Tɔlɔ Mɔ 16:13 - WE NU GALE 1995

¹³ Mɔ fua zi lɛ dɛ nza ngɔ nù Ezipeto, nù kɛ ma do nyɔngɔmɔ la li ngele, nɛ mɔ tɛa do lɛ dɛ dɛ, takɔ lɛ fe dɛ li gba zɔ̃ɛ gɛ. Nɛ ki ni ma wè li mɔ gɔ, nɛ mɔ kɔa 'bɔ we be tɛ mɔ na, mɔ ngɔ lɛ nde?

Tɔlɔ Mɔ 16:13 Iomraidhean Croise

Kulu Tɔa 1:11

Oezipeto wa zila ni, nɛ wa ia Owele ngɔ obe Israɛlɛ we hã to kolofe hã wa, takɔ ma mbɔkɔ wa. Na mɛ ni, wa tumba obe Israɛlɛ na, wa dɛ ole Pitɔmɛ do Ramsɛsi, takɔ nwa ngɔ nù Ezipeto usu do okpamɛnɔ 'da a.

Kulu Tɔa 1:22

Nɛ nde nwa ngɔ nù Ezipeto ba nu ɛ hã owinɔ 'da a vɛ̃ na, wa dá nzɔ obulu benɔ 'da obe Israɛlɛ vɛ̃ 'dɔ lì Nilɛ, nɛ wa lá tati a oboko benɔ.

Kulu Tɔa 16:3

Wa na: “Ma wia sɔ na, NWA gbɛ lɛ dɛ ngɔ nù Ezipeto, we kɛ i mɔ, nyɔngɔmɔ wena. Lɛ mba zi li ngba lɛ, nɛ lɛ nyɔngɔ osa'de ɔ nɛ kɛ lɛ kɔ̃a ni. Kɔ gulu kɛ nɛ tɛa do lɛ li gba zɔ̃ɛ gɛ we ge nde? Nɛ kɔ̃a na, lɛ fe wɔ iko nde?”

Kulu Tɔa 17:3

Nɛ nde wɔ lì ba obe Israɛlɛ dɛ dati ba fai, nɛ wa lungu Mɔizɛ na: “Mɔ fua lɛ ngɔ nù Ezipeto we ge nde? Mɔ tɛa do lɛ 'di nga na, lɛ do obenɔ, do onadalamɛnɔ 'da lɛ, lɛ fe wɔ lì nde?”

Kulu Tɔa 2:14

Nɛ wi ni gese na: “Wi ia mɔ do nwa, takɔ mɔ 'bili wenɔ 'da lɛ a wio nde? Mɔ kɔ̃a wá we gbɛ mi, ɔ nɛ kɛ mɔ gbɛa zɛ do wi Ezipetoe ni nde?” Mɔizɛ nɛa we ĩ na, we mɛ ɛ dɛa ni hɔa nza ni, nɛ kili ba a.

Kulu Tɔa 2:23

Ma ɔa ni gbaa, nɛ nwa ngɔ nù Ezipeto fe. Nɛ nde obe Israɛlɛ wa zi tɛ bi tɛ wa do he mɔ, we duzu dɛa to ngbá kɛ wa dɛ ni. Nɛ Gale zila sa mɛ 'da wa, nɛ a kɔ̃ we gbaka wa.

EZEKIƐLƐ 34:18

Mbe kɔ obatanɔ 'da mi wa nyɔngɔ dia wɔkɔsɔnɔ, nɛ nde sila wa gɛ̃́ gɔ, nɛ wa ma 'bɔ tala wɔkɔsɔnɔ ma 'bana ni do nyanga wa. Nɛ wa nɔ gɛ̃lɛ̃ li lì, nɛ nde sila wa gɛ gɔ, nɛ wa 'danga lì tala kɛ wa nɔ gɔɛ ni do nyanga wa.

