Tɔlɔ Mɔ 14:1 - WE NU GALE 1995

¹ Do ngba soe wa tɔ̃a do wenɔ ni, nɛ do tũi ni vɛ̃, obe Israɛlɛ wa hia kɔ̃a do 'bako vɛ̃.

Tɔlɔ Mɔ 14:1 Iomraidhean Croise

Zumanɔ 106:25

Wa si ti tandenɔ 'da wa, nɛ wa lungu we, nɛ wa zélé zi 'bɔ wenɔ kɛ NWA tɔ̃ ni gɔ.

Zumanɔ 78:32

Gɛnɛ kɔ kɛ NWA dɛa oɔngbamɛnɔ ni, nɛ nde owinɔ 'da a wa gbìnì zã wa do a gɔ, nɛ wa 'bana zi tɛ dɛ 'dã mɔ fai.

Kulu Tɔa 13:17

'Da fala kɛ nwa ngɔ nù Ezipeto ia obe Israɛlɛ na wa la ni, nɛ Gale kɔ̃̀ zi na, wa ba do dɔ wala, kɛ ma la do ngɔ nùi 'da Ofilisti ni gɔ. We kɛ a ĩ zi na, wa la do ki ni, nɛ Ofilisti wa bi sɛ wa. Nɛ kili ma ba sɛ wa, nɛ mbe gɔ, nɛ wa yapa sɛ linggamɔ zu wa, nɛ wa kpolo sɛ tɛ wa dɛ Ezipeto 'di.

Kulu Tɔa 33:4

Obe Israɛlɛ wa nɛa we zele 'dã toe kɛ Gale tumba ma hã wa ni, nɛ wa dɛ 'bako wena, nɛ wele kpo hé'dé 'bɔ omɔ 'dafa tɛ winɔ 'dɛ ɛ gɔ.

Tɔlɔ Mɔ 13:33

Lɛ zɔa 'bɔ odu winɔ, kɛ wa a obe zã Anakɛ ni. Kɔ lɛ we tɛ lɛ do wa, nɛ lɛ ɔ nɛ olaka iko ni. Nɛ wa zɔ tɛ mɛ 'bɔ lɛ li wa ɔ nɛ mɛ ni.”

Tɔlɔ Mɔ 14:2

Nɛ wa tɔ̃a 'dã we hã Mɔizɛ do Aroni na: “Ma dia sɔ fɛ̃ na, le fe dɛ Ezipeto i, tabi na lɛ fe dɛ li gba zɔ̃ gɛ.

Mbulanɔ 1:26

“Wa tɔ̃a na mɛ ni, nɛ nde nɛ bɛ̃a nu NWA Gale 'da nɛ, nɛ nɛ nɛ̀ we ba nùi ni gɔ.

Mbulanɔ 1:45

Nɛ nɛa zi we kpolo tɛ nɛ, nɛ nɛ ala nu nɛ hã nwa, nɛ nde a kɔ̃̀ zi we zele nɛ gɔ. A lènggè zi do nɛ gɔ.

Mbulanɔ 9:23

Nɛ nɔ̃lɔ̃ zi 'bɔ zã a tɛ Kadɛsɛ-Barnea. A tumba zi nɛ na, nɛ nɛ, kɔ nɛ ba nùi a kpua mbulu nɛ hã nɛ ni, nɛ nɛ bɛ̃a. Nɛ gbìnì zi zã nɛ do a gɔ, nɛ nɛ bɛ̃a we dɛ mɛ kɛ a tɔ̃a hã nɛ ni.

Yozue 14:8

Nɛ lɛnggɛ nu winɔ kɛ wa kã mi ni, ma a zi kili tɛ owinɔ 'da lɛ wena. Nɛ nde kɛ 'da mi, mi ia zi sila mi ngɔ NWA Gale 'da mi.

1 SAMUƐLƐ 30:4

Nɛ Davidi do owinɔ 'da a, wa ma ngɔ bi tɛ wa, nɛ wa hia gbaa, nɛ hi wa ma ha.