Tɔlɔ Mɔ 13:29 - WE NU GALE 1995

²⁹ Oamalɛkɛ wa ɔ tɛ li gba zɔ́ Negɛvɛ. Nɛ Ohiti do Oyebuzi do Oamori, wa ɔ do ngɔ kalanɔ. Nɛ nde Okanana wa ɔ do nu kolo gba lì Meditɛrane do nu kolo lì Yɔrdanɛ.”

Tɔlɔ Mɔ 13:29 Iomraidhean Croise

Ndo Nyanga Dɛ Mɔ 14:7

Wa ia wa i mɔ do'do, nɛ wa kpolo tɛ wa dɛ tɛ le Ɛnɛ-Mikɛpatɛ, kɛ sɔɛ gɛ wa sa li nɛ na Kadɛsɛ, nɛ wa ba nùi 'da Oamalɛkɛ vɛ̃, nɛ wa bi 'bɔ Oamori kɛ wa ɔ tɛ kɔ le Hasasoni-Tamarɛ.

NEHEMIE 9:8

Mɔ zɔa zi kɔ̃a we 'da a dɛ 'da mɔ, ma kɛ mɔ gba tɔkɔ do a, nɛ mɔ kpua mbulu ba nùnɔ gɛ hã obe zã a. Mɛ zi a nùnɔ 'da Okanana do Ohiti do Oamori, do Opɛrizi, do Oyebuzi, do Ogirgasi, takɔ owi nu fɛlɛ a wa ɔ dɛ ngɔ nùnɔ ni. Nɛ mɔ dɛa zi olo nu mɔ, we kɛ mɔ a wi bɔlɔ zu.

Zumanɔ 83:7

Wi dɛ mɛnɔ ni, wi a Oedɔmɛ, Oismaɛlɛ Omoabɛ, Oagarɛ do Ogebalɛ,

Kulu Tɔa 3:17

Kɔ ɛ kɔ̃a na, ɛ fo nɛ ngɔ nùi nɛ kpa ngamɛ kɔ nɛ gɛ do'do. A fo nɛ, nɛ a kã sɛ nɛ dɛ ngɔ nù 'da Okanana, Ohiti, Oamori, Opɛrizi, Ohivi do Oyebuzi. Nùi ni, ma do nyɔngɔmɔ la li ngele.’

Kulu Tɔa 3:8

Hã mi kɔ̃a we fo wa kɔ ngbá ti kɔ̃ Oezipeto, takɔ mi kã wa dɛ ngɔ gele nù kɛ ma a gã, nɛ ma a dia, nɛ nyɔngɔmɔ i mɔ la li ngele ni. Nùi ni, mɛ a nù 'da Okanana, Ohiti, Oamori, Opɛrizi, Ohivi do Oyebuzi.

Tɔlɔ Mɔ 13:17

'Da fala Mɔizɛ tombo winɔ ni, nɛ a tɔ̃ hã wa na: “Nɛ lé ngɔ nù Kanana do li gba zɔ̃ Negɛvɛ si ba gɔtɔ. 'Do nɛ, nɛ nɛ la si ngɔ kalanɔ.

Tɔlɔ Mɔ 13:30

Ombe winɔ sanga obe Israɛlɛ, wa ma ngɔ tɔ̃ 'dã we hã Mɔizɛ, nɛ Kalɛbɛ ga wa, nɛ a tɔ̃ na: “Lɛ nɛ́! Lɛ wia we bi wa, nɛ lɛ ba nùi 'da wa.”

Tɔlɔ Mɔ 14:25

Ngangga ni, Oamalɛkɛ do Okanana wa dɛa tɔa kɔ ogbangɔlɔ̃nɔ di ni ni. Kɔ bindɛ, nɛ nɛ kpolo sɛ tɛ nɛ, nɛ nɛ la sɛ do li gba zɔ́ si li wala gba lì Sala Tɔ̃.”

Tɔlɔ Mɔ 14:43

Oamalɛkɛ do Okanana wa dati nɛ ni boe. Wa kumu sɛ nɛ li bolo. NWA sɛ 'do nɛ bina, we kɛ nɛ bɛ̃a gɛnɛ dɛ olo nu a do'do.”

Tɔlɔ Mɔ 14:45

Nɛ Oamalɛkɛ do Okanana, kɛ wa ɔ ngɔ kalanɔ ni, wa zĩlĩ, nɛ wa bi wa, nɛ wa nɛ ngɔ wa. Nɛ wa ndaka 'do wa gbaa tɛ Horma.

Tɔlɔ Mɔ 24:20

'Do nɛ, nɛ Balamɛ ka mɔ, nɛ a zɔ Oamalɛkɛ, nɛ a tɔ̃ na: “Nɛ, Oamalɛkɛ, nɛ nganda wena, nɛ nde do 'do nza, nɛ nɛ kumu sɛ vɛ̃.”

Mbulanɔ 20:17

Nɛ kumu sɛ owinɔ gɛ vɛ̃: Ohiti, Oamori, Okanana, Opɛrizi, Ohivi do Oyebuzi, ɔ nɛ kɛ NWA ba do nu a hã nɛ ni.