Tɔlɔ Mɔ 11:20

Nɛ nyɔngɔ sɛ mulu sa'de gbaa 'do zɛkɛ kpo, nɛ ma 'danga sɛ nu nɛ, nɛ ma gbala do kɔ zɔ́ nɛ sɛ nɛ de. Ki ni a etumbu kɛ nɛ kpa sɛ ma, we kɛ nɛ bɛ̃a gɛnɛ nwa, kɛ a ɔ dɛ sanga nɛ gɛ, nɛ nɛ bi tɛ nɛ dati a na, lo hɔa nza kɔ Ezipeto we ge nde ni.’ ”

Tɔlɔ Mɔ 11:4

Ombe gele wele wa lia zi sanga obe Israɛlɛ tɛ li wala gɛnɛ 'da wa. Nɛ mbe ngba soe kpo, nɛ sɔkpã ba nu ogele winɔ ni. Nɛ wɔ nyɔngɔ mulu sa'de ba wa wena. Nɛ obe Israɛlɛ wa ma ngɔ bi tɛ mɛ 'bɔ tɛ wa tɛ tɔ̃ na: “Ee nɛ gɛ! Lɛ nɛ kpa mbe mulu sa'de we nyɔngɔ nɛ do nde?

Tɔlɔ Mɔ 11:5

Ee! Tɛ ngɔ nù Ezipeto i, lɛ nyɔngɔ zi kɔyɔnɔ vɛ̃, ɔ nɛ kɛ zã lɛ kɔa ni. Lɛ nyɔngɔ zi 'bɔ osindo, osa, do omatungulu kpi do kpi.

Tɔlɔ Mɔ 13:27

Nɛ wa tɔ̃ hã Mɔizɛ na: “Lɛ nɛa, nɛ lɛ le ngɔ nùi mɔ tumba zi lɛ ngɔ nɛ ni. Mɛ a gbãlã we na, mɛ a nù kɛ ma do nyɔngɔmɔ la li ngele. Mɔ zɔ mbe wala tenɔ i mɔ ni kɛ.

Tɔlɔ Mɔ 14:2

Nɛ wa tɔ̃a 'dã we hã Mɔizɛ do Aroni na: “Ma dia sɔ fɛ̃ na, le fe dɛ Ezipeto i, tabi na lɛ fe dɛ li gba zɔ̃ gɛ.

Tɔlɔ Mɔ 14:3

Kɔ gulu kɛ NWA kã lɛ gbaa dɛ ngɔ nùi kɛ ɔ nɛ gɛ ni we ge nde? Lɛ fe sɛ li bolonɔ, nɛ owi sɛnɛ lɛ wa kala sɛ wukonɔ 'da lɛ do obenɔ 'da lɛ, nɛ wa si do wa. Ma dia sɔ fɛ̃ na, lɛ kpolo tɛ lɛ dɛ Ezipeto i.”

Tɔlɔ Mɔ 16:12

'Do nɛ, nɛ Mɔizɛ tumba na, wa sa mɔ hã Datanɛ do Abiramɛ, benɔ 'da Eliabɛ. Wa nɛa we zele sa mɛ ni, nɛ wa gese hã Mɔizɛ na: “Lɛ nɛ́ sɛ i mɔ gɔ!

LUKA 19:14

Nɛ nde owinɔ ngɔ nùi 'da a ni, wa kɔ̃̀ zi gɛnɛ a gɔ. Nɛ wa tumba Owele 'do a, takɔ wa tɔ̃ i mɔ na, lo kɔ̃̀ na, a hɔ nwa 'da lo gɔ.

Owi Nɛ Tonɔ 7:35

“Nɛ kpo kpo Mɔizɛ kɛ obe Israɛlɛ wa bɛ̃a gɛnɛ a, nɛ wa tɔ̃ hã a na: ‘Wi ia mɔ do nwa ngɔ lɛ na, mɔ 'bili we 'da lɛ a wio nde’ ni, Gale tumba a we ɔ nwa 'da wa, takɔ a kpasa wa kɔ ngbá. A tumba a do wala 'da anzɛ kɛ a hɔa zi dati a kɔ nyɛa we zã gisa nwá ni.