Tɔlɔ Mɔ 14:11 - WE NU GALE 1995

¹¹ Nɛ NWA tɔ̃ hã Mɔizɛ na: “Owinɔ gɛ, wa nɛ la fala bɛ̃ gɛnɛ mi soe ki nge nde? Mi dɛa gba sɔ̃ mɛnɔ hã wa wena, nɛ mi bia ngawi 'da mi hã wa. Kɔ gulu kɛ wa bɛ̃ fai we gbini zã wa do mi we ge nde?

Tɔlɔ Mɔ 14:11 Iomraidhean Croise

Zumanɔ 106:24

'Do nɛ nyɛla, nɛ wa bɛ̃a we le dɛ ngɔ dia nùi kɛ Gale kpua mbulu nɛ hã wa ni. Nɛ wa ba kafi we nu Gale.

Zumanɔ 78:22

We kɛ wa gbìnì zã wa do a na, a wia tɛ kpasa lo ni gɔ.

Zumanɔ 78:32

Gɛnɛ kɔ kɛ NWA dɛa oɔngbamɛnɔ ni, nɛ nde owinɔ 'da a wa gbìnì zã wa do a gɔ, nɛ wa 'bana zi tɛ dɛ 'dã mɔ fai.

Zumanɔ 95:8

“Nɛ tɛ dɛ̃ nga zu ɔ nɛ kɛ oyaa nɛ wa dɛa zi ma, 'da fala kɛ wa tɛ li gba zɔ̃ Masa do Mɛriba ni gɔ.

Kulu Tɔa 10:3

Mɔizɛ do Aroni wa nɛa, nɛ wa kpa nwa ngɔ nù Ezipeto, nɛ wa tɔ̃ hã a na: “NWA Gale 'da obe Israɛlɛ aka mɔ na, mɔ 'bana tɛ bɛ̃ we nu ɛ pii nde? Ma wia na, mɔ e owinɔ 'dɛ ɛ ni, takɔ wa nɛ li gba zɔ̃ 'di, hã wa dungu ɛngga we dɔnggɔ do ɛ.

Kulu Tɔa 16:28

Nɛ NWA tɔ̃ hã Mɔizɛ na: “Nɛ 'bana bɛ̃ we nu mi pii nde?

Kulu Tɔa 23:21

Nɛ ma wia na, nɛ dɔnggɔ a, nɛ nɛ tɛ bɛ̃̀ we nu a gɔ. A kpe sɛ dati nɛ do ngawi 'da mi. Kɔ nɛ bɛ̃ we nu a, nɛ dã ma ba sɛ a, nɛ nde a ĩ́ sɛ 'bako hã nɛ gɔ.

Kulu Tɔa 32:9

Kɔ ngangga ni, mi zɔa tɛlɛ tɛ nga zu 'da owinɔ ni vɛ̃,

GBA WENƆ 1:22

“Aa nɛ, Owi bi gbãlã zãnɔ gɛ, nɛ nɛ dɛ yangga dɛa mɔ bɔnɔ nɛ dɛ gɛ, gbaa soe ki nge nde? Aa nɛ, kɛ nɛ fi tɔɛ zu mi gɛ, nɛ dɛ sɛ yangga we mɔmɔ mi gbaa soe ki nge nde? Nɛ kpa sɛ hã zã soe ki nge nde?

Yeremi 13:10

Tua kɛ owinɔ ngɔ nùi ni, wa a o'dã wele, wa bɛ̃a we zele we nu mi. Wa dɛ yia nga zu ɔ nɛ kɛ zã wa kɔ̃a ni. Wa gu gba zu golo dati ogele galenɔ, nɛ wa dɔnggɔ wa. Ma kɛ wa mbulu sɛ ɔ nɛ kɛ 'dɛ̃ gɛ mbulu, nɛ ma wè 'bɔ mɔ hi hi'da gɔɛ ni.”

Yeremi 4:14

Nɛ, owi kɔ le Yeruzalɛmɛ, nɛ kɔ̃ we kpasa ma, nɛ nɛ bɛ̃ gɛnɛ 'dã mɛnɔ 'da nɛ vɛ̃. Nɛ la sɛ fala lengge 'dã linggamɔ soe ki nge nde?

EZEKIƐLƐ 20:13

Nɛ gɛnɛ kɔ tɛ li gba zɔ̃ i, nɛ nde obe Israɛlɛ wa dɛa nga zu dɛ tɛ mi. Mi bia zi mbulanɔ vɛ̃ do mɛnɔ kɛ ma wia na wele dɛ, sɛ nɛ a kpasa de ni hã wa. Nɛ nde wa zɔa ma li wa yala, nɛ wa bɛ̃ gɛnɛ nɛ. Nɛ wa faka kɔ̃ tũ ɔmɔ tɛ wi dè gɔ. Mi nɛa we zɔ ní, nɛ mi tɔ̃ 'bɔ na, mi úsú sɛ 'bɔ nɔ̃lɔ̃ zã 'da mi do wa gɔ, mi nɛ gbɛ wa dɛ li gba zɔ̃ɛ ni.

