Tɔlɔ Mɔ 15:21 - WE NU GALE 1995

²¹ Na mɛ ni, nɛ dɔnggɔ sɛ mi do kuti mukate kɛ nɛ dɔ sɛ ni. Nɛ dɛ sɛ mbulanɔ ni fai kɔ sabɛlɛnɔ vɛ̃ kɛ ma tɛ sɛ 'do gɛ.

Tɔlɔ Mɔ 15:21 Iomraidhean Croise

NEHEMIE 10:38

Lɛ hã sɛ 'bɔ odia fũ, do owala te, do mbé dɔ̃, do nɔ hã wa. Nɛ wa a sɛ ma kɔ tɔa usu do mɛnɔ kɔ ngbo Tɛmpɛloe i. Lɛ hã sɛ kpo mbee 'bu 'da kpamɛnɔ 'da lɛ vɛ̃ do dimɛ hã olevitɛnɔ. Nɛ olevitɛnɔ wa nɛ sɛ kɔ lenɔ lɛ dɛ do toe ni, we kala dimɛnɔ ni.

Kulu Tɔa 23:19

“Nɛ tɛ sɛ do Okuti kpalɛ li fɔnɔ 'da nɛ tɛ fala nɛ dɔnggɔ do mi ni, nɛ nɛ dɔnggɔ sɛ ma do mi, tua kɛ mi a NWA Gale 'da nɛ. Nɛ mi kɔ̃̀ na, nɛ gi be dua do li bele naa a gɔ.”

Kulu Tɔa 29:28

We duzu ma, 'da fala fai, fala kɛ obe Israɛlɛ wa gbɛ sa'de we be dɛa na, nɛ wa fo sɛ gbãlã ngu'du nɛ do ku nɛ, nɛ wa hã ma hã Aroni do obe zã a.

EZEKIƐLƐ 44:30

Wa kpa sɛ kuti kpalɛnɔ do mɛnɔ kɛ obe Israɛlɛ wa fo kɔ kpalɛnɔ 'da wa hã mi ni. Owinɔ wa tɛ sɛ do fũi 'da wa kɛ ma dia nɛ ge nde ni hã wa, takɔ mi wele nu mi tɛ nu fɛlɛ wa.

Levitɛnɔ 23:14

Nɛ dati kɛ na, nɛ tɛ do dɔnggamɛ ni hã mi ni, nɛ nde nɛ nyɔ́ngɔ́ sɛ mɔ kpo kɔ kpalɛnɔ nɛ kala ni gɔ. Gɛnɛ kɔ mapa, tabi hana kpalɛ, tabi mbé gbãlã kpalɛ, nɛ nde nɛ nyɔ́ngɔ́ sɛ ma gɔ. Nɛ, do obe zã nɛ, nɛ dɛ sɛ mbulanɔ gɛ fai tɛ falanɔ vɛ̃ nɛ nɛ ɔ se'de ni.

Tɔlɔ Mɔ 15:20

Nɛ zanga sɛ kuti farini, nɛ nɛ dɔ do mukate we dɔnggɔ do mi. Nɛ hã sɛ ma hã mi ɔ nɛ kɛ wa hã do dɔnggamɔ fũ 'do kɛ wa kala kuti kpalɛ li fɔnɔ ni.

Tɔlɔ Mɔ 15:22

“Lɛ ba na, mbe wele yɔ ombe sanga mbulanɔ kɛ mi hã ma hã nɛ do wala 'da Mɔizɛ ni, nɛ nde a dɛ̃ do mbana gɔ,

Tɔlɔ Mɔ 18:26

a é 'bɔ mbulanɔ gɛ hã olevitɛnɔ na: “'Da fala kɛ obe Israɛlɛ wa tɛ sɛ do kpo mbee 'bui kɔ mɛnɔ 'da wa hã nɛ ni, nɛ nɛ fo sɛ kpo mbee 'bu ngɔ mɛnɔ ni we dɔnggɔ do mi.