Tɔlɔ Mɔ 14:2 - WE NU GALE 1995

² Nɛ wa tɔ̃a 'dã we hã Mɔizɛ do Aroni na: “Ma dia sɔ fɛ̃ na, le fe dɛ Ezipeto i, tabi na lɛ fe dɛ li gba zɔ̃ gɛ.

Tɔlɔ Mɔ 14:2 Iomraidhean Croise

1 Onwanɔ 19:4

Nɛ a la dɛ li gba zɔ i, gbaa nɛ wese gɛ̃ a. Nɛ a dungu nù ti gɔ̃lɔ̃ be te kpo, nɛ a sambala na e fe. A na: “Aa NWA, mbé wɔ tɛ dungu nza tɛ mi 'bɔ bina! Mɔ kɔ, nɛ mɔ gbɛ́ mi iko, we kɛ mi dè nɛ ngɔ oyaa mi gɔ.”

YƆBƆ 3:11

Ma dia sɔ fɛ̃ na, mi fe dɛ kɔ zã naa mi i, tabi 'da fala kɛ a kua mi ni, nɛ hi mi la sɔ do ti.

Zumanɔ 106:24

'Do nɛ nyɛla, nɛ wa bɛ̃a we le dɛ ngɔ dia nùi kɛ Gale kpua mbulu nɛ hã wa ni. Nɛ wa ba kafi we nu Gale.

Zumanɔ 106:25

Wa si ti tandenɔ 'da wa, nɛ wa lungu we, nɛ wa zélé zi 'bɔ wenɔ kɛ NWA tɔ̃ ni gɔ.

Zumanɔ 106:45

Nɛ ta zu a gba ngɔ gba tɔkɛ kɛ a gba zi do wa ni. Nɛ a kpula linggamɔ zu a, we kɛ a do dia zã wena.

Kulu Tɔa 14:11

Nɛ wa tɔ̃ hã Mɔizɛ na: “Fo wá wila nù tɛ Ezipeto na, wa mi do lɛ bina nde? Gulu kɛ mɔ tɛa do lɛ i nga, hã lɛ nɛ fe dɛ li gba zɔ̃ɛ gɛ na ge nde? Gulu kɛ mɔ fua lɛ ngɔ nù Ezipeto we ge nde?

Kulu Tɔa 15:24

Obe Israɛlɛ wa zɔa ni, nɛ wa ndua wele 'dã we hã Mɔizɛ. Wa na, mɛ lo nɛ nɔ ma, mɛ a ge nde?

Kulu Tɔa 17:3

Nɛ nde wɔ lì ba obe Israɛlɛ dɛ dati ba fai, nɛ wa lungu Mɔizɛ na: “Mɔ fua lɛ ngɔ nù Ezipeto we ge nde? Mɔ tɛa do lɛ 'di nga na, lɛ do obenɔ, do onadalamɛnɔ 'da lɛ, lɛ fe wɔ lì nde?”

YONASI 4:3

Aa NWA, fe fio ma dia tɛ mi nɛa ngɔ dungu nza.”

YONASI 4:8

Fala wese hɔa ngɔ, nɛ Gale fi bawe bũ, nɛ ma yolo do si 'biti gba wese, nɛ wese dɔa zu Yonasi nganda wena. Nɛ ma 'bana sĩ na, li a tũ. Nɛ a kɔ̃a na ɛ fe do'do, nɛ a tɔ̃ na: “Fe fio dia tɛ mi nɛa ngɔ dungu nza.”

Tɔlɔ Mɔ 11:1

Ngba soe kpo, nɛ obe Israɛlɛ wa bi tɛ wa hã NWA wena. Kɔ NWA nɛa we zele bi tɛ wi 'da wa, nɛ zã a nɔ̃lã, nɛ a tombo we, nɛ ma bɛlɛ mɛnɔ tɛ mbe nu fala ɔi 'da wa.

Tɔlɔ Mɔ 11:15

Fala kɛ mɔ kɔ we dɛ mi na mɛ ni, nɛ ma wia wá na, mɔ dɛ 'bako hã mi, nɛ mɔ gbɛ mi do'do. Mi fe, nɛ mi zɔ́ sɛ 'bɔ ngamɛ mɔ hã ma hã mi gɛ gɔ.”

Tɔlɔ Mɔ 11:5

Ee! Tɛ ngɔ nù Ezipeto i, lɛ nyɔngɔ zi kɔyɔnɔ vɛ̃, ɔ nɛ kɛ zã lɛ kɔa ni. Lɛ nyɔngɔ zi 'bɔ osindo, osa, do omatungulu kpi do kpi.

