Tɔlɔ Mɔ 14:9 - WE NU GALE 1995

⁹ Kɔ nɛ tɛ dɛ̃ nga zu hã NWA gɔ, nɛ nɛ tɛ dɛ̃ 'bɔ kili winɔ ngɔ nùi ni gɔ. Lɛ bi wa, nɛ lɛ nɛ sɛ ngɔ wa da dɔ̃ iko. Mba gɔ, ogalenɔ 'da wa, wa gɛa tɛ wa 'do wa do'do. Nɛ nde NWA fala nɛ kpo do lɛ boe. Nɛ tɛ dɛ kili wa gɔ!”

Tɔlɔ Mɔ 14:9 Iomraidhean Croise

Ndo Nyanga Dɛ Mɔ 48:21

Nɛ 'do nɛ, nɛ Yakɔbɔ tɔ̃ hã Yozɛfu na: “Mi kɔlɔ do fio ia, nɛ nde Gale sɛ fala nɛ kpo do mɔ, nɛ a gese sɛ mɔ dɛ ngɔ nùi 'da oyaa mɔ.

2 Sakonɔ 13:12

Kɔ ngangga ni, NWA ngboo a a kpia dati lɛ, nɛ onganganɔ 'da a wa kɔ lɛ gɛ boe. Wa 'bɔ we dama mɔtũlũ, takɔ winɔ wa ga zuma sɔ̃ bolo hã nɛ. Aa nɛ, Oisraɛlɛ, nɛ tɛ bì bolo do NWA Gale 'da oyaa nɛ gɔ. We kɛ nɛ nɛ́ sɛ ngɔ a gɔ.”

2 Sakonɔ 15:2

nɛ a kulu ngɔ, nɛ a nɛ, nɛ a kpa Asa, nɛ a tɔ̃ hã a na: “Aa nwa, mɔ zélé mi! Nɛ nɛ Oyuda, do Obɛnzamɛ vɛ̃, nɛ zélé 'bɔ mi! NWA sɛ fala nɛ kpo do nɛ, 'da fala kɛ nɛ fala nɛ kpo do a ni. Fala kɛ nɛ fa a, nɛ a be sɛ tɛ̃ a hã nɛ. Kɔ fala kɛ nɛ bɛ̃ gɛnɛ a, nɛ a bɛ̃ sɛ tɛ mɛ 'bɔ gɛnɛ nɛ.

2 Sakonɔ 20:17

Nɛ hɔ i mɔ, nɛ nɛ tɛ bì do wa gɔ. Nɛ yóló nù, nɛ nɛ 'bɔ we zɔ tɛlɛ tɛ kɛ mi nɛ bi ngɔ nɛ ni. Aa nɛ Oyuda, do Owi Yeruzalɛmɛ, nɛ tɛ dɛ̀ kili gɔ, nɛ nɛ tɛ yàkà tɛ nɛ gɔ. Bindɛ, nɛ nɛ nɛ́ we kpa ngba nɛ do wa, mi sɛ fala nɛ kpo do nɛ.’ ”

2 Sakonɔ 32:8

Nɛ osodanɔ 'da a wa a Owele iko, nɛ wa wia we mbɔkɔ nɛ. Nɛ nde kɛ 'da lɛ, NWA Gale 'da lɛ a gbaka sɛ lɛ, nɛ a bi sɛ zu lɛ.” Nɛ we nwa Ezekiasi wila ni, ma hã kpã sila hã winɔ kɔ le ni vɛ̃.

NEHEMIE 4:14

Mi zɔa kili 'da wa, nɛ mi kulu ngɔ, nɛ mi tɔ̃ hã okumu lenɔ, do Owi 'bili wenɔ, do tala owanɔ vɛ̃ kɛ wa zi di ni ni na: “Nɛ tɛ dɛ̃ kili Owi sɛnɛ lɛ gɔ! Ta zu nɛ gbá ngɔ gã wi 'da NWA Gale, do ngawi 'da a. Nɛ bí ngɔ onya nɛ, do obulu benɔ, do oboko benɔ, do owukonɔ 'da nɛ, mba do omɔ kɔ tɔanɔ 'da nɛ.”

Zumanɔ 106:24

'Do nɛ nyɛla, nɛ wa bɛ̃a we le dɛ ngɔ dia nùi kɛ Gale kpua mbulu nɛ hã wa ni. Nɛ wa ba kafi we nu Gale.

