Tɔlɔ Mɔ 15:9 - WE NU GALE 1995

⁹ nɛ wa mba sɛ sa'de ni do kilo fũ kusi, kɛ wa zanga do litrɛ nɔ talɛ,

Tɔlɔ Mɔ 15:9 Iomraidhean Croise

1 Sakonɔ 21:23

Nɛ Ornanɛ tɔ̃ na: “Nwa, mɔ bá mɛ kɛ mɔ kɔ̃a ni, hã mɔ hã do dɔnggamɔ hã Gale. Ongɔmbɛnɔ 'da mi wa kɛ. Mɔ kálá wa, hã mɔ dɔnggɔ do Gale. Nɛ te ngilingili sɛ a gua, nɛ ble we hã do dɔnggamɛ ni, ma kɛ. Mi 'dɔla mɛnɔ ni vɛ̃ hã mɔ.”

NEHEMIE 10:33

Lɛ ba nu lɛ na, kɔ sabɛlɛ kpo kpo, nɛ lɛ da sɛ mbili fɛ̃a mɔ bolo kɛ ma wia do gramɛ nalɛ, we dɛa toe kɔ Tɛmpɛloe 'da Gale 'da lɛ.

EZEKIƐLƐ 42:13

Nɛ wi ni tɔ̃a hã mi na: “Tɔanɔ si gbãlã ngɔ do kɛ si ba gɔtɔ, nɛ ma siki li ɛ dɛ li fanda Tɛmpɛloe ni, mɛ a otɔa kɛ ma santo. Onganganɔ kɛ wa wia we le tɛ fala dɔnggɔ do nwa ni, wa nyɔngɔ dɔnggamɛnɔ kɛ ma santo wena ni dɛ di ni. Mba gɔ, wa ia tɔanɔ ni hã NWA, nɛ wa a dɔnggamɛnɔ kɛ ma santo wena ni dɛ di ni. Mɛ a mɛnɔ kɛ wa 'dɔlɔ hã NWA, do sa'denɔ kpi do kpi kɛ wa gbɛ wa hã Gale, takɔ a fo ku'da 'dã mɔ zu owinɔ ni.

EZEKIƐLƐ 46:11

“Do ngba soe ɛngganɔ, nɛ owinɔ wa hã sɛ dɔnggamɔ ble kilo 'bu nɛ talɛ we wili ngɔmbɔ kpo, tabi we wili bata kpo kɛ wa nɛ dɔ a ni. Nɛ we duzu obe batanɔ, wele do wele a hã sɛ ble, ɔ nɛ kɛ zã a kɔ̃a ni. Nɛ wa a sɛ nɔ litrɛ gazɛlɛ we ble kilo 'bu nɛ talɛ.

EZEKIƐLƐ 46:15

Wa dɔ sɛ be bata, nɛ wa hã dɔnggamɔ fũ do nɔ titole kpo kpo fai.”

EZEKIƐLƐ 46:5

Nɛ a hã sɛ dɔnggamɔ fũ kilo 'bu nɛ talɛ we wili bata ni, nɛ a hã ble ɔ nɛ kɛ zã a kɔ̃a ni, we mba do obe batanɔ gazɛlɛ ni. Nɛ a a sɛ nɔ litrɛ gazɛlɛ we ble kilo 'bu nɛ talɛ.

EZEKIƐLƐ 46:7

Nɛ a mba sɛ ma do ble kilo 'bu nɛ talɛ we wili ngɔmbɛ, do wili bata. Nɛ a hã sɛ ble ɔ nɛ kɛ zã a kɔ̃a ni, we mba do obe batanɔ gazɛlɛ ni. Nɛ a a sɛ nɔ litrɛ gazɛlɛ we ble kilo 'bu nɛ talɛ talɛ.

YƆƐLƐ 1:9

Owinɔ wa tɛ́ 'bɔ kɔ tɔa Tɛmpɛlo nga do okpalɛ, do dɔ̃ we dɔnggɔ do Gale gɔ. We duzu ma, onganganɔ kɛ wa dɛ toe hã Gale ni, wa do 'bako.

