Tɔlɔ Mɔ 13:27 - WE NU GALE 1995

²⁷ Nɛ wa tɔ̃ hã Mɔizɛ na: “Lɛ nɛa, nɛ lɛ le ngɔ nùi mɔ tumba zi lɛ ngɔ nɛ ni. Mɛ a gbãlã we na, mɛ a nù kɛ ma do nyɔngɔmɔ la li ngele. Mɔ zɔ mbe wala tenɔ i mɔ ni kɛ.

Tɔlɔ Mɔ 13:27 Iomraidhean Croise

NEHEMIE 9:25

Wa kala ole kɛ gba ngbo zĩ ma takpa, do odia nù mi do kpalɛ, do otɔa kɛ ma dunu do kpamɔ, do okɔ̃ lì kɛ wa zã ma ia, do ote vinɔ, do ote olivɛ, do ogele tenɔ kɛ wa nyɔngɔ wala nɛ nyɔnga ni. Wa nyɔngɔ mɔ, nɛ wa nɔ dɔ́, nɛ zã wa hɛ̃, nɛ wa dɛa yangga, we ode mɛnɔ vɛ̃ mɔ hã hã wa ni.

Kulu Tɔa 13:5

NWA kpua zi mbulu hã oyaa nɛ na, a ba sɛ nù 'da Okanana, Ohiti, Oamori, Ohivi do Oyebuzi hã wa. Nùi ni mɛ a dia nù, nɛ ma do nyɔngɔmɔ la li ngele. Kɔ fala kɛ nɛ ba nùi ni, nɛ kɔ sabɛlɛ do sabɛlɛ, do zɛkɛ Abibɛ, nɛ nɛ dungu sɛ ɛngga we lengge mɛ ma dɛ tɛ̃ ɛ sɔɛ gɛ.

Kulu Tɔa 3:17

Kɔ ɛ kɔ̃a na, ɛ fo nɛ ngɔ nùi nɛ kpa ngamɛ kɔ nɛ gɛ do'do. A fo nɛ, nɛ a kã sɛ nɛ dɛ ngɔ nù 'da Okanana, Ohiti, Oamori, Opɛrizi, Ohivi do Oyebuzi. Nùi ni, ma do nyɔngɔmɔ la li ngele.’

Kulu Tɔa 3:8

Hã mi kɔ̃a we fo wa kɔ ngbá ti kɔ̃ Oezipeto, takɔ mi kã wa dɛ ngɔ gele nù kɛ ma a gã, nɛ ma a dia, nɛ nyɔngɔmɔ i mɔ la li ngele ni. Nùi ni, mɛ a nù 'da Okanana, Ohiti, Oamori, Opɛrizi, Ohivi do Oyebuzi.

Kulu Tɔa 33:3

Na mɛ ni, nɛ nɛ le sɛ ngɔ nùi olo wa ni. Mɛ a nù kɛ ma do nyɔngɔmɔ la li ngele. Nɛ nde mi kã́ sɛ nɛ do tɛ mi gɔ, we kɛ nɛ a owi dɛ nga zu. Kɔ mi kã nɛ, nɛ ma fa sɛ na, mi kumu nɛ dɛ li wala gɛ do'do.”

Yeremi 11:5

Nɛ mbuli kɛ mi kpua zi hã oyaa wa, nɛ mi hã nùi kɛ ma do nyɔngɔmɔ la li ngele hã wa, ɔ nɛ kɛ wa do ma sɔɛ gɛ ni, mi kpóló sɛ 'bɔ ma gɔ.” Nɛ mi gisa na: “Ĩi nwa, mi kɔ̃a.”

Yeremi 32:22

Mɔ kpua zi mbulu hã oyaa lɛ na, mɔ hã sɛ nùi kɛ lɛ ngɔ ma sɔɛ gɛ hã wa. Nɛ nùi kɛ mɔ hã zi hã wa gɛ, mɛ a nù kɛ ma do nyɔngɔmɔ la li ngele.

EZEKIƐLƐ 20:15

Nɛ mi kana tɛ mi tɛ li gba zɔ̃ i na, wa lé sɛ ngɔ nùi mi saka zi hã wa ni gɔ. Mɛ a nù kɛ ma do nyɔngɔmɔ la li ngele, nɛ ma dia nɛa ngɔ nùnɔ vɛ̃.

EZEKIƐLƐ 20:6

Do 'da fala ni, nɛ mi kana zi tɛ mi hã wa na, mi fo sɛ wa ngɔ nù Ezipeto dɛ nza, nɛ mi kã sɛ wa dɛ ngɔ nù kɛ mi saka ma hã wa ni. Mɛ a nù kɛ ma do nyɔngɔmɔ la li ngele, nɛ ma dia nɛa ngɔ tala nùnɔ vɛ̃.