Zumanɔ 121:5

NWA a zɔ sɛ mɔ tɛ mɔ, a 'bana sɛ dɛ kɛ zã mɔ we kele zu mɔ.

Zumanɔ 14:4

Nɛ NWA Gale aka na: “Owinɔ vɛ̃ kɛ wa dɛ 'dã mɛnɔ gɛ, wa ĩ́ mɔ kpo gɔ nde? Wa nyɔngɔ te 'do owinɔ 'da mi, nɛ wa sámbálá mi fala kpo gɔ, ní a wa ĩ́ mɔ kpo gɔ nde?”

Zumanɔ 46:11

A hia mɔ na: “Nɛ lá fala bi bolo, nɛ nɛ ĩ́ na mi a Gale! Mi a nwa ngɔ winɔ nyanga nza gɛ vɛ̃!”

Zumanɔ 46:7

A wila we, nɛ nùi ma yaka, nɛ ogele winɔ wa tana, nɛ dɛa to nwa 'da wa ma ia.

Zumanɔ 46:8

NWA ngɔ mɔ nyanga nza vɛ̃ do lɛ boe. Gba ngbo kele zu lɛ, wi a a Gale 'da Yakɔbɔ.

Zumanɔ 74:14

Mɔ gbini sanga gbãlã zu wa kisi kisi, nɛ mɔ hã ma hã osa'de li gba zɔ̃nɔ na, wa nyɔngɔ.

Zumanɔ 91:1

Wi kɛ a usu tɛ̃ a ti kɔ̃ nwa, nɛ a kele tɛ̃ a do NWA Gale, kɛ a nɛa ngɔ mɔ vɛ̃, nɛ a do nganda vɛ̃ ni,

Kulu Tɔa 14:13

Nɛ Mɔizɛ gese na: “Nɛ tɛ dè kili gɔ. Nɛ kúnú sila nɛ, nɛ nɛ zɔ sɛ sɔɛ gɛ tɛlɛ tɛ kɛ NWA Gale nɛ bi bolo zu nɛ na, da dɛ kɔ wa gbɛ́ nɛ gɔ ni. Sɔɛ gɛ, Oezipetonɔ kɛ nɛ zɔ wa ni, nɛ zɔ sɛ 'bɔ mbé wa li nù gɛ gɔ.

Kulu Tɔa 33:16

Fala kɛ mɔ kã̀ lɛ gɔ, nɛ wa dɛ sɛ fala ĩ na, mɔ bia dia zã 'da mɔ hã mi do owinɔ 'da mɔ ni nɛ nde? Fala kɛ mɔ sanga lɛ boe, nɛ nde lɛ wé sɛ kɔ̃ do ogele winɔ ngɔ nù gɛ gɔ.”

Ezai 1:2

Aa li nza do nù, nɛ gɛ́ zala nɛ, hã nɛ zele wenɔ kɛ NWA wele gɛ: “Mi dala obe, nɛ wa gã, nɛ wa dɛ kpasa wi, nɛ wa bɛ̃ we nu mi.

Ezai 32:2

Wele kpo kpo kɔ wa ni, a ɔ sɛ nɛ da, kɛ ma amba zu wele do 'da fala gba bũ, tabi do 'da fala ua dã kolo ni. Wa ɔ sɛ nɛ fua lì, kɛ ma la do li go ni. Wa ɔ sɛ nɛ kpangba ta, kɛ ma fi gɔ̃lɔ̃ kɔ le tua wese ni.

Ezai 41:10

Nɛ tɛ dɛ̀ kili gɔ, mba gɔ, mi do nɛ boe. Da dɛ kɔ kili bá nɛ gɔ, we kɛ mi a Gale 'da nɛ. Mi hã sɛ ngawi hã nɛ, nɛ mi gala sɛ nɛ. Ngawili kɔ̃ mi ma si sɛ ngɔ, nɛ ma amba sɛ zu nɛ kɔ ngamɔ.

Ezai 41:14

nwa tɔ̃a na: “Aa nɛ, obe Israɛlɛ, nɛ dɛ̀lɛ̀ gɔ, nɛ nɛ ngàndà gɔ. Owinɔ wa zɔ nɛ li wa ɔ nɛ otɔlɔfɛ ni iko, nɛ nde nɛ tɛ dɛ̃ kili gɔ. Mba gɔ, mi Gale santo 'da nɛ Oisraɛlɛ, mi gala sɛ nɛ, nɛ mi kpasa nɛ.