Tɔlɔ Mɔ 14:1

Do ngba soe wa tɔ̃a do wenɔ ni, nɛ do tũi ni vɛ̃, obe Israɛlɛ wa hia kɔ̃a do 'bako vɛ̃.

Tɔlɔ Mɔ 14:22

wele kpo kɔ owinɔ gɛ lé sɛ ngɔ nùi ni gɔ. Wa zɔa dɔ̃lɔ̃ li 'da mi, do ogba sɔ̃ mɛnɔ vɛ̃ mi dɛa zi ngɔ nù Ezipeto i, do kɛnɔ mi dɛa 'bɔ li gba zɔ̃ɛ gɛ ni zɔa. Gɛnɛ kɔ na mɛ ni, nɛ nde wa yamba mi fai, nɛ wa là fala bɛ̃ we nu mi gɔ. Ma hã wele kpo kɔ wa lé sɛ ngɔ nùi mi kpua zi mbulu nɛ hã oyaa wa ni gɔ, we kɛ wa bɛ̃a gɛnɛ mi ni.

Tɔlɔ Mɔ 16:13

Mɔ fua zi lɛ dɛ nza ngɔ nù Ezipeto, nù kɛ ma do nyɔngɔmɔ la li ngele, nɛ mɔ tɛa do lɛ dɛ dɛ, takɔ lɛ fe dɛ li gba zɔ̃ɛ gɛ. Nɛ ki ni ma wè li mɔ gɔ, nɛ mɔ kɔa 'bɔ we be tɛ mɔ na, mɔ ngɔ lɛ nde?

Tɔlɔ Mɔ 17:6

Fala sa 'do ki ni, nɛ obe Israɛlɛ vɛ̃ wa ma ngɔ wele 'dã we hã Mɔizɛ do Aroni na: “Nɛ dɛa na, nwa gbɛ owinɔ 'da a.”

Tɔlɔ Mɔ 20:2

Ɔ nɛ kɛ fo zi lì di ni bina ni, nɛ obe Israɛlɛ wa mba ngba wa dɛ kɛ zã Mɔizɛ do Aroni,

Tɔlɔ Mɔ 20:3

nɛ wa fa we kpa we do Mɔizɛ, nɛ wa tɔ̃ hã a na: “Ma wia sɔ na, NWA gbɛ lɛ fala nɛ kpo do onya lɛ kɛ a gbɛa zi wa ni.

Tɔlɔ Mɔ 20:4

Gulu kɛ nɛ tɛa do lɛ, owinɔ 'da NWA, dɛ li gba zɔ̃ɛ gɛ ni we ge nde? Nɛ tɛa do lɛ na, nɛ gbɛ lɛ do onadalamɛnɔ 'da lɛ dɛ li gba zɔ̃ɛ gɛ nde?

Tɔlɔ Mɔ 21:5

nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

1 KORINTƐ 10:10

Nɛ lɛ tɛ lùngù we, ɔ nɛ kɛ ombe sanga wa wa lungu zi, nɛ anzɛ gbɛ wi gbɛa wa ni gɔ.

Mbulanɔ 1:27

Nɛ dungu zi nù tɛ nu tandenɔ 'da nɛ, nɛ nɛ lungu we na: ‘NWA sɛnɛ lɛ, ma hã a fua lɛ ngɔ nù Ezipeto dɛ nza na, a e lɛ ti mbula 'da Oamori, kɔ wa gbɛ lɛ ni.

Mbulanɔ 9:23

Nɛ nɔ̃lɔ̃ zi 'bɔ zã a tɛ Kadɛsɛ-Barnea. A tumba zi nɛ na, nɛ nɛ, kɔ nɛ ba nùi a kpua mbulu nɛ hã nɛ ni, nɛ nɛ bɛ̃a. Nɛ gbìnì zi zã nɛ do a gɔ, nɛ nɛ bɛ̃a we dɛ mɛ kɛ a tɔ̃a hã nɛ ni.

OHEBRE 3:16

Winɔ wa zila zɛ́ gɛlɛ Gale, nɛ wa bɛ̃a we nu a ni a wio nde? Wi a wanɔ vɛ́ kɛ Mɔizɛ fua zɛ́ wa ngɔ nù Ezipeto dɛ nza ni.

YUDA 1:16

Winɔ ni wa lungu we, nɛ wa he tɛ wa fai, nɛ wa dɛ tati a 'dã mɛnɔ kɛ zã wa kɔ̃a ni. Wa wele we do wali, nɛ wa tɛmbɛlɛ owinɔ we kpa mɔ kɔ̃ wa.