Mbulanɔ 7:1

“NWA Gale 'da nɛ, a kã sɛ nɛ dɛ ngɔ nùi ni, nɛ nɛ ba sɛ ma do mɔ nɛ. Nɛ kɔlɔ do nùi ni, nɛ a ndaka sɛ ogele nu kɔnggɔnɔ dati nɛ. Onu kɔnggɔnɔ a nɛ ndaka wa ni, mɛ sɛ a onu kɔnggɔ sambo, kɛ wa dɛlɛ wena, nɛ wa nganda nɛa ngɔ nɛ ni. Wi a: Ohiti, Ogirgasi, Oamori, Okanana, Opɛrizi, Ohivi do Oyebuzi.

Yozue 10:5

Na mɛ ni, nɛ onwa ngɔ nù Amori mɔlɔ ni, wa mba li ngba wa. Wi zi a nwa ngɔ Yeruzalɛmɛ, Hebroni, Yarmutɛ, Lakisi do Egloni. Wa ba zã zu owi Gabaoni, nɛ wa mba do ogili sodanɔ 'da wa vɛ̃, nɛ wa linggi owi Gabaoni we bi wa.

Yozue 10:6

Kɔ owi Gabaoni wa nɛa we zɔ ní, nɛ wa tombo to hã Yozue tɛ fala ɔi 'da a tɛ Gilgalɛ i na: “Mɔ tɛ èlè lɛ owi dɛa tonɔ 'da mɔ gɔ. Mɔ tɛ́ dɔ̃, kɔ mɔ kpásá lɛ, we kɛ onwa Amori vɛ̃ kɛ wa ɔ ngɔ kalanɔ i ni, wa ba zã zu bi lɛ.”

Yozue 3:10

Ngangga ni, nɛ ĩ sɛ na, NWA Gale wele kpasi fala nɛ kpo do nɛ boe ni. Mba gɔ, Sanduku Gba Tɔkɛ 'da NWA ngɔ nùi vɛ̃, ma kpe sɛ dati nɛ, we be wala kũ lì Yɔrdanɛ hã nɛ. Nɛ NWA a ndaka sɛ Okanana, do Ohiti, do Ohivi, do Opɛrizi, do Ogirgasi, do Oamori, do Oyebuzi dati nɛ.

Yozue 5:1

Onwanɔ ngɔ Oamori kɛ wa ɔ kulu lì Yɔrdanɛ si 'biti gɛ̃a wese, do onwa ngɔ Okanana kɛ wa zi tɛ nu gba lì Meditɛrane, wa zila we mɛ kɛ NWA dɛa na lì Yɔrdanɛ ɔ̃sɔ̃, takɔ obe Israɛlɛ wa kpa wala we kũ nɛ ni, nɛ sila wa gɔnɔ zurr, nɛ wa mbɔkɔ vɛ̃. Nɛ fo wi kpãlã sila ɛ we yolo ti obe Israɛlɛ 'bɔ bina.

Yozue 9:1

Onwanɔ tɛ kulu lì Yɔrdanɛ si 'biti gɛ̃a wese, wa zila we mɛ kɛ obe Israɛlɛ wa dɛa do le Ai ni. Wi zi a Onwanɔ kɛ lenɔ 'da wa tɛ ngɔ kalanɔ, do wanɔ nyanga kalanɔ si 'biti gɛ̃a wese, do wanɔ nu gba lì Meditɛrane gbaa we hɔ tɛ Libanɛ. Wa zi a onwa ngɔ owinɔ gɛ: Ohiti, Oamori, Okanana, Opɛrizi, Ohivi do Oyebuzi.

Owi kpe dati 3:5

Ma kɛ obe Israɛlɛ wa ɔa dɛ sanga Okanana, Ohiti, Oamori, Opɛrizi, Ohivi do Oyebuzi.

Owi kpe dati 6:3

Nɛ 'da falanɔ vɛ̃ kɛ obe Israɛlɛ wa mi zi kpalɛ li fɔnɔ 'da wa ni, nɛ Omadianɛ wa mba do Oamalɛkɛ, do winɔ kɛ wa ɔ li gba zɔ̃ si 'biti gba wese ni, nɛ wa nɛ, nɛ wa bi wa.

1 SAMUƐLƐ 14:48

A bi zi Oamalɛkɛ do sɔ̃a gbãlã tɛ, nɛ a nɛ ngɔ wa, nɛ a kpasa zi obe Israɛlɛ ti kɔ owinɔ vɛ̃ kɛ wa bi zi wa ni.

1 SAMUƐLƐ 27:8

'Da fala kɛ a do owinɔ 'da a wa tɛ Siklagɛ ni, nɛ wa nɛ, nɛ wa bi Ogesurɛ, Ogirzi, do Oamalɛkɛ. Owinɔ ni wa ɔ zi fai tɛ ngɔ nùi ni, do si wala Surɛ gbaa we hɔ tɛ li ngbala nù Ezipeto.

1 SAMUƐLƐ 30:1

Ma la 'do nɛ tũ bɔa, nɛ Davidi do owinɔ 'da a wa hɔ kɔ le Siklagɛ. Ĩ na, Oamalɛkɛ wa bi zi nù Yuda si ba gɔtɔ, mba do le Siklagɛ. Nɛ wa fi we tɛ le, nɛ wa 'danga ma do'do.

1 SAMUƐLƐ 7:14

Ofilisti, wa gisa olenɔ wa kala zi kɔ̃ obe Israɛlɛ ni hã wa, yolo tɛ ngbala 'bili tɛ nù Ekroni gbaa we hɔ Gatɛ. Na mɛ ni, nɛ lenɔ ni, ma hɔa nza ti kɔ̃ Ofilisti. Nɛ obe Israɛlɛ wa dɛa zi 'bɔ na do ngba wa Oamori.