Ezai 63:10

Nɛ nde wa bɛ̃a gɛnɛ NWA, nɛ wa 'danga sila Hi Wi 'da a kɛ ma santo. We duzu ma, a hɔa wi sɛnɛ wa, nɛ a bi wa.

Yeremi 1:19

Owinɔ ni wa bi sɛ do mɔ, nɛ nde wa wé sɛ we dɛ mɔ kpo do mɔ gɔ, tua kɛ mi do mɔ boe, we fɔmɔ mɔ. Mi NWA, mi tɔ̃a ni.”

Yeremi 42:11

Nɛ lá fala dɛ kili nwa ngɔ nù Babilonia. Mi NWA Gale, mi do nɛ boe, nɛ mi kpasa sɛ nɛ ti mbulanɔ 'da a. Mi tɔ̃ 'bɔ hã nɛ na, nɛ tɛ dɛ̀ kili a gɔ.

Yeremi 48:45

“Owanɔ kɛ wa yu ngamɛ, kɔ wa mbɔkɔ do'do ni, nɛ wa fa sɛ fala ɔmɔ tɛ wi kɔ le Hɛsɛboni. Kɔ wa hɔ i mɔ, nɛ gba nyɛa we ma yolo sɛ kɔ tɔa 'da nwa Sihoni, nɛ ma te tɛ le, nɛ ma bɛlɛ wa, Omoabɛ kɛ wa dɛa zi nu we nɛ ge nde ni. Ma bɛlɛ sɛ wa yolo tɛ li ngbalanɔ gbaa we hɔ gbogbo le nga.

DANIƐLƐ 9:5

“Nɛ nde lɛ dɛa 'dã mɔ, nɛ lɛ tia do ngbangga. Lɛ dɛa nga zu dɛ tɛ mɔ, nɛ lɛ bɛ̃a mbulanɔ 'da mɔ.

DANIƐLƐ 9:9

Nɛ gɛnɛ kɔ lɛ dɛa nga zu dɛ tɛ mɔ NWA Gale 'da lɛ, nɛ nde mɔ bia dia zã 'da mɔ hã lɛ, nɛ mɔ fua ku'da 'dã mɛ zu lɛ.

Tɔlɔ Mɔ 13:30

Ombe winɔ sanga obe Israɛlɛ, wa ma ngɔ tɔ̃ 'dã we hã Mɔizɛ, nɛ Kalɛbɛ ga wa, nɛ a tɔ̃ na: “Lɛ nɛ́! Lɛ wia we bi wa, nɛ lɛ ba nùi 'da wa.”

Tɔlɔ Mɔ 17:6

Fala sa 'do ki ni, nɛ obe Israɛlɛ vɛ̃ wa ma ngɔ wele 'dã we hã Mɔizɛ do Aroni na: “Nɛ dɛa na, nwa gbɛ owinɔ 'da a.”

Tɔlɔ Mɔ 20:2

Ɔ nɛ kɛ fo zi lì di ni bina ni, nɛ obe Israɛlɛ wa mba ngba wa dɛ kɛ zã Mɔizɛ do Aroni,

Tɔlɔ Mɔ 24:8

Nɛ Gale fua obe Israɛlɛ ngɔ nù Ezipeto dɛ nza do ngawi 'da a vɛ̃. A bi zu wa ɔ nɛ wili yele ni. Wa gbɛ sɛ owi sɛnɛ wa, nɛ wa gbini gbãlã tɛ wa. Obe Israɛlɛ wa da sɛ kpili hã owi sɛnɛ wa, nɛ wa ndɔlɔ sɛ wa dɛlɛ wena.

MATIE 1:23

“Be zɔnga a ba sɛ zã, nɛ a ko sɛ bulu be, nɛ wa sa sɛ li a na Emanuɛlɛ” ni, ma dɛ tɛ̃ ɛ. (Gulu li Emanuɛlɛ na: “Gale do lɛ boe.”)

ROMA 8:31

Kɔ lɛ nɛ tɔ̃ 'bɔ na ge nde? Fala kɛ Gale 'do lɛ boe, nɛ wi nɛ sɛnɛ lɛ a wio nde?