Levitɛnɔ 20:24

Nɛ nde mi tɔ̃ hã nɛ na, nɛ ba sɛ nùi olo wa ni, nɛ mi hã sɛ ma hã nɛ do mɔ nɛ. Mɛ a nù kɛ ma do nyɔngɔmɔ se'de wena. Wi a mi NWA Gale 'da nɛ, kɛ mi saka nɛ sanga ogele winɔ na, nɛ hɔ owinɔ 'da mi ni.

Tɔlɔ Mɔ 14:7

nɛ wa tɔ̃ hã owinɔ na: “Nùi lɛ yɛnggɛ ngɔ nɛ we zɔ ma ni, ma de wena,

Tɔlɔ Mɔ 14:8

nɛ ma do nyɔngɔmɔ la li ngele. Kɔ fala kɛ NWA be dia zã 'da a hã lɛ, nɛ a kpe sɛ ti lɛ dɛ ngɔ nùi ni, nɛ a ba sɛ ma hã lɛ.

Tɔlɔ Mɔ 16:13

Mɔ fua zi lɛ dɛ nza ngɔ nù Ezipeto, nù kɛ ma do nyɔngɔmɔ la li ngele, nɛ mɔ tɛa do lɛ dɛ dɛ, takɔ lɛ fe dɛ li gba zɔ̃ɛ gɛ. Nɛ ki ni ma wè li mɔ gɔ, nɛ mɔ kɔa 'bɔ we be tɛ mɔ na, mɔ ngɔ lɛ nde?

Tɔlɔ Mɔ 16:14

Ma wè gɔ. Mɔ nɛ do lɛ dɛ ngɔ nù kɛ nyɔngɔmɔ la li ngele tɛ nɛ ni gɔ, nɛ mɔ hã̀ 'bɔ ofɔ vinɔ hã lɛ do mɔ́ lɛ gɔ. Mɔ zɔ lɛ ɔ nɛ owi tandu kɛ wa wè tɛ zɔ mɛnɔ mɔ dɛ ni gɔ nde? Lɛ bɛ̃a, lɛ nɛ́ sɛ i mɔ gɔ.”

Mbulanɔ 11:9

Nɛ tũ kɔ̃ nɛ ma dɔ sɛ ngɔ nùi kɛ nwa 'bili zi na, ɛ ba sɛ ma hã oyaa nɛ do obe zã wa ni. Mɛ a nù kɛ ma do nyɔngɔmɔ la li ngele.

Mbulanɔ 26:9

Mɔ kã lɛ gbaa dɛ i nga, nɛ mɔ hã nùi kɛ ma do nyɔngɔmɔ la li ngele gɛ hã lɛ.

Mbulanɔ 27:3

Nɛ nɛ kɔmɔ sɛ mbulanɔ vɛ̃ kɛ mi bia ma hã nɛ ni dɛ ngɔ otanɔ ni. 'Da fala nɛ le sɛ ngɔ nùi kulu lì Yɔrdanɛ, kɛ NWA Gale 'da oyaa nɛ, a kpua mbulu hã ma hã nɛ, nɛ ma do nyɔngɔmɔ la li ngele ni,

Mbulanɔ 31:20

Mi kã sɛ wa dɛ ngɔ nùi kɛ ma do nyɔngɔmɔ la li ngele ni, ɔ nɛ kɛ mi kpua zi mbulu nɛ hã oyaa wa ni. Wa hɔ i mɔ, nɛ wa kpa sɛ nyɔngɔmɛnɔ vɛ̃ kɛ wa do wɔ nɛ ni, nɛ wa kpasa sɛ do dia nɛ. Nɛ nde wa siki sɛ 'do wa hã mi, nɛ wa dɔnggɔ ogele galenɔ. Wa bɛ̃ sɛ gɛnɛ mi, nɛ wa 'danga gba tɔkɛ 'da mi do wa.

Mbulanɔ 6:3

Nɛ, obe Israɛlɛ, nɛ zélé mbulanɔ ni, nɛ nɛ dɔnggɔ ma, nɛ nɛ dungu sɛ do dia nɛ. Na mɛ ni, nɛ nɛ dɛlɛ sɛ ngɔ nùi kɛ NWA Gale 'da oyaa nɛ, a kpua zi mbulu nɛ hã nɛ ni. Nɛ mɛ a nù kɛ ma do nyɔngɔmɔ la li ngele.

Yozue 5:6

Obe Israɛlɛ wa yɛnggɛ do li gba zɔ̃ɛ ni 'do 'bu sabɛlɛ nalɛ. Nɛ kɔ sabɛlɛnɔ ni vɛ̃, owi wilinɔ kɛ wa wia zi sabɛlɛ bi bolo do fala wa yula Ezipeto i ni, wa fia vɛ̃, we kɛ wa bɛ̃a zi dɛ mbula 'da NWA. Ma kɛ NWA kana nu a tɛ wa na, wa zɔ́ sɛ nùi kɛ nyɔngɔmɛ la li ngele ngɔ nɛ, nɛ a kpua zi mbulu hã ma hã oyaa wa ni gɔ.