Tɔlɔ Mɔ 14:8 - WE NU GALE 1995

⁸ nɛ ma do nyɔngɔmɔ la li ngele. Kɔ fala kɛ NWA be dia zã 'da a hã lɛ, nɛ a kpe sɛ ti lɛ dɛ ngɔ nùi ni, nɛ a ba sɛ ma hã lɛ.

Tɔlɔ Mɔ 14:8 Iomraidhean Croise

2 SAMUƐLƐ 22:20

NWA kɔ̃a gɛnɛ mi, ma hã a fua mi kɔ ngamɔ, nɛ a hã dia dungu hã mi ni.

1 Onwanɔ 10:9

E kɔ Owele wa dɔnggɔ NWA Gale 'da mɔ, kɛ a saka mɔ we dungu nwa ngɔ obe Israɛlɛ ni. NWA Gale saka mɔ do nwa ngɔ winɔ gɛ na, mɔ gala wa, takɔ wa dɛ mbulanɔ, nɛ mɔ gɔnɔ wenɔ 'da wa do bɔlɔ nɛ. Tua kɛ a kɔ̃ gɛnɛ wa wena, nɛ kɔ̃a zã ni do ndɔti nɛ bina.”

2 Onwanɔ 18:32

'Do nɛ, nɛ nwa a si sɛ do nɛ dɛ ngɔ dia nù ɔ nɛ kɛ 'da nɛ gɛ. Nùi ni, ma do nɔ gɔlɔ, nɛ ma 'bɔ do ble wena we dɛ do mapa. Ma do wala te vinɔ wena we dɛ do dɔ̃, do wala te olivɛ we dɛ do nɔ. Na mɛ ni, nɛ hɔ i mɔ, nɛ nɛ kpasa sɛ de wena, olo li kɛ na nɛ fe dɛ dɛ ni. Kɔ nɛ tɛ kɔ̃̀ gɛnɛ lɛnggɛ 'da Ezekiasi gɔ. Mba gɔ, a ɔkɔlɔ nɛ na, NWA Gale kpasa sɛ nɛ, kɔ nɛ tɛ kɔ̃̀ gɔ.

Zumanɔ 22:8

Owinɔ vɛ̃ kɛ wa zɔ mi ni, wa nyɛ nu wa, nɛ wa yaka zu wa, nɛ wa la do mɔmu.

Kulu Tɔa 3:8

Hã mi kɔ̃a we fo wa kɔ ngbá ti kɔ̃ Oezipeto, takɔ mi kã wa dɛ ngɔ gele nù kɛ ma a gã, nɛ ma a dia, nɛ nyɔngɔmɔ i mɔ la li ngele ni. Nùi ni, mɛ a nù 'da Okanana, Ohiti, Oamori, Opɛrizi, Ohivi do Oyebuzi.

Ezai 62:4

Wa sá sɛ 'bɔ li le ni na “Olo tɔa” gɔ, nɛ wa sá sɛ li nùi 'da nɛ na “Nùi kɛ wa 'danga ma” gɔ. Nɛ nde wa e sɛ mbé li zu ma na, “Le kɛ ma hã yangga hã nwa”, nɛ wa sa li nùi 'da nɛ na, “Wuko ba wili.” Mba gɔ, NWA sɛ do yangga we duzu nɛ, owinɔ 'da a, nɛ nùi 'da nɛ ɔ́ sɛ 'bɔ nɛ wi fio wili gɔ, nɛ nde NWA a ɔ sɛ nɛ wili nɛ ngboo ni.

Yeremi 32:41

Mi sɛ do yangga dɛ dia mɔ hã wa, nɛ mi dɛ sɛ na, wa ɔ dɛ ngɔ nùi gɛ fai.”

SOFONI 3:17

NWA Gale 'da nɛ do nɛ boe. A bi sɛ bolo zu nɛ do ngawi 'da a. A hã sɛ mbé dia dungu hã nɛ do kɔ̃a zã 'da a. A dɛ sɛ yangga dɛ 'da nɛ, nɛ sape bá sɛ 'bɔ li a we duzu nɛ gɔ. A ga sɛ zuma yangga we nɛ,

Tɔlɔ Mɔ 13:27

Nɛ wa tɔ̃ hã Mɔizɛ na: “Lɛ nɛa, nɛ lɛ le ngɔ nùi mɔ tumba zi lɛ ngɔ nɛ ni. Mɛ a gbãlã we na, mɛ a nù kɛ ma do nyɔngɔmɔ la li ngele. Mɔ zɔ mbe wala tenɔ i mɔ ni kɛ.

Tɔlɔ Mɔ 16:14

Ma wè gɔ. Mɔ nɛ do lɛ dɛ ngɔ nù kɛ nyɔngɔmɔ la li ngele tɛ nɛ ni gɔ, nɛ mɔ hã̀ 'bɔ ofɔ vinɔ hã lɛ do mɔ́ lɛ gɔ. Mɔ zɔ lɛ ɔ nɛ owi tandu kɛ wa wè tɛ zɔ mɛnɔ mɔ dɛ ni gɔ nde? Lɛ bɛ̃a, lɛ nɛ́ sɛ i mɔ gɔ.”

ROMA 8:31

Kɔ lɛ nɛ tɔ̃ 'bɔ na ge nde? Fala kɛ Gale 'do lɛ boe, nɛ wi nɛ sɛnɛ lɛ a wio nde?

Mbulanɔ 10:15

Gɛnɛ kɔ na mɛ ni, nɛ nde NWA kɔa gɛnɛ oyaa nɛ wena. Ma kɛ a saka nɛ sanga ogele winɔ ngɔ nù gɛ vɛ̃ ni. Nɛ a 'bana fala kɔ gɛnɛ nɛ, ɔ nɛ kɛ nɛ zɔ ma ni.

Yozue 14:12

Kɔ ngangga ni, mi gɔ kɔ̃ mɔ na, mɔ hã nùi ngɔ kalanɔ gɛ hã mi, we kɛ mɛ a nùi kɛ NWA kpua zi mbulu nɛ hã mi. 'Da fala ni, mi tɔ̃a zi hã mɔ na, Oanakɛ, ogba du winɔ ni wa zi ngɔ nùi gɛ boe, nɛ wa ɔ kɔ gã lenɔ kɛ gba ngbo zĩ ma takpa. Nɛ nde fala kɛ nwa wele nu a tɛ mi, nɛ mi ndaka sɛ wa, nɛ́ kɛ a tɔ̃a ni.”