Tɔlɔ Mɔ 16:11 - WE NU GALE 1995

¹¹ Mɔ do owinɔ 'da mɔ, nɛ bɛ̃a we nu Aroni. Nɛ nde ĩ na, wi kɛ nɛ bɛ̃a nu a ni, wi a NWA, nɛ nɛ dɛa nga zu dɛ tɛ̃ a.”

Tɔlɔ Mɔ 16:11 Iomraidhean Croise

1 Sakonɔ 26:19

Ki ni mɛ a tɛlɛ tɛ kɛ wa gɔnɔ do sanga Owi zɔ mɔ tɛ nu ngbonɔ, kɛ wa kala wa kɔ nu fɛlɛ Kore do Mɛrari gɛ a ni.

Zumanɔ 106:16

Nɛ tɛ fala ɔinɔ i, wa dɛa bɔnɛ hã Mɔizɛ, do Aroni, wi toe kɛ mɔ nwa, mɔ saka a ni.

Kulu Tɔa 17:2

nɛ obe Israɛlɛ wa kpa we do Mɔizɛ. Nɛ wa tɔ̃ hã a na: “Mɔ fá lì, hã lɛ nɔ!” Nɛ Mɔizɛ aka wa na: “Nɛ kpa we do mi we ge nde? Nɛ yamba sila NWA na mɛ ni we ge nde?”

Tɔlɔ Mɔ 11:1

Ngba soe kpo, nɛ obe Israɛlɛ wa bi tɛ wa hã NWA wena. Kɔ NWA nɛa we zele bi tɛ wi 'da wa, nɛ zã a nɔ̃lã, nɛ a tombo we, nɛ ma bɛlɛ mɛnɔ tɛ mbe nu fala ɔi 'da wa.

Tɔlɔ Mɔ 16:12

'Do nɛ, nɛ Mɔizɛ tumba na, wa sa mɔ hã Datanɛ do Abiramɛ, benɔ 'da Eliabɛ. Wa nɛa we zele sa mɛ ni, nɛ wa gese hã Mɔizɛ na: “Lɛ nɛ́ sɛ i mɔ gɔ!

Tɔlɔ Mɔ 16:3

Wa ngɛmɛ ngba wa vɛ̃, nɛ wa nɛ dɛ dati Mɔizɛ do Aroni, nɛ wa tɔ̃ hã wa na: “Nɛ la li ngele toe 'da nɛ do'do. Wele obe Israɛlɛ vɛ̃ a mɔ́ NWA, nɛ NWA 'bɔ do lɛ boe. Kɔ gulu kɛ nɛ lengge na, nɛ nɛa ngɔ tala owinɔ 'da NWA ni we ge nde?”

LUKA 10:16

Nɛ Yezu tɔ̃ 'bɔ hã owi yambala mɛnɔ 'da a na: “Wi kɛ a zele nu nɛ ni, nɛ nde a zila nu mi. Nɛ wi kɛ a bɛ̃ gɛnɛ nɛ, nɛ nde a bɛ̃a gɛnɛ mi. Nɛ wele kɛ a bɛ̃ gɛnɛ mi, nɛ nde a bɛ̃a tɛ mɛ 'bɔ gɛnɛ Wi tombo mi.”

YOANƐ 13:20

Mi tɔ̃ hã nɛ do gbãlã we na, fala kɛ wele kɔ̃ gɛnɛ wi kɛ mi tumba a ni, nɛ nde a kɔ̃a tɛ mɛ 'bɔ gɛnɛ mi. Kɔ wi kɛ a kɔ̃ gɛnɛ mi ni, nɛ nde a kɔ̃a gɛnɛ Wi tombo mi.”

Owi Nɛ Tonɔ 5:4

Dati kɛ wa tɛ òsò zi fɔɛ 'da mɔ gɔ ni, nɛ nde mɛ zi a kɛ 'da mɔ. Nɛ 'do kɛ wa usa ni, nɛ nde wele mbili nɛ 'bɔ a mɔ́ mɔ. Kɔ mɛ dɛa mɔ ngboo na, mɔ 'bili do kɔ sila mɔ, we dɛ mɔ ɔ nɛ mɛ gɛ ni a ge nde? Mɔ 'bìlì bɛlɛ hã wele gɔ, nɛ nde mɔ 'bili bɛlɛ hã Gale.”

ROMA 13:2

Kɔ fala kɛ wele bɛ̃ we dɔnggɔ wa, nɛ nde wi ni bɛa mbulanɔ kɛ Gale ia ni, nɛ a fa ngbangga dɛ tɛ a iko.

1 KORINTƐ 10:10

Nɛ lɛ tɛ lùngù we, ɔ nɛ kɛ ombe sanga wa wa lungu zi, nɛ anzɛ gbɛ wi gbɛa wa ni gɔ.

1 KORINTƐ 3:5

Apolosi ngboo a wio nde? Nɛ Polo a wio nde? Lɛ a Owi dɛa tonɔ 'da Nwa Gale kɛ lɛ gala nɛ na, nɛ kɔ̃ zu li Kristo ni. Nɛ wele kpo kpo sanga lɛ dɛ toe kɛ Gale hã ma hã a ni.

YUDA 1:16

Winɔ ni wa lungu we, nɛ wa he tɛ wa fai, nɛ wa dɛ tati a 'dã mɛnɔ kɛ zã wa kɔ̃a ni. Wa wele we do wali, nɛ wa tɛmbɛlɛ owinɔ we kpa mɔ kɔ̃ wa.

1 SAMUƐLƐ 8:7

NWA zele sambala 'da a, nɛ a gese hã a na: “Mɔ kɔ̃ wenɔ vɛ̃ kɛ obe Israɛlɛ wa tɔ̃a hã mɔ ni. We kɛ wi wa bɛ̃a a wi a mɔ gɔ. Wi wa bɛ̃a a ni, wi a mi. Wa kɔ̃̀ na, mi ɔ 'bɔ nwa ngɔ lo gɔ.