Tɔlɔ Mɔ 13:26 - WE NU GALE 1995

²⁶ Nɛ wa kpolo tɛ wa dɛ Kadɛsɛ, tɛ li gba zɔ́ Paranɛ, dɛ 'da Mɔizɛ, Aroni do obe Israɛlɛ. Nɛ wa tɔ̃ we mɛnɔ vɛ̃ wa zɔa i mɔ ni, nɛ wa be 'bɔ wala tenɔ ngɔ nùi ni hã wa.

Tɔlɔ Mɔ 13:26 Iomraidhean Croise

Ndo Nyanga Dɛ Mɔ 14:7

Wa ia wa i mɔ do'do, nɛ wa kpolo tɛ wa dɛ tɛ le Ɛnɛ-Mikɛpatɛ, kɛ sɔɛ gɛ wa sa li nɛ na Kadɛsɛ, nɛ wa ba nùi 'da Oamalɛkɛ vɛ̃, nɛ wa bi 'bɔ Oamori kɛ wa ɔ tɛ kɔ le Hasasoni-Tamarɛ.

Zumanɔ 29:8

NWA wele we, nɛ li gba zɔ̃nɔ ma yaka, nɛ li gba zɔ̃ Kadɛsɛ ma tana.

Tɔlɔ Mɔ 13:25

Owinɔ ni wa yɛnggɛ, nɛ wa zɔ nùi vɛ̃ 'do 'bu tũ nalɛ.

Tɔlɔ Mɔ 13:3

Mɔizɛ zila nu NWA, nɛ a tombo Owele 'bu ngɔ wa bɔa kɛ wa a ogã wi ngɔ obe Israɛlɛ. Wa yula tɛ li gba zɔ̃ Paranɛ, nɛ wa la. Li wa ma kɛ: Nu kpala Li wi wa saka a Rubɛnɛ Samua, be 'da Zakurɛ Simeoni Safatɛ, be 'da Hori Yuda Kalɛbɛ, be 'da Yɛfune Isakarɛ Igalɛ, be 'da Yozɛfu Efraimɛ Hose, be 'da Nunɛ Bɛnzamɛ Palti, be 'da Rafu Zabuloni Gadiɛlɛ, be 'da Sodi Manase Gadi, be 'da Susi Danɛ Amiɛlɛ, be 'da Gɛmali Asɛrɛ Sɛturɛ, be 'da Mikaɛlɛ Nɛftali Nabi, be 'da Vofsi Gadɛ Guɛlɛ, be 'da Maki

Tɔlɔ Mɔ 20:1

Obe Israɛlɛ vɛ̃ wa hɔa tɛ li gba zɔ̃ Sinɛ do kuti zɛkɛ kɔ sabɛlɛ, nɛ wa 'dafa fala ɔi 'da wa tɛ Kadɛsɛ. 'Da fala wa hɔa di ni ni, nɛ Miriamɛ fe, nɛ wa mi a.

Tɔlɔ Mɔ 20:14

Tɛ Kadɛsɛ i, nɛ Mɔizɛ tombo Owele hã nwa ngɔ nù Edɔmɛ na: “Mɔ zélé toe 'da onya mɔ, obe Israɛlɛ. Mɔ ĩ ti ngamɛnɔ vɛ̃ lɛ kpa ma ni.

Tɔlɔ Mɔ 20:16

Nɛ lɛ sa mɔ hã NWA na, a gbaka lɛ. Nɛ a zila hiamɛ 'da lɛ, nɛ a tombo anzɛ 'da a na, a fo lɛ ngɔ nù Ezipeto dɛ nza. Ma kɛ lɛ hɔa dɔ̃ɔ do 'do le Kadɛsɛ, kɛ ma a li ngbala nùi 'da mɔ ni.

Tɔlɔ Mɔ 32:8

Oyaa nɛ wa dɛa zi 'bɔ kpo 'dã mɛ gɛ, 'da fala lɛ zi tɛ Kadɛsɛ-Barnea, nɛ mi tombo zi wa na, wa nɛ kɔ wa yɛnggɛ ngɔ nù Kanana we zɔ ma.

Tɔlɔ Mɔ 32:9

Nɛ wa nɛa gbaa, nɛ wa hɔ tɛ kɔ gbangɔlɔ̃ Ɛsɛkɔlɛ, nɛ wa yɛnggɛ ngɔ nùi ni. Kɔ wa nɛa we kpolo tɛ wa, nɛ wa a tili li gele obe Israɛlɛ na, wa tɛ nɛ̀ dɛ ngɔ nùi NWA hã zi ma hã wa ni gɔ.

Mbulanɔ 1:19

“'Do nɛ, nɛ NWA Gale 'da lɛ ba nu a hã lɛ, nɛ lɛ kulu ngɔ tɛ ngɔ kala Sinai, nɛ lɛ la do li gba zɔ̃ tɛ li wala ngɔ kalanɔ 'da Oamoni. Mɛ a gã li gba zɔ̃ kɛ nɛ zɔa ma, nɛ ma hã kili hã nɛ. Lɛ nɛa, nɛ lɛ hɔ Kadɛsɛ-Barnea,

Mbulanɔ 1:2

(Yolo tɛ ngɔ kala Horɛbɛ we hɔ Kadɛsɛ-Barnea, kɔ wa hɔ do wala ngɔ kalanɔ tɛ Seirɛ, nɛ wa gɔnɔ zi wala tũ 'bu ngɔ nɛ kpo.)

Yozue 14:6

Mbe tũ kpo, nɛ ombe wi nu kpala Yuda wa nɛa 'da Yozue tɛ Gilgalɛ i we zɔ a. Nɛ wele kpo kɔ wa, li a a Kalɛbɛ, be 'da Yɛfune, nu fɛlɛ Kɛnazɛ, tɔ̃ hã Yozue na: “Fala lɛ 'bana zi tɛ kɔ le Kadɛsɛ-Barnea, nɛ NWA Gale wila zi we ngɔ lɛ do mɔ hã wi 'da a Mɔizɛ. Kɔ ta zu mɔ 'bana ngɔ we kɛ a tɔ̃a zi ni nde?

Yozue 14:7

Do 'da fala ni, nɛ nde mi zi do 'bu sabɛlɛ nalɛ, nɛ Mɔizɛ, wi dɛa toe 'da Gale, tombo zi mi na, mi nɛ miã nùi kɛ lɛ ngɔ nɛ gɛ. Mi nɛa, nɛ mi si, nɛ mi tɔ̃ we mɛnɔ mi zɔa ni vɛ̃ hã a do wala olo nɛ.