɔ do owinɔ 'da mɔ, nɛ tɛ sɛ dati NWA. Nɛ Aroni sɛ 'bɔ boe.

MATIE 5:22

Nɛ nde kɛ 'da mi, mi tɔ̃ hã nɛ na, wi kɛ zã a nɔ̃lɔ̃ dɛ tɛ ngba a, nɛ ma wia na, wa nɛ do a dati owi 'bili wenɔ. Fala kɛ wele tɔ̃ hã ngba ɛ na: ‘Yɔndɔ wi’, nɛ ma wia na, wa nɛ do a kɔ tɔa mbula dati Owi 'bili wenɔ. Kɔ fala kɛ wele tɔ̃ hã ngba ɛ na: ‘Bɔ zu mɔ’, nɛ ma wia na, Gale da wi ni li gba nyɛa we.

MARKO 3:5

Nɛ Yezu ka mɔ tɛ wa do nɔ̃lɔ̃ zã, nɛ a zi 'bɔ do 'bako wena, we duzu kɛ wa do 'dã sila. Nɛ a tɔ̃ hã wi zɛlɛ ni na: “Mɔ bɔ́lɔ́ kɔ̃ mɔ!” Nɛ a bɔlɔ kɔ̃ a, nɛ ma de.

1 KORINTƐ 9:15

Nɛ nde mi dɛ̀ na mɛ ni fala kpo gɔ, nɛ mi kɔ̀mɔ̀ we gɛ na, Owele wa gala mi gɔ. Ma dia fɛ̃ na mi fe, olo li kɛ na, mi gɔ mɔ kɔ̃ wele ni. Mi dɔnggɔ tɛ mi do ki ni, nɛ mi kɔ̃̀ na, wele ba mɛ mi dɔnggɔ tɛ mi do ma ni kɔ̃ mi gɔ!

2 KORINTƐ 1:12

Mɛ lɛ dɔnggɔ tɛ lɛ do ma ni, ma kɛ: Gbãlã zã lɛ ngboo ni ma tɔ̃ hã lɛ na, dungu 'da lɛ kɛ lɛ dungu nɛ ngɔ nùi gɛ ni, ma a bɔlɔ. Lɛ dɛ mɔ do wala olo nɛ, ɔ nɛ kɛ zã Gale kɔ̃a ni. Da zu nɛ wena a kɛ na, dungu 'da lɛ sanga nɛ ni ma a dia. Lɛ dɛ́ mɔ do hã zã mɔ́ winɔ ngɔ nùi gɛ gɔ, nɛ nde dia zã 'da Gale a kã lɛ.

2 KORINTƐ 7:2

Nɛ hṹi sila nɛ hã lɛ! Lɛ dɛ̀ 'dã mɔ do wele kpo sanga nɛ ni gɔ, lɛ zɛ̀lɛ̀ mbe sila wele kpo gɔ, lɛ ɔ̀lɔ̀ mbe wele sanga nɛ ni we kpa mɔ kɔ̃ a gɔ.

EFƐZƐ 4:26

'Da fala kɛ zã nɛ nɔ̃lɔ̃, nɛ nɛ dɛ zĩ na, dɔ nɛ dɛ́ 'dã mɔ gɔ. Nɛ wese tɛ gɛ̃̀ nɛ do nɔ̃lɔ̃ zã ni gɔ.

1 TƐSALONIKƐ 2:10

Nɛ nɛ zɔa tɛlɛ tɛ kɛ lɛ dungu zi sanga nɛ wi kɔ̃a wenɔ ni, nɛ Gale zɔa 'bɔ ma. Lɛ dɛ̀ mbe 'dã mɔ li Gale gɔ, nɛ dɛa to tɛ lɛ zi a bɔlɔ fai, fo zi mɔ kɔ'dɔ lɛ we nɛ ni bina.