Tɔlɔ Mɔ 15:3 - WE NU GALE 1995

³ nɛ nɛ dɔ sɛ sa'de we dɔnggɔ do mi. Nɛ dɛ sɛ na mɛ gɛ: Nɛ gbɛ sɛ sa'de hã mi we be dɛa na, tabi we kɛ nɛ kɔa we dɛ olo mbulu, tabi nɛ gbɛ do kɔ sila nɛ iko, tabi 'bɔ we dɔnggɔ mi do 'da fala ɛngganɔ. Nɛ osa'denɔ kɛ nɛ saka sɛ wa we dɔnggɔ do mi ni a: ngɔmbɔ kpo, bata kpo, naa dua kpo, tabi wili nɛ kpo. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 15:3 Iomraidhean Croise

Ndo Nyanga Dɛ Mɔ 8:21

Nɛ zɛ dɔnggamɛ ni unu NWA, nɛ ma de tɛ a wena, nɛ a tɔ̃ do kɔ sila a na: “Mi fɔmbɔ sɛ 'bɔ nùi we duzu 'dã dɛa mɛnɔ kɛ owinɔ wa dɛ ma ni gɔ. Gɛnɛ kɔ mi ĩ na, 'dã linggamɔ lia zi kɔ sila wele belee do be tɛ a, nɛ nde mi gbɛ sɛ 'bɔ Otunu li mɛnɔ ɔ nɛ kɛ mi dɛa gɛ gɔ.

Ɛsdrasi 7:17

“Mɔ hɔ i mɔ, nɛ mɔ oso sɛ mbili ni do owili ngɔmbɔ, do owili bata, do obe bata. Mɔ oso sɛ 'bɔ fũ, do dɔ̃, nɛ mɔ dɔnggɔ Gale do ma vɛ̃ tɛ ngɔ gbagala kɛ wa gbɛ do sa'de kɔ Tɛmpɛloe 'da Gale 'da nɛ tɛ Yeruzalɛmɛ i ni.

Zumanɔ 54:6

Nɛ nde mɔ NWA Gale, mɔ gala sɛ mi, nɛ mɔ yolo sɛ gba sala 'do mi.

Kulu Tɔa 29:18

Nɛ mɔ dɔ sɛ sa'de ni vɛ̃ we dɔnggɔ do mi Gale, nɛ zɛ̃ we nɛ ma unu sɛ mi, nɛ ma de tɛ mi.

Kulu Tɔa 29:25

'Do nɛ, nɛ mɔ kala odɔnggamɛnɔ ni kɔ̃ wa, nɛ mɔ dɔ ma dɛ ngɔ gbagala hã mi, nɛ zɛ̃ we nɛ ma unu sɛ mi, nɛ ma de tɛ mi.

Levitɛnɔ 10:13

Nɛ nyɔngɔ ma dɛ fala kɛ ma santo ni iko. Mbee dɔnggamɔ fũi kɛ wa hã ma hã NWA ni, ma a mɔ mɔ́ Aroni, do obenɔ 'da mɔ, ɔ nɛ kɛ mbulanɔ 'da NWA tɔ́a ni.

Levitɛnɔ 27:2

a e mbulanɔ gɛ hã obe Israɛlɛ na: “Fala kɛ wele kpo mbulu we hã wele hã NWA, nɛ wa wia tɛ we mbili fɛ̃a mɔ bolo olo li a, nɛ wi ni futa mbili ni.

Levitɛnɔ 7:16

“Hã fala kɛ wele hã dɔnggamɔ kɛ ma be dɛa na do kɔ sila a iko, tabi a hã ma we dɛ mbulu, nɛ a nyɔngɔ sɛ mbe mulu sa'de do ngba soe kɛ a hã do dɔnggamɛ ni. Nɛ a e tala nɛ ngɔ, kɔ fala sa, nɛ wa nyɔngɔ ma.

Tɔlɔ Mɔ 28:27

Nɛ dɔ sɛ wili ngɔmbɔ bɔa, wili bata kpo do obe bata sambo, kɛ wa do sabɛlɛ kpo kpo ni. Nɛ zɛ̃ we nɛ ma unu sɛ mi.

