Tɔlɔ Mɔ 13:28 - WE NU GALE 1995

²⁸ Mɔ kpo a kɛ winɔ wa ɔ ngɔ nùi ni, wa nganda wena, nɛ lenɔ 'da wa gã wena, nɛ gba ngbo zĩ ma takpa. Lɛ zɔa 'bɔ odu winɔ kɛ wa a obe zã Anakɛ ni.

Tɔlɔ Mɔ 13:28 Iomraidhean Croise

2 SAMUƐLƐ 21:16

Nɛ Isɛbi-Bɛnɔbɛ, mbe wi nu fɛlɛ Harafa ba sɛlɛ 'da a dɛ kɔ̃ a we gbɛ Davidi. Omɔ bolonɔ 'da a vɛ̃ a mbé nɛ, nɛ wa dɛa sɛlɛ 'da a do tũ mɔ bolo, nɛ dĩ gbali nɛ nɛa ngɔ kilo talɛ.

Tɔlɔ Mɔ 13:33

Lɛ zɔa 'bɔ odu winɔ, kɛ wa a obe zã Anakɛ ni. Kɔ lɛ we tɛ lɛ do wa, nɛ lɛ ɔ nɛ olaka iko ni. Nɛ wa zɔ tɛ mɛ 'bɔ lɛ li wa ɔ nɛ mɛ ni.”

Mbulanɔ 1:28

Gulu kɛ lɛ nɛ nɛ i mɔ we ge nde? Lɛ do kili wena, we kɛ owinɔ lɛ tumba wa ni, wa tɔ̃a hã lɛ na, owinɔ i mɔ ni, wa nganda wena, nɛ wa dulu 'bɔ la lɛ. Nɛ wa ɔ kɔ olenɔ kɛ gba ngbonɔ zĩ ma takpa, nɛ ngbonɔ ni nɛa gbaa, nɛ ma to li nza. Wa zɔa 'bɔ odu winɔ kɛ wa a obe zã Anakɛ ni.’

Mbulanɔ 2:21

Mɛ zi a Owele wa dɔ wena, nɛ wa nganda wena. Wa dulu zi ɔ nɛ obe zã Anakɛ ni. Nɛ nde Oamoni wa nɛa we hɔ di ni, nɛ nwa kumu Ozamzumi, nɛ Oamoni wa ba fala olo wa ni, nɛ wa 'bana dɛ di ni.

Mbulanɔ 3:5

Olenɔ ni vɛ̃, ogba ngbo zĩ zi ma takpa, nɛ dɛlɛ ngbo nɛ ma ngala wena, nɛ wa kpe nu nɛ do ofungula. Nɛ olenɔ kɛ ongbo zĩ̀ ma takpa gɔ ni, ma dɛlɛ zi 'bɔ wena.

Yozue 11:22

Nɛ Anakɛ kpo 'bànà ngɔ nù Yuda do Israɛlɛ gɔ. Be tala wa 'bana zi tati nɛ dɛ kɔ le Gaza, Gatɛ do Asdɔdɛ iko.

Yozue 14:12

Kɔ ngangga ni, mi gɔ kɔ̃ mɔ na, mɔ hã nùi ngɔ kalanɔ gɛ hã mi, we kɛ mɛ a nùi kɛ NWA kpua zi mbulu nɛ hã mi. 'Da fala ni, mi tɔ̃a zi hã mɔ na, Oanakɛ, ogba du winɔ ni wa zi ngɔ nùi gɛ boe, nɛ wa ɔ kɔ gã lenɔ kɛ gba ngbo zĩ ma takpa. Nɛ nde fala kɛ nwa wele nu a tɛ mi, nɛ mi ndaka sɛ wa, nɛ́ kɛ a tɔ̃a ni.”

Yozue 15:14

Do 'da fala kɛ Yozue hã le Hebroni hã Kalɛbɛ ni, nɛ nde owi nu fɛlɛ Sekai, do Ahimanɛ, do Talmai, wa ɔ zi tɛ kɔ le ni. Wa zi a owi nu fɛlɛ Anakɛ. Nɛ Kalɛbɛ ndaka wa vɛ̃, nɛ a ba le olo wa ni do mɔ́ a.

Owi kpe dati 1:20

Nɛ Yozue ba le Hebroni hã Kalɛbɛ, ɔ nɛ kɛ Mɔizɛ ba zi do nu a ni. Kalɛbɛ nɛa, nɛ a ndaka obe zã Anakɛ, kɛ wa hɔa zi nu fɛlɛ kula talɛ dɛ di ni, nɛ a ba le kɔ̃ wa.