Mbulanɔ 1:26

“Wa tɔ̃a na mɛ ni, nɛ nde nɛ bɛ̃a nu NWA Gale 'da nɛ, nɛ nɛ nɛ̀ we ba nùi ni gɔ.

Mbulanɔ 1:29

“Mi nɛa we zele ni, nɛ mi gisa hã nɛ na: ‘Tɛ nɛ tɛ tànà gɔ, nɛ nɛ tɛ dɛ̃ kili wa gɔ.

Mbulanɔ 31:6

Nɛ kpala sila nɛ, nɛ nɛ ɔ̃ do ngawi. Nɛ tɛ tànà kili dati wa gɔ, we kɛ NWA Gale 'da nɛ do tɛ̃ a ngboo sɛ do nɛ boe. A lá sɛ nɛ gɔ, nɛ a élé sɛ nɛ fala kpo gɔ.”

Mbulanɔ 31:8

Mɔ tɛ dɛ̃ kili gɔ, NWA do tɛ̃ a, a kpe sɛ ti mɔ, nɛ a sɛ do mɔ boe. A lá sɛ mɔ gɔ, nɛ a élé sɛ mɔ fala kpo gɔ.”

Mbulanɔ 32:42

Li kpilinɔ 'da mi ma fo sɛ do tɔkɔ tɛ wa, nɛ mi gbɔtɔ sɛ du kɔya 'da mi we gbɛ do owinɔ vɛ̃ kɛ wa sɛnɛ mi ni. Mi lá sɛ wele kpo kɔ wa do tunu li a gɔ, Gɛnɛ kɔ wi dani tabi wi bɔlɔkɔ, nɛ mi gbɛ sɛ wa vɛ̃.’

Mbulanɔ 7:18

Nɛ tɛ dɛ̀ kili wa gɔ, nɛ lénggé do mɛ kɛ NWA Gale 'da nɛ, a dɛa zi do nwa ngɔ nù Ezipeto do owinɔ 'da a vɛ̃ ni.

Mbulanɔ 7:21

We duzu ma, nɛ tɛ dɛ̃ kili ogele nu kɔnggɔnɔ ni gɔ. NWA Gale 'da nɛ do nɛ boe, nɛ a a Gale kɛ a gã wena, nɛ Owele wa wia we dɛ tati a kili a zu a kpo.

Mbulanɔ 9:7

“Nɛ tɛ nɛ tɛ èlè ngɔ tɛlɛ tɛ kɛ nɛ dɛa zi na, zã NWA Gale 'da nɛ nɔ̃lɔ̃ tɛ li gba zɔ̃ i ni gɔ. Yolo do ngba soe nɛ hɔa zi nza ngɔ nù Ezipeto gbaa we hɔ dɛ ni, nɛ là fala dɛ nga zu dɛ tɛ̃ a gɔ.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

Yozue 1:5

Nɛ mɔ Yozue, kɔ dungu nza 'da mɔ vɛ̃, wele yóló sɛ ti mɔ gɔ, we kɛ mi sɛ fala nɛ kpo do mɔ, nɛ́ kɛ mi zi fala nɛ kpo do Mɔizɛ ni. Mi lá sɛ mɔ gɔ, nɛ mi élé sɛ mɔ fala kpo gɔ.

Yozue 14:12

Kɔ ngangga ni, mi gɔ kɔ̃ mɔ na, mɔ hã nùi ngɔ kalanɔ gɛ hã mi, we kɛ mɛ a nùi kɛ NWA kpua zi mbulu nɛ hã mi. 'Da fala ni, mi tɔ̃a zi hã mɔ na, Oanakɛ, ogba du winɔ ni wa zi ngɔ nùi gɛ boe, nɛ wa ɔ kɔ gã lenɔ kɛ gba ngbo zĩ ma takpa. Nɛ nde fala kɛ nwa wele nu a tɛ mi, nɛ mi ndaka sɛ wa, nɛ́ kɛ a tɔ̃a ni.”

Owi kpe dati 1:22

Obe zã Efraimɛ do Manase, benɔ 'da Yozɛfu, wa nɛa zi 'bɔ bole, nɛ NWA fala nɛ kpo do wa, nɛ wa nɛa we bi le Betɛlɛ,