OZE 8:5

Aa nɛ, owi Samaria, zã mi nɔ̃lɔ̃ dɛ tɛ nɛ wena, we kɛ mi sɛnɛ be wili ngɔmbɛ kɛ nɛ dula do mɔ mbali we dɔnggɔ ma ni wena. Nɛ la sɛ fala dɔnggɔ kpikimanɔ 'da nɛ soe ki nge nde?

ZAKARIA 8:14

NWA ngɔ mɔ nyanga nza vɛ̃ tɔ̃a na: “'Da fala oyaa nɛ wa nɔ̃lɔ̃ zi zã mi ni, nɛ mi 'bili zi na, mi hã zɛlɛ tɛ hã wa, nɛ mi kpòlò zi 'bɔ nu mi gɔ.

Tɔlɔ Mɔ 14:27

“O'dã winɔ gɛ wa nɛ la fala bi tɛ wa hã mi soe ki nge nde? Mi zila bi tɛ wi 'da wa, nɛ ma ngba mi do'do.

Tɔlɔ Mɔ 32:10

Do ngba soe ni, nɛ zã NWA nɔ̃lɔ̃ zi dɛ tɛ wa, nɛ a tɔ̃ hã wa na:

MATIE 17:17

Nɛ Yezu tɔ̃ na: “O! Aa nɛ 'dã winɔ gɛ! Gulu kɛ nɛ do kɔ̃a we dɛ 'da Gale bina we ge nde? Mi 'bana sɛ 'bɔ do nɛ gbaa soe ki nge nde? Mi kunu sɛ sila mi dɛ tɛ nɛ fai nde? Nɛ tɛ́ do be hã mi!” Nɛ wa tɛa do be hã a.

MARKO 9:19

Nɛ Yezu tɔ̃ hã wa na: “O! Aa nɛ, gulu kɛ nɛ do kɔ̃a we dɛ 'da Gale bina we ge nde? Mi 'bana sɛ 'bɔ do nɛ gbaa soe ki nge nde? Mi kunu sɛ sila mi dɛ tɛ nɛ fai nde? Nɛ tɛ́ do be hã mi!”

YOANƐ 10:38

Kɔ fala kɛ mi dɛ toe 'da a, kɔ gɛnɛ kɔ nɛ kɔ̃ zu li mi gɔ, nɛ nɛ wia sɔ we kɔ̃ gɛnɛ mɛnɔ mi dɛ ni, takɔ nɛ ĩ fai na, lɛ do Baa mi, lɛ a wele kpo iko.”

YOANƐ 12:37

Gɛnɛ kɔ a dɛa zi ogba sɔ̃ mɔ hã wa wena, nɛ nde wa kɔ̃̀ zu li a gɔ.

YOANƐ 15:24

Fala kɛ mi dɛ̀ sɔ mbe mɔ, kɛ gele wele dɛ̀ ma dati gɔ ni dɛ li wa gɔ, nɛ nde wa sɔ do 'dã mɔ bina. Nɛ nde ngangga ni, wa zɔa mɛnɔ mi dɛa ni do gbali wa vɛ̃, nɛ wa sɛnɛ mi, nɛ wa sɛnɛ 'bɔ Baa mi.

Mbulanɔ 1:32

Nɛ nde do 'da fala ni, nɛ gbìnì zã nɛ do NWA Gale 'da nɛ gɔ.

OHEBRE 3:16

Winɔ wa zila zɛ́ gɛlɛ Gale, nɛ wa bɛ̃a we nu a ni a wio nde? Wi a wanɔ vɛ́ kɛ Mɔizɛ fua zɛ́ wa ngɔ nù Ezipeto dɛ nza ni.

OHEBRE 3:18

Nɛ 'da fala Gale zonggo tɛ ɛ na: “Nɛ lé sɛ fala kpe do tɛ wi 'da mi gɔ” ni, a tɔ̃a zɛ́ we ni hã wio nde? A tɔ̃a zɛ́ ma hã winɔ kɛ wa lakala we nu a ni.

OHEBRE 3:8

nɛ nɛ tɛ dè nga zu, ɔ nɛ kɛ oyaa nɛ wa lakala zi we nu Gale do ngba soe wa yamba sila a li gba zɔ̃ i ni gɔ.