Tɔlɔ Mɔ 29:8

Nɛ dɔ sɛ wili ngɔmbɔ kpo, wili bata kpo do obe bata sambo, kɛ wa do sabɛlɛ kpo kpo ni hã mi nwa. Nɛ sa'denɔ ni vɛ̃ wa tɛ ɔ̀ do kunda tɛ wa gɔ. Nɛ zɛ̃ we nɛ ma unu sɛ mi.

Tɔlɔ Mɔ 6:15

Nɛ a tɛ 'bɔ do yele mapa kɛ wa à ina hana mapa tɛ nɛ gɔ, nɛ wa dɔa ma do nɔ ni, do bisikiti kɛ wa à 'bɔ ina hana mapa tɛ nɛ gɔ, nɛ wa ndɔa nɔ ngɔ nɛ, mba do fũ farini, do dɔ́ kɛ ma wia do dɔnggamɛ ni.

MATIE 3:17

Nɛ wala gɛlɛ wele wila li nza i na: “Wele kɛ gɛ a Be 'da mi, kɛ a ngɔ sila mi, nɛ mi do yangga wena we a.”

2 KORINTƐ 2:15

Nɛ lɛ tɛ mɛ 'bɔ, lɛ ɔ nɛ dia yɔmbɔ, kɛ Kristo hã ma hã Gale ni. Nɛ fala tɛ yɔmbɛ ni unu sanga owinɔ wa ngɔ wala kpasi, do wanɔ wa ngɔ wala fio ni.

2 KORINTƐ 2:16

We duzu winɔ wa ngɔ wala fie ni, nɛ nde lɛ unu wa ɔ nɛ ngulu fio kɛ ma wia we gbɛ wa ni. Nɛ we duzu wanɔ wa ngɔ wala kpasi ni, nɛ nde lɛ unu wa ɔ nɛ yɔmbɔ kɛ ma hã kpasi ni. Wi kɛ a wia we dɛ mɔ ɔ ní a wio nde?

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

Mbulanɔ 12:11

Do 'da fala ni, nɛ NWA a saka sɛ le kɛ ma wia na, wa dɔnggɔ do a ni. Nɛ nɛ nɛ sɛ do mɛnɔ vɛ̃ kɛ mi ba nu mi na, nɛ dɔnggɔ do a ni dɛ di ni. Mɛ a osa'denɔ nɛ dɔ sɛ wa hã NWA ni, ogele dɔnggamɛnɔ, dɔnggamɔ kpo mbee 'bu kɔ kpalɛnɔ, do kɛnɔ nɛ kpo sɛ mbulu 'dɔlɔ ma hã NWA, do kɛnɔ nɛ tɛ sɛ do ma do kɔ sila nɛ iko ni.

Mbulanɔ 12:17

Nɛ wè tɛ nyɔngɔ Okpalɛnɔ, tabi nɔ dɔ̃ɛ, tabi gi mɔ do nɔɛ kɛ nɛ ia we dɔnggɔ do Gale ni gɔ. Nɛ tɛ nyɔngɔ 'bɔ Okuti be nadalamɛnɔ 'da nɛ, tabi omɛnɔ nɛ kpua mbulu 'dɔlɔ ma hã NWA, tabi odɔnggamɛnɔ kɛ nɛ hã ma do kɔ sila nɛ iko, tabi ogele dɔnggamɛnɔ ni gɔ.

Mbulanɔ 12:6

Nɛ nɛ dɔ sɛ sa'denɔ we dɔnggɔ do a, nɛ nɛ hã 'bɔ ogele dɔnggamɔ. Nɛ hã́ sɛ 'bɔ kpo mbee 'bu kɔ kpalɛnɔ 'da nɛ do dɔnggamɔ, mba do mɛnɔ kɛ nɛ tɛa do ma hã NWA do kɔ sila nɛ, tabi we dɛ olo mbulu ni. Nɛ nɛ hã sɛ 'bɔ Okuti be wili sa'denɔ 'da nɛ, ɔ nɛ ngɔmbɔ, bata, do dua hã a dɛ di ni.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.