YƆƐLƐ 2:14

Lɛ ĩ̀ gɔ, mbe gɔ nɛ a kpolo linggamɛ 'da a, nɛ a dɛ na, fɔnɔ 'da nɛ ko ogili kpalɛ. Na mɛ ni, nɛ nɛ wia sɛ we tɛ do okpalɛ do dɔ̃, we dɔnggɔ do a.

Levitɛnɔ 14:10

“Ma hɔ kɔ̃ tũi kɛ ngbɛ'dɛ'dɛ, nɛ wi ni a tɛ sɛ do obe wili bata bɔa, do be naa bata kpo, kɛ wa do sabɛlɛ kpo kpo, nɛ fo kunda tɛ wa bina ni. Nɛ a tɛ 'bɔ do dɔnggamɔ fũ, kɛ wa zanga ma do nɔ ni we kilo kusi, do nɔ sãtilitrɛ 'bu nɛ mɔlɔ, nɛ a hã ma vɛ̃ hã nganga.

Levitɛnɔ 6:14

Wa zanga sɛ fũi ni do nɔ, nɛ wa 'bo ma do mukate, nɛ wa hana ma ngɔ mbala mɔ bolo. 'Do nɛ, nɛ wa gbini sɛ sanga mukate ni dati kɛ na, wa dɔ ma hã NWA ni. Nɛ zɛ̃ nɛ ma unu sɛ NWA, nɛ ma de tɛ̃ a.

Levitɛnɔ 7:37

Ki ni, mɛ a mbula ngɔ dɔ odɔnggamɔ fũ, odɔnggamɔ we fo ku'da 'dã mɔ, odɔnggamɔ we si olo ku'da 'dã mɔ, odɔnggamɔ we be dɛa na, do odɔnggamɔ kɛ wa hã do ngba soe wele hɔ nganga ni.

Tɔlɔ Mɔ 15:10

nɛ wa mba 'bɔ do litrɛ dɔ̃ talɛ. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 15:8

Fala kɛ wa gbɛ ngɔmbɔ do dɔnggamɔ we dɛ olo mbulu tabi we dɔnggamɔ kɛ ma be dɛa na, tabi we gele dɔnggamɔ iko nde,

Tɔlɔ Mɔ 28:12

Nɛ fa sɛ fũ, nɛ nɛ so nɔ, nɛ nɛ zanga do fũi ni, nɛ wa mba ma do sa'de kpo kpo we dɔnggɔ do mi. Mɛ sɛ a fũ kilo kusi we wili ngɔmbɔ kpo kpo, nɛ fũ kilo gazɛlɛ we wili bata,

Tɔlɔ Mɔ 28:14

Nɛ fa sɛ litrɛ dɔ̀ talɛ we mba do wili ngɔmbɔ kpo kpo, nɛ litrɛ dɔ̀ bɔa we wili bata, nɛ litrɛ dɔ̀ kpo do dɔ nɛ, we be bata kpo kpo. Ki ni a omɛnɔ kɛ nɛ dɔ sɛ ma we dɔnggɔ do mi do kuti kɔ tũ zɛkɛ kpo kpo kɔ sabɛlɛ gɛ a ni.

Tɔlɔ Mɔ 29:6

Wa dɔ sɛ sa'denɔ ni vɛ̃ dɛ ngɔ kɛ wa dɔ tũ kpo kpo do kuti kɔ̃ tũ zɛkɛ ni. Nɛ so sɛ fũ do dɔ̃, nɛ nɛ mba do ma, ɔ nɛ kɛ nɛ dɛ fai ni. Nɛ zɛ̃ we dɔa sa'denɔ ni ma unu sɛ mi nwa, nɛ ma dɛ yangga tɛ mi.

1 SAMUƐLƐ 1:24

'Da fala kɛ be gɔnɔ bele do'do, nɛ gɛnɛ kɔ sabɛlɛ 'da a dɔ̀ gɔ, nɛ nde Ana ba a, nɛ a nɛ do a tɛ kɔ tɔa 'da NWA tɛ Silo 'di. Wa do wili a, wa ba wili ngɔmbɔ kɛ a dɛa sabɛlɛ talɛ ni, do sani fũ kpo, do gã daka dɔ̃ kpo dɛ kɔ̃ wa.