Tɔlɔ Mɔ 14:3 - WE NU GALE 1995

³ Kɔ gulu kɛ NWA kã lɛ gbaa dɛ ngɔ nùi kɛ ɔ nɛ gɛ ni we ge nde? Lɛ fe sɛ li bolonɔ, nɛ owi sɛnɛ lɛ wa kala sɛ wukonɔ 'da lɛ do obenɔ 'da lɛ, nɛ wa si do wa. Ma dia sɔ fɛ̃ na, lɛ kpolo tɛ lɛ dɛ Ezipeto i.”

Tɔlɔ Mɔ 14:3 Iomraidhean Croise

NEHEMIE 9:17

Zala wa ngaka do'do, wa bɛ̃a we dɛ olo nu mɔ, nɛ tɛ wa ila ngɔ odia dɛa mɛnɔ vɛ̃ kɛ mɔ dɛa zi we wa ni, nɛ wa saka we kpolo tɛ wa kɔ ngbá tɛ Ezipeto. Nɛ nde mɔ là wa na mɛ ni gɔ, we kɛ mɔ a Gale kɛ mɔ fo ku'da 'dã mɛnɔ zu winɔ. Mɔ ĩ 'bako hã winɔ, nɛ mɔ do dia kɔ sila dɛ 'da wa. Mɔ do du sila, nɛ kɔ̃a zã 'da mɔ ma la mɔ vɛ̃.

Zumanɔ 78:40

Wa 'bana zi li gba zɔ̃ i, nɛ wa bɛ̃a nu Gale fai, nɛ wa tulu a fala dɛlɛ wena.

Kulu Tɔa 16:3

Wa na: “Ma wia sɔ na, NWA gbɛ lɛ dɛ ngɔ nù Ezipeto, we kɛ i mɔ, nyɔngɔmɔ wena. Lɛ mba zi li ngba lɛ, nɛ lɛ nyɔngɔ osa'de ɔ nɛ kɛ lɛ kɔ̃a ni. Kɔ gulu kɛ nɛ tɛa do lɛ li gba zɔ̃ɛ gɛ we ge nde? Nɛ kɔ̃a na, lɛ fe wɔ iko nde?”

Kulu Tɔa 5:21

nɛ wa tɔ̃ hã Mɔizɛ do Aroni na: “E kɔ NWA Gale zɔ mɛ kɛ nɛ dɛa gɛ, hã a hã etumbu hã nɛ! Nwa ngɔ nù Ezipeto do owi olo li a, wa sɛnɛ lɛ we duzu nɛ. Nɛ ia bolo kɔ̃ wa, takɔ wa gbɛ do lɛ.”

Yeremi 42:19

Nɛ mi tɔ́a 'bɔ na: “Wi tɔ́a hã nɛ, owinɔ kɛ nɛ 'bana dɛ ngɔ nù Yuda na, nɛ tɛ kùlù dɛ ngɔ nù Ezipeto i gɔ ni, wi a NWA. Ma kɛ sɔɛ gɛ mi mbese 'bɔ nɛ we nɛ ni.

Yeremi 9:3

Wele kpo wè 'bɔ tɛ gbini zã a do ngba a tabi e sila a ngɔ nya a gɔ. We kɛ wa vɛ̃ wa 'bili bɛlɛ do zu li nya wa, ɔ nɛ kɛ Yakɔbɔ dɛa zi ni. Wa vɛ̃ wa tɔ̃ tɛ ngba wa wena.

Tɔlɔ Mɔ 11:20

Nɛ nyɔngɔ sɛ mulu sa'de gbaa 'do zɛkɛ kpo, nɛ ma 'danga sɛ nu nɛ, nɛ ma gbala do kɔ zɔ́ nɛ sɛ nɛ de. Ki ni a etumbu kɛ nɛ kpa sɛ ma, we kɛ nɛ bɛ̃a gɛnɛ nwa, kɛ a ɔ dɛ sanga nɛ gɛ, nɛ nɛ bi tɛ nɛ dati a na, lo hɔa nza kɔ Ezipeto we ge nde ni.’ ”

Tɔlɔ Mɔ 16:13

Mɔ fua zi lɛ dɛ nza ngɔ nù Ezipeto, nù kɛ ma do nyɔngɔmɔ la li ngele, nɛ mɔ tɛa do lɛ dɛ dɛ, takɔ lɛ fe dɛ li gba zɔ̃ɛ gɛ. Nɛ ki ni ma wè li mɔ gɔ, nɛ mɔ kɔa 'bɔ we be tɛ mɔ na, mɔ ngɔ lɛ nde?

Tɔlɔ Mɔ 20:3

nɛ wa fa we kpa we do Mɔizɛ, nɛ wa tɔ̃ hã a na: “Ma wia sɔ na, NWA gbɛ lɛ fala nɛ kpo do onya lɛ kɛ a gbɛa zi wa ni.

Tɔlɔ Mɔ 21:5

nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

Owi Nɛ Tonɔ 7:39

“Nɛ nde oyaa lɛ wa kɔ̃̀ zi we zele a gɔ. Wa bɛ̃a gɛnɛ a, nɛ wa kɔ̃a zi we kpolo 'bɔ tɛ wa dɛ Ezipeto i.

Mbulanɔ 1:39

“'Do nɛ, nɛ nwa tɔ̃a zi hã lɛ vɛ̃ na: ‘Nɛ tɔ̃a zi we 'da obenɔ 'da nɛ na, owi sɛnɛ nɛ, wa kala sɛ wa si do wa. Nɛ nde sɔɛ gɛ, obenɔ ni, kɛ wa ĩ̀ ti gɔnɔ sanga 'dã mɔ do dia mɔ gɔ ni, wa le sɛ fala nɛ kpo do Yozue ngɔ nùi ni. Nɛ mi hã sɛ nùi ni hã wa, nɛ wa ɔ ngɔ nɛ.