Tɔlɔ Mɔ 14:4 - WE NU GALE 1995

⁴ Nɛ wa ma ngɔ tɔ̃ dɛ sanga tɛ ngba wa na: “Lɛ sáká wi kpe dati lɛ, kɔ lɛ kpolo tɛ lɛ dɛ Ezipeto i.”

Tɔlɔ Mɔ 14:4 Iomraidhean Croise

Tɔlɔ Mɔ 11:20

Nɛ nyɔngɔ sɛ mulu sa'de gbaa 'do zɛkɛ kpo, nɛ ma 'danga sɛ nu nɛ, nɛ ma gbala do kɔ zɔ́ nɛ sɛ nɛ de. Ki ni a etumbu kɛ nɛ kpa sɛ ma, we kɛ nɛ bɛ̃a gɛnɛ nwa, kɛ a ɔ dɛ sanga nɛ gɛ, nɛ nɛ bi tɛ nɛ dati a na, lo hɔa nza kɔ Ezipeto we ge nde ni.’ ”

Tɔlɔ Mɔ 14:5

Ma kɛ Mɔizɛ do Aroni wa nɛa we zele ni, nɛ wa gu li wa nù dɛ dati obe Israɛlɛ ni vɛ̃.

LUKA 17:32

Ta zu nɛ tɛ èlè ngɔ kɛ kɛnɛ Lɔtɛ ka zi mɔ 'do a, nɛ a fia ni gɔ.

Owi Nɛ Tonɔ 7:39

“Nɛ nde oyaa lɛ wa kɔ̃̀ zi we zele a gɔ. Wa bɛ̃a gɛnɛ a, nɛ wa kɔ̃a zi we kpolo 'bɔ tɛ wa dɛ Ezipeto i.

Mbulanɔ 17:16

Nɛ ma wè na, nwa ni a ɔ do gba gili ombalata gɔ. Nɛ ma wè 'bɔ na, a tombo Owele na, wa nɛ we oso ombalata tɛ ngɔ nù Ezipeto gɔ. We kɛ NWA Gale 'da nɛ tɔ̃a zi hã nɛ na, nɛ tɛ kpòlò sɛ 'bɔ tɛ nɛ mbé nɛ tɛ ngɔ nùi ni gɔ.

Mbulanɔ 28:68

Nɛ NWA a a sɛ nɛ kɔ masua, nɛ a gese nɛ dɛ ngɔ nù Ezipeto i. Gɛnɛ kɔ a tɔ̃a zi na, nɛ zɔ́ sɛ 'bɔ ma gɔ ni, nɛ a gese sɛ nɛ dɛ i mɔ. Nɛ hɔ i mɔ, nɛ nɛ yamba sɛ we be gole tɛ nɛ do ngbá hã owi sɛnɛ nɛ. Nɛ nde wele kpo kɔ̃́ sɛ we oso nɛ gɔ.”

OHEBRE 11:15

Ɔ do kɛ wa lengge zi le kɛ wa yula kɔ nɛ ni, nɛ wa si zi 'do iko.